കാര്‍ ഓടിച്ചുകൊണ്ടിരിക്കെ സെല്‍ഫയെടുത്ത് ഫേസ്ബുക്കില്‍ പോസ്റ്റ് ചെയ്ത യുവതി തൊട്ടടുത്ത നിമിഷം മറ്റൊരു വാഹനമിടിച്ച് മരിച്ചു. യു.എസില്‍ വ്യാഴാഴ്ച രാവിലെ എട്ടരയോടെയാണ് സംഭവം. നോര്‍ത്ത് കരോനിലയില്‍ നിന്ന് കാറോടിച്ച് പോവുകയായിരുന്ന കോര്‍ട്‌നി സാന്‍ഫോര്‍ഡ് എന്ന 32 കാരിയാണ് മരിച്ചത്..
കാറോടിച്ചുകൊണ്ടിരിക്കെ 8.33-ന് സ്വന്തം സെല്‍ഫിയെടുത്ത് ഇവര്‍ ഫേസ്ബുക്കില്‍ പോസ്റ്റ് ചെയ്തു. 'ദി ഹാപ്പി സോംഗ് മേക് മി ഹാപ്പി' എന്ന കമന്റും ഇട്ടിരുന്നു. അതുകഴിഞ്ഞ ഒരു മിനിറ്റിനുള്ളില്‍, അതായത് കൃത്യം 8.34-ന് എതിരെ വന്ന ട്രക്കിടിച്ച് ഇവര്‍ മരിക്കുകയായിരുന്നു.
കാര്‍ ഓടിക്കുന്നതിനിടെ മൊബൈല്‍ ഫോണ്‍ ഉപയോഗിച്ചതാണ് അപകടത്തിനു കാരണമെന്ന് കരുതുന്നു. ട്രക് ഇടിച്ചതിന്‍െ തുടര്‍ന്ന് കാര്‍ ഉയര്‍ന്നുപൊങ്ങുകയും തീപിടിക്കുകയും ചെയ്തതായി പോലീസ് പറഞ്ഞു.