ടെലികോം താരിഫ് രംഗത്ത് മത്സരം കൂടുതല് കടുപ്പിച്ച് ആകര്ഷണീയമായ പ്ലാനുമായി ബിഎസ്എന്എല് എത്തിയിരിക്കുന്നു. ഇപ്പോള് ബിഎസ്എന്എല് തങ്ങളുടെ പ്രീപെയ്ഡ് വരിക്കാര്ക്കായി 78 രൂപയുടെ എന്ട്രി ലെവല് പ്ലാന് പ്രഖ്യാപിച്ചു.
ഈ പ്ലാനില് പ്രതിദിനം 2ജിബി ഡേറ്റ, ലോക്കല് എസ്റ്റിഡി അണ്ലിമിറ്റഡ് കോള് എന്നിവ 10 ദിവസത്തെ വാലിഡിറ്റിയില് നല്കുന്നു. അതായത് മൊത്തത്തില് 20ജിബി ഡേറ്റ നിങ്ങള്ക്കു ലഭിക്കുന്നു. ഈ പ്രീപെയ്ഡ് പ്ലാന് ഡല്ഹി, മുംബൈ എന്നീ സര്ക്കിളുകളില് മാത്രമാണ് ലഭ്യമാകുന്നത്.
എന്നാല് നിലവില് ഈ രൂപയ്ക്ക് ജിയോ പ്ലാന് അവകരിപ്പിച്ചിട്ടില്ല. എന്നാല് ഏറ്റവും കുറഞ്ഞ വിലയ്ക്ക് 98 രൂപയുടെ പ്ലാന് ജിയോ അവതരിപ്പിച്ചു. ഇതില് 2ജിബി ഡേറ്റ, അണ്ലിമിറ്റഡ് ലോക്കല്/ എസ്റ്റിഡി കോള് എന്നിവ 28 ദിവസത്തെ വാലിഡിറ്റിയില് നല്കുന്നു. അങ്ങനെ മൊത്തത്തില് 56ജിബി ഡേറ്റയാണ് ഈ പ്ലാനില് ലഭിക്കുന്നത്. കൂടാതെ ഇതില് സൗജന്യമായി ജിയോ ആപ്സ് സബ്സ്ക്രിപ്ഷനും ഉണ്ട്.
ബിഎസ്എന്എല് ഈയിടെയാണ് തങ്ങളുടെ 29 രൂപ പ്ലാന് പരിഷ്കരിച്ചത്. നിലവില് ഈ പ്ലാനില് അണ്ലിമിറ്റഡ് ലോക്കല്/ എസ്റ്റിഡി കോളുകള്, 300എസ്എംഎസ്, 1ജിബി ഡേറ്റ എന്നിവ ഏഴു ദിവസത്തെ വാലിഡിറ്റിയില് നല്കുന്നു.