പത്ത് രൂപ മുടക്കി 3ഡി കണ്ണട ഉണ്ടാക്കാം
3ഡി എല്ലാവരിലും വിസ്മയമുണര്ത്തിയ ടെക്നോളജിയാണ്. മൈ ഡിയര് കുട്ടിച്ചാത്തനെ ഓര്മ്മയില്ലേ? കുട്ടികള്ക്കൊപ്പം ഓരോ വികൃതികള് ചെയ്യുന്ന കുട്ടിച്ചാത്തന് നമ്മുടെ മൂക്കിന് തുമ്പത്തല്ലായിരുന്നോ അന്ന് ഓടിക്കളിച്ചിരുന്നത്. തിയ്യേറ്ററില് പോയി 3ഡി ഗ്ലാസുമിട്ട് കുട്ടിച്ചാത്തനെ കാണുമ്പോള് ഒന്ന് തൊട്ടുനോക്കാന് പോലും പലരും കയ്യേന്തിയിട്ടുണ്ടാകും. അന്ന് തിയ്യേറ്ററുകളില് കിട്ടിയ ആ 3ഡി കണ്ണട ഓര്മ്മയുണ്ടോ? അതുപോലൊന്ന് ഉണ്ടാക്കാനാകുമോ?
ഇന്റര്നെറ്റിലും ഇപ്പോള് ധാരാളം 3ഡി വീഡിയോകളും ക്ലിപ്പുകളും ലഭ്യമാണ്. വെറുതെയിരിക്കുമ്പോള് അവ കാണുന്നതിനും ഈ കണ്ണട ഉപകരിക്കും. വെറും 10 രൂപ മുടക്കി 10 മിനുട്ട് ചെലവഴിച്ചാല് മതി 3ഡി കണ്ണട തയ്യാറാക്കാം. അതിനായി ആവശ്യമുള്ള സാധനങ്ങള്
Advertisement
- കാര്ഡ്ബോര്ഡ്
- ചാര്ട്ട് പേപ്പര്
- ചുവപ്പ് സെല്ലോഫെയ്ന് പേപ്പര്
- നീല സെല്ലോഫെയ്ന് പേപ്പര്
- പശ, കത്രിക
- എന്ത് ഡിസൈനിലാണ് 3ഡി കണ്ണട വേണ്ടതെന്ന് തീരുമാനിച്ച് ആ ഡിസൈന് വരച്ചുവെയ്ക്കുക.
- ഡിസൈന് കാര്ഡ്ബോര്ഡില് പതിപ്പിക്കുക
- പിന്നീട് ആ ഡിസൈനിനനുസരിച്ച് കാര്ഡ്ബോര്ഡ് സഹിതം കണ്ണട ചിത്രം മുറിച്ച് വെക്കുക.
- കണ്ണടയ്ക്ക് ഇരുവശത്തും കാല് വേണമെങ്കില് അവയും ഡിസൈന് ചെയ്ത് കാര്ബോര്ഡില് പതിപ്പിച്ച് മുറിച്ചെടുക്കണം. പിന്നീട് കണ്ണട ഫ്രെയിമിനോട് ചേരുന്ന ഭാഗത്ത് പശ വെച്ച് അവയെ ഒട്ടിക്കുക.
- കണ്ണട ചില്ല് വരുന്ന ഭാഗം വൃത്തിയുള്ള ദ്വാരമാക്കി വെയ്ക്കണം. കണ്ണട വെക്കുമ്പോള് മൂക്ക് തട്ടുന്ന ഭാഗവും കൃത്യമായി മുറിച്ചിട്ടുണ്ടാകണം.
- ചുവപ്പ് സെല്ലോഫെയ്ന്, നീല സെല്ലോഫെയ്ന് പേപ്പറുകള് മുറിച്ച് കണ്ണടദ്വാരത്തില് പശ ഉപയോഗിച്ച് പതിപ്പിക്കുക.
- ഇടതുഭാഗത്ത് ചുവപ്പ് സെല്ലോഫെയ്നും വലതുഭാഗത്ത് നീല സെല്ലോഫെയ്നുമാണ് വേണ്ടത്.
3ഡി കണ്ണട റെഡിയായി. നിങ്ങളുടെ കൈവശം ഇത്തരം ടെക് സംബന്ധമായ എന്തെങ്കിലും സൂത്രങ്ങളുണ്ടോ?
Best Mobiles in India
Best Camera
Best Selling
Upcoming