ഏഴ് മാസത്തിനുളളില്‍ ബി എസ് എന്‍ എല്‍ വേണ്ടെന്ന് പറഞ്ഞവര്‍ 1 കോടി....!


കഴിഞ്ഞ മാര്‍ച്ച് 31 മുതല്‍ ഒക്‌ടോബര്‍ 31 വരെയുള്ള കാലയളവില്‍ ഒരു കോടി ഉപയോക്താക്കള്‍ ബി എസ് എന്‍ എല്‍ സര്‍വ്വീസ് ഉപേക്ഷിച്ചു. സാങ്കേതിക വകുപ്പു മന്ത്രി രവിശങ്കര്‍ പ്രസാദ് ലോക്‌സഭയെ അറിയിച്ചതാണിത്.

10.22 കോടി ഉപയോക്താക്കളാണ് ബി എസ് എന്‍ എല്ലിന് ഇപ്പോഴുളളത്. ബി എസ് എന്‍ എല്ലിന്റെ വിപണി സ്വാധീനത്തിലും കാര്യമായി കുറവ് ഉണ്ടായിട്ടുണ്ട്. ഇക്കഴിഞ്ഞ മാര്‍ച്ചില്‍ ബി എസ് എന്‍ എല്ലിന്റെ മാര്‍ക്കറ്റ് ഷെയര്‍ 12.13 ശതമാനമായിരുന്നു.

ഒക്‌ടോബറോടെ ഇത് 10.62 ശതമാനമായി കുറയുകയായിരുന്നു. അതേ സമയം, സ്വകാര്യ ടെലിഫോണ്‍ കമ്പനികളെ ആശ്രയിക്കുന്നവരുടെ എണ്ണം ഇതേ കാലയളവില്‍ നാലു കോടി വര്‍ധിക്കുകയുമുണ്ടായി.

85.34 കോടി ടെലിഫോണ്‍ കണക്ഷനുകളാണ് നിലവില്‍ സ്വകാര്യ കമ്പനികള്‍ക്കുള്ളത്. 88.66 ശതമാനമാണ് ഇവരുടെ മാര്‍ക്കറ്റ് ഷെയര്‍.

Most Read Articles
Best Mobiles in India
Read More About: bsnl telecom news

Have a great day!
Read more...

English Summary

1 crore subscribers left BSNL during last 7 months.