മൈക്രോമാക്‌സിന്റെ 4ജി ഫീച്ചര്‍ ഫോണ്‍ ഇന്ന് ഇന്ത്യയില്‍!


എയര്‍ടെല്‍, റിലയന്‍സ് ജിയോ എന്നിവയ്ക്കു ശേഷം ഇന്ത്യയില്‍ ഇപ്പോള്‍ 4ജി സൗകര്യം ഉളള മറ്റൊരു ഫീച്ചര്‍ ഫോണ്‍ ആണ് മൈക്രോമാക്‌സ് അവതരിപ്പിക്കുന്നത്. ഒക്ടോബര്‍ 17ന് നടക്കുന്ന ഇവന്റിലാണ് ഈ ഫോണ്‍ അവതരിപ്പിക്കുന്നത്. എയര്‍ടെല്‍ കാര്‍ബണുമായി സഹകരിച്ചപ്പോള്‍ മൈക്രോമാക് 4ജി ഫീച്ചര്‍ ഫോണിനു വേണ്ടി ബിഎസ്എന്‍എല്ലുമായി സഹകരിച്ചു.

Advertisement

'ഭാരത് സീരീസ്' ഡിവൈസുകള്‍ക്ക് കീഴിലാണ് മൈക്രോമാക്‌സ് 4ജി ഫീച്ചര്‍ ഫോണ്‍ അവതരിപ്പിക്കുന്നത്. 22 ഇന്ത്യന്‍ ഭാഷകള്‍ പിന്തുണയ്ക്കുന്ന ഈ 4ജി ഫീച്ചര്‍ ഫോണ്‍ ഗ്രാമീണ മേഖലകളിലായിരിക്കും പ്രധാന ശ്രദ്ധ കേന്ദ്രീകരിക്കുന്നത്.

Advertisement

കഴിഞ്ഞ മാസം മൈക്രോമാക്‌സ് രണ്ട് ഫോണുകള്‍ പുറത്തിറക്കിയിരുന്നു. ഭാരത് 3, ഭാരത് 4 എന്നിങ്ങനെ. വില 4,499 രൂപയും 4,999 രൂപയുമാണ്. ഭാരത് 3 സ്മാര്‍ട്ട്‌ഫോണിന് 4.5 ഇഞ്ച് ഡിസ്‌പ്ലേ, 480X854p റിസൊല്യൂഷന്‍ എന്നിവയും, എന്നാല്‍ ഭാരത് 4ന് 5 ഇഞ്ച് ഡിസ്‌പ്ലേ 720x1280 p ഡിസ്‌പ്ലേയുമാണ്. ഈ രണ്ട് ഫോണുകള്‍ക്കും 2.5ഡി കര്‍വ്വ്ഡ് ഗ്ലാസ് ഡിസ്‌പ്ലേയാണ് നല്‍കിയിരിക്കുന്നത്.

മൈക്രോമാക്‌സ് ഭാരത് 3യുടെ ബാറ്ററി 2000എംഎഎച്ചും ഭാരത് 4ന്റെ ബാറ്ററി 2500എംഎഎച്ചുമാണ്. 16ജിബി ഇന്റേര്‍ണല്‍ മെമ്മറിയാണ് ഈ ഫോണുകള്‍ക്ക്.

ഈ രണ്ട് ഫോണുകള്‍ക്കും മീഡിയാടെക് MT6737 SOC പ്രോസസര്‍, 1ജിബി റാം, ആന്‍ഡ്രോയിഡ് 7.0 ഓപ്പറേറ്റിങ്ങ് സിസ്റ്റം എന്നിവ പ്രധാന സവിശേഷതകളില്‍ പെടുന്നു. ക്യാമറയെ കുറിച്ചു പറയുകയാണെങ്കില്‍ ഈ രണ്ട് ഫോണുകളുടേയും പിന്‍ ക്യാമറയും മുന്‍ ക്യാമറയും 5എംപിയാണ്. മൈക്രോ എസ്ഡി കാര്‍ഡ് ഉപയോഗിച്ച് 32ജിബി വരെ ഇന്റേര്‍ണല്‍ സ്‌റ്റോറേജ് കൂട്ടാം. വൈഫൈ, ജിപിഎസ്, ബ്ലൂട്ടൂത്ത്, യുഎസ്ബി OTG, 4ജി കണക്ടിവിറ്റി ഇതു കൂടാതെ 22 ഇന്ത്യന്‍ ഭാഷകളും ഈ ഫോണുകള്‍ പിന്തുണയ്ക്കുന്നു.

Best Mobiles in India

Advertisement

English Summary

After Airtel and Reliance Jio, it seems that now Micromax is also set to launch a 4G enabled feature phone in India.