ശരാശരി മെമ്മറി ഉള്ള ഫോണുകൾ ഉപയോഗിക്കുന്നവരിൽ അതിനി ആൻഡ്രോയ്ഡ് ആവട്ടെ ഐഫോൺ ആവട്ടെ പലപ്പോഴും മെമ്മറി തീർന്നുപോകുന്ന ഒരു പ്രശ്നം വരാറുണ്ട്. ഈ ഘട്ടത്തിൽ ചെയ്യാവുന്ന ചില പൊടിക്കൈകൾ പറയുകയാണ് ഇവിടെ. ഇതിലൂടെ എളുപ്പം നിങ്ങൾക്ക് കൂടുതൽ മെമ്മറി ഫോണിൽ ലഭ്യമാക്കാം.
നമുക്കറിയാം നമ്മൾ ഒരു പുതിയ ഫോൺ വാങ്ങിക്കഴിഞ്ഞാൽ അതിൽ ആവശ്യമുള്ള ആപ്പുകൾക്ക് പുറമെയായി കമ്പനി തന്നെ ഇൻസ്റ്റാൾ ചെയ്തിരിക്കുന്ന ചില ആപ്പുകൾ ഉണ്ടാകും എന്നത്. ഒപ്പം ഒട്ടനവധി ഗൂഗിൾ ആപ്പുകളും കാണും. ഇവയെല്ലാം തന്നെ നമുക്ക് ആവശ്യമായവ ആയിരിക്കില്ല. അങ്ങനെ ഇവയെ ഒഴിവാക്കാൻ നോക്കിയാലോ, പലതും സിസ്റ്റം ആപ്പുകൾ ആയി വരുന്നതിനാൽ അൺഇൻസ്റ്റാൾ ചെയ്യാൻ പറ്റാത്തവയായിരിക്കും. അപ്പോൾ അനാവശ്യ ആപ്പുകൾ ഡിസേബിൾ ചെയ്തുവെക്കാം. ഇതിലൂടെ അനാവശ്യ ആപ്പുകൾ കൊണ്ടുണ്ടാകുന്ന മെമ്മറി, ബാറ്ററി ചോർച്ച ഒരുപരിധി വരെ തടയാവുന്നതാണ്.
ആൻഡ്രോയ്ഡ് ഓറിയോ ഒക്കെ ആണ് നിങ്ങൾ ഉപയോഗിക്കുന്നതെങ്കിൽ ഫോണിൽ തന്നെ ഫ്രീ അപ്പ് സ്പേസ് ഓപ്ഷൻ കാണാം. ഇതിലൂടെ നല്ലൊരു ഭാഗം അനാവശ്യ ഫയലുകൾ ഒഴിവാക്കാൻ സാധിക്കും. ഇനി ഓറിയോ അല്ലെങ്കിലും മറ്റു ആൻഡ്രോയ്ഡ് ഫോണുകളിലും ഐഫോണിലും എല്ലാം തന്നെ ഇത്തരത്തിൽ ഉള്ള സൗകര്യം ഒരുക്കുന്ന ആപ്പുകൾ ഡൌൺലോഡ് ചെയ്യാൻ പറ്റും. അവ വഴി ഈ സേവനം ഉപയോഗപ്പെടുത്താം.
ഫോണിലെ വീഡിയോകള്‍ വളരെയധികം സ്ഥലം കാര്‍ന്നു തിന്നുന്നതാണ്. അതിനാല്‍ നിങ്ങള്‍ക്ക് ഇവയെ ഹാര്‍ഡ്ഡിസ്‌ക്കിലേക്കോ ക്ലൗഡിലേക്കോ മാറ്റാം. അതുപോലെ നിങ്ങളുടെ ഫോണില്‍ അധികം എംപി3 ഉണ്ടെങ്കില്‍ കുറച്ചു ഡിലീറ്റ് ചെയ്യുന്നതാണ് നല്ലത്. കൂടാതെ സ്‌പോട്ട്‌ഫൈ പോലുളള സേവനങ്ങളും മികച്ച പരിഹാരമാണ്. ഇവ കൂടാതെ നിങ്ങള്‍ക്ക് ഡൗണ്‍ലോഡ് ഡയറക്ടറി പരിശോധിച്ച് ആവശ്യമില്ലാത്ത ഫയലുകള്‍ ഡിലീറ്റ് ചെയ്യാം. അങ്ങനേയും ഫോണ്‍ സ്‌റ്റോറേജ് സ്പേസ് കൂട്ടാം.
