ഐസ് ക്രീം സാന്ഡ്വിച്ചില് ഒരു ടാബ്ലറ്റ്
ആന്ഡ്രോയിഡ് ഐസ് ക്രീം സാന്ഡ്വിച്ച് ഓപറേറ്റിംഗ് സിസ്റ്റത്തില് പ്രവര്ത്തിക്കുന്ന ആദ്യ ടാബ്ലറ്റ് കമ്പ്യൂട്ടര് പുറത്തിറക്കുന്നവരില് ഒരു പ്രധാന കമ്പനിയാണ് കോബി ഇലക്ട്രോണിക്സ് കോര്പറേഷന്. അടുത്ത വര്ഷം ജനുവരിയാലാണ് ഈ പുതിയ ടാബ്ലറ്റ് പുറത്തിറങ്ങുക.
ആന്ഡ്രോയിഡ് ഓപറേറ്റിംഗ് സിസ്റ്റങ്ങളില് ഏറ്റവും മികച്ച വേര്ഷനായി കണക്കാക്കപ്പെട്ടിട്ടുള്ളതാണ് ഐസ് ക്രീം സാന്ഡ്വിച്ച് ഓപറേറ്റിംഗ് സിസ്റ്റം. 7 ഇഞ്ച്, 8 ഇഞ്ച്, 9 ഇഞ്ച്, 9.7 ഇഞ്ച് 10 ഇഞ്ച് എന്നിങ്ങനെയ വ്യത്യസ്ത വലിപ്പങ്ങളില് ഇറങ്ങും ഈ പുതിയ കോബി ടാബ്ലറ്റ് കമ്പ്യൂട്ടര്.
1 ജിഗാഹെര്ഡ്സ് എആര്എം കോര്ട്ടെക്സ് എ8 സിപിയു ആണ് ഈ കോബി ടാബ്ലറ്റിന്റെ എല്ലാ മോഡലുകളുടെയും പ്രോസസ്സര്. കപ്പാസിറ്റീവ് മള്ട്ടി ടച്ച് സ്ക്രീന് ആണിതിന്റെ ഡിസ്പ്ലേ. ഓരോ മോഡലിനും 1 ജിബി റാം മെമ്മറി വീതമായിരിക്കും ഉണ്ടാകുക.
ഫീച്ചറുകള്:
- ആന്ഡ്രോയിഡ് വി4.0 ഐസ് ക്രീം സാന്ഡ്വിച്ച് ഓപറേറ്റിംഗ് സിസ്റ്റം
- മള്ട്ടി ടച്ച് കപ്പാസിറ്റീവി ഡിസ്പ്ലേ സ്ക്രീന്
- 1 ജിഗാഹെര്ഡ്സ് എആര്എം കോര്ട്ടെക്സ് എ8 പ്രോസസ്സര്
- 1 ജിബി റാം
- 32 ജിബ്ി വരെ മെമ്മറി ഉയര്ത്താനുള്ള സംവിധാനം
- മെലിഞ്ഞ ഒരു സ്റ്റൈലന് മൊബൈല്
- 1080പി എച്ച്ഡിഎംഐ ഔട്ട്പുട്ട്
- വൈഫൈ
- വ്യത്യസ്ത ഡിസ്പ്ലേയുള്ള മോഡലുകള്
വ്യത്യസ് സ്ക്രീന് വലിപ്പത്തിലുള്ള അഞ്ചു തരം മോഡലുകള് ഇറക്കുന്നതുകൊണ്ട് ഓരോരുത്തര്ക്കും അവരവര്ക്ക് ഇഷ്ടമുള്ളത് നോക്കി തിരഞ്ഞെടുക്കാവുന്നതാണ്.
വെബ് ബ്രൗസിംഗ്, ഷെയറിംഗ്, മെയിലിംഗ്, ഗെയിമിംഗ്, മീഡിയ എന്റര്ടെയിന്മെന്റ് എന്നിവയ്ക്കെല്ലാം ഈ ടാബ്ലറ്റില് ബില്ട്ട് ഇന് ആപ്ലിക്കേഷനുകള് ഒരുക്കിയിരിക്കുകയാണ് കോബി. ഇവയുടെ വില ന്യായമായതു മാത്രമായിരിക്കും എന്നാണ് പൊതുവെ പ്രതീക്ഷിക്കപ്പെടുന്നത് എങ്കിലും കൃത്യമായ വില വിവരം ലഭിക്കാനിരിക്കുന്നേയുള്ളൂ.