18 രൂപക്ക് പരിധികളില്ലാത്ത നെറ്റും കോളും നൽകി ബിഎസ്എൻഎൽ. രാജ്യത്ത് ജിയോയുടെ സാന്നിധ്യം എല്ലായിടത്തും കൂടിവരുന്ന സാഹചര്യത്തിൽ ബിഎസ്എൻഎൽ ഉൾപ്പെടെ എല്ലാ കമ്പനികളും തന്നെ മികച്ച ഓഫറുകളുമായിട്ടാണ് ഇപ്പോൾ വന്നുകൊണ്ടിരിക്കുന്നത്. അതിലേക്ക് ചേർത്ത് വായിക്കാവുന്ന ഓഫർ ആണിത്.
എന്നാൽ ഈ ഓഫറിന് ഒരു ചെറിയ പ്രശ്നം ഉണ്ട്. എന്നും ഈ ഓഫർ ലഭ്യമാകില്ല. പകരം ഇന്നും നാളെയും അതായത് ഒക്ടോബർ ഒന്നിനും രണ്ടിനും മാത്രമായിരിക്കും ഈ ഓഫർ ലഭ്യമാകുക. ബിഎസ്എൻഎൽ സ്ഥാപിതമായ ദിവസം എന്ന നിലയിലാണ് ഈ ദിവസങ്ങളിൽ കമ്പനി ഓഫറുകൾ നൽകുന്നത്.
2000 ഒക്ടോബർ 1ന് ആയിരുന്നു രാജ്യത്തിന്റെ സ്വന്തം ടെലികോം നെറ്റ്‌വർക്ക് ആയ ബിഎസ്എൻഎൽ നിലവിൽ വന്നത്. അതിന്റെ ഓർമ്മപുതുക്കൽ പ്രമാണിച്ചാണ് ഇന്നും നാളെയും കമ്പനി ഇത്തരത്തിൽ വെറും 18 രൂപക്ക് പരിധികളില്ലാത്ത കോളും നെറ്റും ഉപഭോക്താക്കൾക്ക് നൽകുന്നത്.
ഈ രണ്ടു ദിവസങ്ങളിൽ മാത്രമാണ് ഈ ഓഫർ ലഭിക്കുക എന്ന് പറഞ്ഞല്ലോ, അതുകൊണ്ട് ഈ രണ്ടു ദിവസവും പൂർണ്ണമായും എത്ര വേണമെങ്കിലും യാതൊരു പരിധിയുമില്ലാതെ കോൾ ചെയ്യാനും ഇന്റർനെറ്റ് ഉപയോഗിക്കാനും സാധിക്കും. പക്ഷെ രണ്ടു ദിവസത്തേക്ക് മാത്രമായിരിക്കും ഓഫർ.