നിങ്ങളുടെ ഫോണ്‍ വളരെ പഴക്കമുളളതാണെങ്കില്‍, ഇവയില്‍ വളരെയധികം ചിത്രങ്ങള്‍ ഉണ്ടാകാന്‍ സാധ്യതയുണ്ട്. ഇവ മറ്റൊരു ഹാര്‍ഡ്‌ഡ്രൈവിലേക്ക് മാറ്റുകയോ, ഡ്രോപ്‌ബോക്‌സ്, ഫ്ളിക്കര്‍ തുടങ്ങിയ ക്ലൗഡ് സേവനങ്ങളിലേക്ക് മാറ്റുകയോ ചെയ്യുക. ഇത് ഒരു പരിധി വരെ ഫോൺ മെമ്മറി കൂട്ടാൻ സഹായിക്കും.
പലപ്പോഴും നല്ലൊരു അളവിൽ ഫോണിലെ മെമ്മറി cached ഡാറ്റ ആയി കിടക്കുന്നുണ്ടാകും. ഇത് ഒഴിവാക്കി നല്ലൊരു അളവിൽ മെമ്മറി ലാഭിക്കാം. ഇതിനായി ആൻഡ്രോയിഡിൽ Settings > Apps > 'Cached data' എന്നതിലേക്ക് പോയി കാലങ്ങളായി അടിഞ്ഞ് കൂടിയിരിക്കുന്ന ടെംപററി ഫയലുകള്‍ ക്യാഷില്‍ നിന്ന് നീക്കം ചെയ്യുക. ഐഫോണിലും സമാന സെറ്റിങ്ങ്സുകൾ വഴി ഇത് പരിശോധിക്കാം.
മുകളിൽ പറഞ്ഞ ഓപ്ഷൻസ് എല്ലാം തന്നെ ഉപയോഗിച്ചിട്ടും ഫലവത്തായ രീതിയിൽ ഉള്ള ഒരു പ്രതികരണം ലഭിച്ചില്ലെങ്കിൽ അടുത്തതായി നിങ്ങൾക്ക് നിങ്ങളുടെ ഫോൺ റീസെറ്റ് ചെയ്യാം. ശേഷം ഒരു പുതിയ ഫോൺ പോലെ ഉപയോഗിക്കാം. റീസെറ്റ് ചെയ്യും മുമ്പ് ആവശ്യമുള്ള ഫയലുകൾ ബാക്കപ്പ് ചെയ്യാൻ മറക്കരുത് എന്ന് പ്രത്യേകം പറയേണ്ടതില്ലല്ലോ.
ഒരാവശ്യവുമില്ലാതെ വെറുതെ ഫോണിൽ നിന്ന് നെറ്റ് തീരുന്ന പ്രശ്നം എങ്ങനെ ഇല്ലാതാക്കാം?
വാട്ട്‌സാപ്പും ഫേസ്ബുക്കും മാത്രം ഉപയോഗിക്കുമ്പോഴും ആന്‍ഡ്രോയിഡ് ഫോണിലെ ഡാറ്റ വളരെ പെട്ടന്നു തന്നെ കഴിയുന്നു. ഇതിന് പ്രധാന പ്രതിവിധി എന്നു പറയുന്നത് ഇവയിൽ ഫേസ്ബുക്ക് ലൈറ്റ് വേർഷൻ ഉപയോഗിക്കുക, ഡാറ്റ സെർവർ ഓൺ ചെയ്യുക, രാത്രികാലങ്ങളില്‍ മൊബൈല്‍ ഡാറ്റ ഓഫ് ആക്കി വയ്ക്കുക എന്നതൊക്കെയാണ്. എന്നാല്‍ ഇതു കൂടാതെ വരുന്ന മറ്റു ചില മികച്ച മാർഗ്ഗങ്ങൾ ഞങ്ങള്‍ ഇവിടെ പറയുകയാണ്.
