ഗൂഗിളിന്റെ പുതിയ സിഇഒ ചെന്നൈക്കാരന്‍ സുന്ദര്‍ പിച്ചായി ഇതാ...!

1

പിച്ചായി തമിഴ്‌നാടിന്റെ തലസ്ഥാനമായ ചെന്നൈയില്‍ 1972 ജൂലൈ 12-നാണ് ജനിക്കുന്നത്.

2

ഐഐടി ഖരഗ്പൂരില്‍ നിന്ന് മെട്ടലര്‍ജിക്കല്‍ എഞ്ചിനിയറിങില്‍ ആണ് പിച്ചായി ബിരുദം എടുക്കുന്നത്.

3

തുടര്‍ന്ന് സ്റ്റാന്‍ഫോര്‍ഡ് യൂണിവേഴ്‌സിറ്റിയില്‍ നിന്ന് എംഎസ്, പെന്‍സില്‍വാനിയ യൂണിവേഴ്‌സിറ്റിയിലെ വാര്‍ട്ടന്‍ സ്‌കൂളില്‍ നിന്ന് എംബിഎ-യും അദ്ദേഹം കരസ്ഥമാക്കി.

4

2004-ല്‍ പ്രൊഡക്ട് മാനേജ്‌മെന്റ് വൈസ് പ്രസിഡന്റ് എന്ന നിലയിലാണ് പിച്ചായി ഗൂഗിളില്‍ ചേരുന്നത്.

5

ലോകത്തെ ഏറ്റവും പ്രശസ്തമായ വെബ് ബ്രൗസറായി മാറിയ ഗൂഗിള്‍ ക്രോം ബ്രൗസര്‍ 2008-ല്‍ അവതരിപ്പിച്ചത് പിച്ചായിയുടെ നേതൃത്വത്തിലായിരുന്നു.

6

ആന്‍ഡ്രോയിഡിന്റെ അമരക്കാരനായിരുന്ന ആന്‍ഡി റൂബിന്‍ 2013 മാര്‍ച്ചില്‍ ഒഴിഞ്ഞപ്പോള്‍, ഇതിന്റെ ചുമതലക്കാരനായി കമ്പനി തിരഞ്ഞെടുത്തത് പിച്ചായിയെ ആയിരുന്നു.

7

വളര്‍ന്ന് വരുന്ന വിപണിയിലെ അഞ്ച് ബില്ല്യണ്‍ ഉപയോക്താക്കളെ ലക്ഷ്യമിട്ട് ഇറക്കാനിരിക്കുന്ന വില കുറഞ്ഞ ആന്‍ഡ്രോയിഡ് സ്മാര്‍ട്ട്‌ഫോണുകളില്‍ ഉപയോഗക്ഷമമായ ആന്‍ഡ്രോയിഡ് വണ്‍ പദ്ധതി പിച്ചായിയുടെ തലച്ചോറില്‍ നിന്നാണ് രൂപം കൊണ്ടത്.

8

യൂട്യൂബ് ഒഴിച്ച് ഗൂഗിളിന്റെ മര്‍മ പ്രധാനമായ പദ്ധതികളെല്ലാം പിച്ചായിയുടെ ചുമതലയിലാണ് ഇപ്പോള്‍.

9

സെര്‍ച്ച്, മാപ്‌സ്, ഗൂഗിള്‍ പ്ലസ്, ആന്‍ഡ്രോയിഡ്, ക്രോം, ഗൂഗിള്‍ ആപ്‌സ് തുടങ്ങിയവയാണ് പിച്ചായിയുടെ ചുമതലയിലുളള പ്രധാന പദ്ധതികള്‍.

10

ട്വിറ്റര്‍ പിച്ചായിക്ക് 2011-ല്‍ വന്‍ ജോലി വാഗ്ദാനം നടത്തിയെങ്കിലും ഗൂഗിള്‍ നിരസിക്കാന്‍ സാധിക്കാത്ത ഓഫര്‍ നല്‍കി പിച്ചായിയെ കമ്പനിയില്‍ തന്നെ തുടരാന്‍ പ്രേരിപ്പിക്കുകയായിരുന്നു.