1900-ല് ഐന്സ്റ്റീന് വെറുമൊരു തൊഴില് അന്വേഷകനായിരുന്നു. ജോലി തേടി അലഞ്ഞ് മനസ്സുമടുത്ത ഐന്സ്റ്റീന് ഒടുവില് സ്വിസ് പേറ്റന്റ് ഓഫീസല് ഗുമസ്തനായി ചേര്ന്നു. വിരസമായ ജോലിക്കിടെ അദ്ദേഹത്തിന് ഏക ആശ്വാസം പഠനമായിരുന്നു. 1905-ല് ലോകശ്രദ്ധ തന്നിലേക്ക് ആകര്ഷിക്കുന്ന നാല് പ്രബന്ധങ്ങള് അദ്ദേഹം പ്രസിദ്ധീകരിച്ചു. ഇതില് ഫോട്ടോ ഇലക്ട്രിക് ഇഫക്ടിനെ കുറിച്ചുള്ള പഠനത്തിനാണ് ഐന്സ്റ്റീന് നോബല് സമ്മാനം ലഭിച്ചത്.
ജീവിതവിജയത്തിന് ഐന്സ്റ്റീനില് നിന്ന് പഠിക്കേണ്ട 10 പാഠങ്ങള്
പിന്നെ അദ്ദേഹത്തിന് ജീവിതത്തില് തിരിഞ്ഞുനോക്കേണ്ടി വന്നില്ല. 1909-ല് അദ്ദേഹത്തിന് അസിസ്റ്റന്റ് പ്രൊഫസറായി ജോലി കിട്ടി. 1911-ല് പ്രൊഫസറായി. ഇത് എങ്ങനെ സാധിച്ചു. അതിനുള്ള ഉത്തരം പലപ്പോഴായി ഐന്സ്റ്റീന് തന്നെ പറഞ്ഞിട്ടുണ്ട്.
ജീവിതവിജയത്തിന്റെ അടിസ്ഥാനം എന്ത് അറിയാമെന്നതിലല്ല. അറിയാവുന്ന കാര്യങ്ങള് എപ്പോള് എങ്ങനെ ചെയ്യുന്നുവെന്നതിലാണ്.
നിരാശനായി ജീവിതം തള്ളിനീക്കിയത് കൊണ്ട് ഒന്നും നേടാനാകില്ല. സംതൃപ്തിയോടെ ജീവിക്കുക. ചെയ്യാന് കഴിയാത്തതിനെ കുറിച്ചോ കിട്ടാത്തതിനെ പറ്റിയോ നിരാശപ്പെടരുത്.
നിങ്ങള് ലക്ഷ്യത്തിനായി പരിശ്രമിക്കുമ്പോള് അത് എങ്ങനെ സാധിക്കുമെന്ന് ചിന്തിക്കുക. എന്തെങ്കിലും നിങ്ങളുടെ ശ്രമത്തിന് തടസ്സം നില്ക്കുന്നുണ്ടോയെന്ന് അറിയുക.
മനസ്സ് നിരന്തരം പഠിച്ചുകൊണ്ടിരിക്കണം.
ചെയ്യുന്നതിലല്ല, അതിന് ഫലമുണ്ടാക്കുന്നതാണ് പ്രധാനം.
പരിചയസമ്പത്തും തോന്നലുകളും മനുഷ്യനെ സംബന്ധിച്ച് പ്രധാനമാണ്. ആദ്യം സ്വയം വിശ്വസിക്കുക.
ഭാവനയില്ലാതെ പുതുതായി ഒന്നും ഉണ്ടാക്കാന് കഴിയുകയില്ല. ലക്ഷ്യത്തിലേക്കുള്ള യാത്രയില് ഭാവന മുറുകെപ്പിടിക്കുക.
കെട്ടിക്കിടക്കുന്ന വെള്ളത്തില് കൊതുക് പെരുകുന്നത് പോലെയാണ് മനുഷ്യന്റെ കാര്യവും. ഒഴുകിക്കൊണ്ടിരിക്കണം. ശരീരവും മനസ്സും എപ്പേഴും പുതുമയോടെ സൂക്ഷിക്കുക.
ആധുനികലോകത്ത് പലരും ജീവിക്കുന്നത് ഏകാന്തതയിലാണ്. നമ്മളെ മനസ്സിലാക്കുന്നവര്ക്കായി എഴുതി അവരുമായി മാനസികമായി അടുപ്പം ഉണ്ടാക്കുക. മറ്റുള്ളവരെ പ്രചോദിപ്പിച്ചും സന്തോഷിപ്പിച്ചും ജീവിതം മുന്നോട്ട് കൊണ്ടുപോകാന് ശ്രമിക്കണം.
നിലപാടുകളില് ഉറച്ചുനില്ക്കുക. ധീരവും സത്യസന്ധവുമായ നിലപാട് നിങ്ങളെ ലക്ഷ്യത്തിലെത്തിക്കും.