പബ്‌ജി കളിക്കുവാനായി പുതിയ സ്മാർട്ഫോൺ എന്ന ആവശ്യം മാതാപിതാക്കൾ നിരസിച്ചതിനെ തുടർന്ന് 18 വയസുകാരൻ ആത്മഹത്യ ചെയ്തു. പബ്‌ജി കളിക്കുവാനായി പുതിയ സ്മാർട്ട്ഫോൺ വേണമെന്ന് നിർബന്ധം കുടുംബാംഗങ്ങൾ ഉടനടി നിരസിച്ചു, തുടർന്ന് ആത്മഹത്യ ചെയ്യുകയായിരുന്നു.
മുംബൈയിലെ കുർള നെഹ്‌റു നഗറിലാണ് ഈ പതിനെട്ടുകാരൻ താമസിക്കുന്നത്, 37,000 രൂപ വിലവരുന്ന സ്മാർട്ഫോൺ വാങ്ങിച്ചുകൊടുക്കാത്തതിനെ തുടർന്നാണ് ഇങ്ങനെയൊരു കടുംകൈ ചെയ്യ്തത്.
കുടുംബാംഗങ്ങൾ ആവശ്യം തള്ളിക്കളയുകയും, 20,000 രൂപയിൽ കുറഞ്ഞ സ്മാർട്ഫോൺ വാങ്ങികൊടുക്കാമെന്നും പറഞ്ഞു. എന്നാൽ ഇതും ഈ കൗമാരക്കാരൻ നിരസിക്കുകയായിരുന്നു, പോലീസ് പറഞ്ഞു.
നിരാശയെത്തുടർന്ന്, ഈ പതിനെട്ടുകാരൻ ഒരു കയർ എടുത്ത് മുറിക്കുളിലെ ഫാനിൽ കെട്ടിത്തൂങ്ങി ആത്മഹത്യ ചെയ്യുകയായിരുന്നു. പോലീസ് ഈ സംഭവം അപകടമരണമായി റിപ്പോർട്ട് ചെയ്തു. വിശദമായ അന്യോഷണം ഉടൻ ആരംഭിക്കുമെന്ന് പോലീസ് അറിയിച്ചു.
പബ്‌ജി അഥവാ 'പ്ലേയേഴ്സ് അനൗൻ ബാറ്റിൽ ഗ്രൗൺഡ്' ഒരു മൾട്ടീപ്ലയെർ ഗെയിമാണ്, ഇതൊരു 'അഡിക്ഷൻ' സൃഷ്ട്ടിക്കുന്ന ഒരു ഗെയിമെന്നാണ് റിപ്പോർട്ടുകൾ. ഈ ഗെയിമിന്റെ അമിതമായ ഉപയോഗം വിദ്യാർത്ഥികളുടെ പരീക്ഷാഫലത്തെ മോശമായരീതിയിൽ ബാധിച്ചുവെന്ന് റിപ്പോർട്ടുകളുണ്ട്.