ഒരു ഇന്റര്‍നെറ്റ് കണക്ഷന്‍ ഉണ്ടെങ്കില്‍ ആന്‍ഡ്രോയിഡ് ആപ്ലിക്കേഷനുകള്‍ സ്വമേധയ അപ്‌ഡേറ്റ് ചെയ്യും. ഇത് പ്രക്രിയ വളരെയധികം ഡാറ്റ ഉപയോഗിക്കുന്നു. ഇതു നിങ്ങള്‍ക്കു തന്നെ നിയന്ത്രിക്കാവുന്നതാണ്. നിങ്ങള്‍ ഒരു വൈഫൈ നെറ്റ്വര്‍ക്ക് ഉപയോഗിക്കുമ്പോള്‍ മാത്രം അപ്‌ഡേറ്റ് ചെയ്യാന്‍ അനുവദിക്കുക. അതിനായി ആദ്യം പ്ലേ സ്‌റ്റോര്‍> സെറ്റിംഗ്‌സ്, ജനറല്‍, ഓട്ടോ അപ്‌ഡേറ്റ് ആപ്‌സ്> ഓട്ടോ അപ്‌ഡേറ്റ്‌സ് ആപ്പ് ഓവര്‍ വൈഫൈ ഒളളി എന്നു ചെയ്യുക.
പ്രതിദിനം വാട്ട്‌സാപ്പ് ചാറ്റ്‌ബോക്‌സില്‍ ടണ്‍ കണക്കിന് വീഡിയോകളും ചിത്രങ്ങളുമാണ് എത്തുന്നത്. എന്നാല്‍ ഇതൊക്കെ മൊബൈല്‍ ഡാറ്റയിലാണ് ഡൗണ്‍ലോഡ് ചെയ്യുന്നതെങ്കില്‍ ഒറ്റ ദിവസം കൊണ്ടു തന്നെ ഡാറ്റ കഴിയുന്നു. അതിനായി ഓട്ടോമാറ്റിക് വീഡിയോ ഇമേജ് ഡൗണ്‍ലോഡ് ചെയ്യുന്നത് അപ്രാപ്തമാക്കി ഇടുക. അതിനായി വാട്ട്‌സാപ്പ് സെറ്റിങ്ങ്‌സ്> ചാറ്റ്‌സ് ആന്റ് കോള്‍സ്> മീഡിയ ഓട്ടോ ഡൗണ്‍ലോഡ്> ഡിസേബിള്‍ ഓട്ടോ ഡൗണ്‍ലോഡ് എന്ന് ചെയ്യുക.
ഗൂഗിള്‍ ക്രോമിന് ഡാറ്റ ഉപയോഗം കുറയ്ക്കാനുളള കഴിവുണ്ടെന്ന് നിങ്ങള്‍ക്കറിയാമോ? അതേ, ഈ വ്യാപകമായ വെബ്ബ്രൗസറിന് ധാരാളം കാര്യങ്ങള്‍ ചെയ്യാന്‍ കഴിയും. വെബ്‌സൈറ്റ് തുറന്ന് ഡാറ്റ സേവ് ചെയ്യാന്‍ കഴിയും. ക്രോമിലാണ് ഡാറ്റ സേവര്‍ ഉപയോഗിക്കുന്നതെങ്കില്‍ ഇങ്ങനെ ചെയ്യുക. ക്രോം സെറ്റിംഗ്‌സ്> ഡാറ്റ സേവര്‍> ടേണ്‍ ഓണ്‍. ഈ മോഡില്‍ നിങ്ങള്‍ ഗൂഗിളിന്റെ സെര്‍വ്വറുകളില്‍ ഏതെങ്കിലും വെബ് പേജ് സന്ദര്‍ശിക്കുമ്പോള്‍ ഡൗണ്‍ലോഡ് ചെയ്ത ഡാറ്റയുടെ അളവ് കുറയ്ക്കുന്നു.
