ജർമനിയിൽ ഐഫോൺ 7, ഐഫോൺ 8 എന്നിവയുടെ വിൽപന അവസാനിപ്പിച്ചു

കോടതി നിർദേശിച്ചതുപോലെ തന്നെ സെക്യൂരിറ്റി ബോണ്ട് നിക്ഷേപിച്ചതായി ക്വാൽകോം പറഞ്ഞു. ഇതിനർത്ഥം, ഇനി മുതൽ ജർമനിയിൽ ഐഫോൺ 7, ഐഫോൺ 8 തുടങ്ങിയ ഐഫോൺ മോഡലുകൾ വിൽക്കുവാൻ പാടുള്ളതല്ല.

ജർമനിയിൽ ഐഫോൺ 7, ഐഫോൺ 8 തുടങ്ങിയ ഐഫോൺ മോഡലുകൾ ഓൺലൈനായും മറ്റും വിൽക്കുന്നത് കമ്പനി നിർത്തലാക്കി. ഇനി ഐഫോൺ ഉപയോക്താക്കൾക്ക് ഈ മോഡലുകൾ മറ്റൊരാളുടെ കൈയിൽ നിന്നും വാങ്ങി ഉപയോഗിക്കാമോ എന്നത് ഇപ്പോഴും ഒരു ചോദ്യചിഹ്നമാണ്.

എന്നാൽ ക്വാൽകോമിന്റെ പ്രസ്താവനയനുസരിച്ച്, മൂന്നമതൊരാളുടേ കൈയിൽ നിന്നും ഈ ഐഫോണുകൾ വാങ്ങിച്ചുപയോഗിക്കുന്നതും ഇപ്പോൾ നിരോധിച്ചിരിക്കുകയാണ്. ആമസോണിന്റെ ജർമ്മൻ വെബ്‌സൈറ്റിൽ ഈ രണ്ട് മോഡൽ ഐഫോണുകളും ലഭ്യമാണ്.

ഈ ഇൻജൻക്ഷൻ ഏർപ്പെടുത്തിയിരിക്കുന്നത് ഈ രണ്ട് ഐഫോണുകളിലുമായിട്ടാണ്, എന്നാൽ ആപ്പിൾ കമ്പനിയുടെ മറ്റ് ഐഫോൺ മോഡലുകളായ ഐഫോൺ XR, ഐഫോൺ XS, ഐഫോൺ XS മാക്സ്, ഐഫോൺ 6, ഐഫോൺ 6S എന്നിവ ഇപ്പോഴും ജർമനിയിലെ വിപണിയിൽ ലഭ്യമാണ്.