മമ്മൂട്ടിയും മോഹന്‍ലാലും ഇന്റര്‍നെറ്റിലെ 'അപകടകാരികള്‍'

By Bijesh

| Published: Wednesday, September 25, 2013, 19:33 [IST]

മലയാളത്തില്‍ ഏറ്റവും അപകടകാരികളായ നടന്‍മാരാണ് മമ്മൂട്ടിയും മോഹന്‍ലാലും. അതുകഴിഞ്ഞാല്‍ പിന്നെ പൃഥ്വിരാജ് തന്നെ പ്രശ്‌നക്കാരന്‍. എന്താണു പ്രശ്‌നമെന്നല്ലെ. ഇന്റര്‍നെറ്റില്‍ ഇവരെ തിരഞ്ഞാല്‍ നിങ്ങളുടെ കമ്പ്യൂട്ടറില്‍ വൈറസ് കയറും.

മലയാളത്തില്‍ മാത്രമല്ല, ബോളിവുഡിലുമുണ്ട് ഇത്തരം അപകടകാരികള്‍. പ്രിയങ്കാ ചോപ്രയാണ് ബോളിവുഡിലെമാത്രമല്ല, ഇന്ത്യയിലെ തന്നെ ഏറ്റവും പ്രശ്‌നക്കാരി. മകാഫീ എന്ന സൈബര്‍ സുരക്ഷാ സ്ഥാപനം പുറത്തുവിട്ട റിപ്പോര്‍ട്ടിലാണ് അപകടകാരികളുടെ ലിസ്റ്റുള്ളത്.

സൈബര്‍ ക്രിമിനലുകളാണ് ഇതിനു പിന്നില്‍. സെലിബ്രിറ്റികളുടെ പേരുപയോഗിച്ച് അപകടകരമായ സൈറ്റുകളിലേക്ക് നയിക്കുകയും അതുവഴി നിങ്ങളുടെ അക്കൗണ്ട് ഹാക്ക് ചെയ്യുകയുമാണ് ഇവര്‍ ചെയ്യുന്നത്.

ഇതിനായി അവരുടെ സൈറ്റുകളില്‍ സെലിബ്രിറ്റികളുടെ പേരുള്‍പ്പെടുത്തി ടാഗുകള്‍ നല്‍കുകയാണ് ചെയ്യുന്നത്. സ്വാഭാവികമായും പ്രശസ്തരായ സിനിമാ താരങ്ങളെ സെര്‍ച്ച് ചെയ്യുമ്പോള്‍ ആളുകള്‍ ഈ സൈറ്റ് ലിങ്ക് വരികയും അതില്‍ ക്ലിക് ചെയ്യുകയും ചെയ്യും.

ഇത്തരത്തില്‍ സൈബര്‍ ക്രിമിനലുകള്‍ കണ്ണു വച്ചിരിക്കുന്ന മലയാളത്തിലേയും ബോളിവുഡിലേയും നടീ നടന്‍മാര്‍ ആരൊക്കെ എന്നറിയാന്‍ താഴേക്കു സ്‌ക്രോള്‍ ചെയ്യുക.