ഏതൊരാൾക്കും ഫോണിൽ വേഗത്തിൽ ടൈപ്പ് ചെയാനായിതാ 6 പൊടിക്കൈകൾ
സ്‌റ്റോക്ക് കീബോര്‍ഡ് ആപ്പില്‍ ധാരാളം സവിശേഷതകളുണ്ട്, അതില്‍ യാതൊരു സംശയവും വേണ്ട. എന്നാല്‍ മൂന്നാം കക്ഷി ആപ്ലിക്കേനുകളും വേഗത്തില്‍ ടൈപ്പ് ചെയ്യാന്‍ നിങ്ങളെ അനുവദിക്കുന്നു. ഈ ആപ്പില്‍ മെച്ചപ്പെട്ട് ടൈപ്പിംഗ് ഇന്റര്‍ഫേസ് ഉളളതിനാല്‍ കീബോര്‍ഡില്‍ എല്ലായിടത്തും നിങ്ങളുടെ വിരല്‍ എത്തിച്ചേരുകയും ചെയ്യും. ടൈപ്പിംഗ് എളുപ്പമുളളതും കാര്യക്ഷമവുമാക്കുന്നതുമായ ഏറ്റവും മികച്ച ടെപ്പിംഗ് കീബോര്‍ഡ് ഈ ആപ്ലിക്കേഷന്‍ നല്‍കുന്നു. ഇതു നിങ്ങള്‍ക്കു പരീക്ഷിക്കാവുന്നതാണ്.
പ്രഡിക്ഷന്‍ ഫീച്ചര്‍ ടൈപ്പിംഗ് സ്പീഡ് കൂട്ടാന്‍ ഏറ്റവും മികച്ചതാണ്. നിങ്ങള്‍ വാക്കുകള്‍ ടൈപ്പ് ചെയ്യുമ്പോള്‍ വേഗത്തില്‍ അവ തിരഞ്ഞെടുത്ത് നിങ്ങളുടെ ടൈപ്പിംഗ് സ്പീഡ് വര്‍ദ്ധിപ്പിക്കും. ഇത് നിങ്ങള്‍ക്ക് ആന്‍ഡ്രോയിഡ് ഉപകരണങ്ങളില്‍ ടൈപ്പ് ചെയ്യാന്‍ മികച്ചതാണ്.
സ്വയിപ്പ് ടൂ ടൈപ്പ് എന്ന ഓപ്ഷന്‍ സ്വിഫ്റ്റ്കീ ബോര്‍ഡ് ആപ്പില്‍ ഉണ്ടായിരിക്കും. ആദ്യം നിങ്ങളുടെ സ്വയിപ്പ് ജെസ്റ്ററുകളെ സ്വീകരിക്കുന്ന ഓപ്ഷന്‍ ടൈപ്പ് ചെയ്യുക, തുടര്‍ന്ന് അതിനായി സജ്ജമാക്കാന്‍ ആഗ്രഹിക്കുന്ന വാക്കുകളും, അതു സൂക്ഷിക്കപ്പെടുമ്പോള്‍ നിങ്ങള്‍ ടൈപ്പ് ചെയ്യുന്ന സമയങ്ങളില്‍ പെട്ടന്ന് ആക്‌സസ് ചെയ്യാന്‍ കഴിയും.
ഇത് ഏറ്റവും മികച്ച ഒന്നാണ്. നിങ്ങള്‍ ടൈപ്പ് ചെയ്യാന്‍ ആഗ്രഹിക്കുന്ന കാര്യങ്ങള്‍ ഗൂഗിള്‍ വോയിസില്‍ പറഞ്ഞാല്‍ അതേ കാര്യം എഴുതാന്‍ ഉപകരണം അനുവദിക്കുന്നു. ഇത് വളരെ രസവും എളുപ്പവുമാണ്. ഒരു അളവുവരെ നിങ്ങളുടെ ടൈപ്പിംഗ് സ്പീഡ് വര്‍ദ്ധിപ്പിക്കാം.
'Little Keyboard For Big Fingers' എന്നാണ് ഇതിനു പറയുന്ന മറ്റൊരു പേര്. നിങ്ങളെ അതിശയിപ്പിക്കുന്ന രീതിയിലാണ് ഇതിലെ ടൈപ്പിംഗ് സ്പീഡ്. ഇതിലൂടെ നിങ്ങളുടെ ആന്‍ഡ്രോയിഡ് ടെപ്പിംഗ് സ്പീഡ് മോണിറ്റര്‍ ചെയ്യുകയും ചെയ്യാം.
ജിബോര്‍ഡിനെ നേരത്തെ പറഞ്ഞിരുന്നത് ഗൂഗിള്‍ കീബോര്‍ഡ് എന്നായിരുന്നു. നിരവധി മികച്ച സവിശേഷതകള്‍ ഉളളതിനാല്‍ ഏറെ പേരും ഉപയോഗിക്കുന്ന ഒന്നാണ് ഇത്.