'സീക്രട്ട് ക്രഷസ്' എന്ന പേരിലാണ് ഡേറ്റിങ് സേവനവുമായി ഫേസ്ബുക്ക് വരുന്നത്. ഡേറ്റിങ് സേവനം ഫേസ്ബുക്ക് ഉപയോക്താക്കൾക്ക് ലഭ്യമാക്കുക എന്ന ലക്ഷ്യത്തോടെയാണ് ഇപ്പോൾ രംഗത്ത് എത്തിയിരിക്കുന്നത്.
തങ്ങളെ ആരെങ്കിലും രഹസ്യമായി പ്രണയിക്കുന്നുണ്ടോ ? ഫേസ്ബുക്കിൻറെ സീക്രട്ട് ക്രഷസ് പറഞ്ഞുതരും
ഫേസ്ബുക്ക് സുഹൃത്തുക്കളിലാരെങ്കിലും തങ്ങളെ രഹസ്യമായി പ്രണയിക്കുന്നുണ്ടോയെന്ന് ഈ സൗകര്യം വഴി ഉപയോക്താക്കൾക്ക് അറിയാനാകും.
ഫേസ്ബുക്ക് സുഹൃത്തുക്കളിലാരെങ്കിലും തങ്ങളെ രഹസ്യമായി പ്രണയിക്കുന്നുണ്ടോയെന്ന് ഈ സൗകര്യം വഴി ഉപയോക്താക്കൾക്ക് അറിയാനാകും.
പുതിയ ഫെയ്സ്ബുക്ക് ഡേറ്റിംഗ് സേവനത്തെക്കുറിച്ച് അഭിപ്രായപ്പെടുന്നത് ഡേറ്റിംഗ് ആപ്പുകളായ ഹിംഗ്, ടിൻഡർ പോലെയുള്ളവയുടെ സേവനമാണ് ലഭ്യമാക്കുന്നത് എന്നാണ്. ഈ പുതിയ സവിശേഷത ഫേസ്ബുക്ക് ഡേറ്റിംഗ് സേവനത്തിന്റെ ഭാഗമാണ്, ഇത് 19 രാജ്യങ്ങളിൽ ഇതുവരെ അവതരിപ്പിക്കപ്പെട്ടിട്ടുണ്ട്.
18 വയസിനു മുകളിലുള്ളവർക്കായിരിക്കും ഈ സൗകര്യം ലഭിക്കുക. പൂർണ്ണമായും പരസ്യമില്ലാത്ത സേവനമായിരിക്കും ഇതിലൂടെ ലഭിക്കുക. പണം നൽകിയാൽ ചില പ്രത്യേക സേവനങ്ങൾക്കൂടി ലഭ്യമാകുമെന്നും ഫേസ്ബുക്ക് വൃത്തങ്ങൾ വ്യക്തമാക്കി.
ഫേസ്ബുക്കിൽ നിന്നും ഒമ്പതുപേരെ വരെ സീക്രട്ട് ക്രഷസായി തെരഞ്ഞെടുക്കാം. ഫ്രണ്ട്സ് ലിസ്റ്റിൽ നിന്നും ഒരാളെ സീക്രട്ട് ക്രഷായി തെരഞ്ഞെടുക്കുമ്പോൾ ആ വ്യക്തിക്ക് ഫേസ്ബുക്ക് നോട്ടിഫിക്കേഷൻ അയക്കും. പ്രണയം നേരിട്ടുപറയാതെ അവതരിപ്പിക്കാനുള്ള സേവനമാണിത്.
ടിൻഡർ പോലുള്ള ഡേറ്റിങ് ആപ്പുകളുടെ മാതൃകയിലായിരിക്കും ഈ സൗകര്യം പ്രവർത്തിക്കുക. എന്നാൽ ഫ്രണ്ട്സ് ലിസ്റ്റിൽ ഇല്ലാത്തവരുമായി ഡേറ്റിങ് നടത്താൻ കഴിയില്ല. ചില രാജ്യങ്ങളിൽ ഈ സേവനം ലഭ്യമാണെങ്കിലും ലോകത്താകമാനം ഈ സേവനം എപ്പോൾ ലഭ്യമാകുമെന്ന് ഫേസ്ബുക്ക് വ്യക്തമാക്കിയിട്ടില്ല.
ഈ ഫെയ്സ്ബുക്ക് ഡേറ്റിംഗ് സർവീസ് സ്മാർട്ട്ഫോൺ ആപ്ലിക്കേഷനുകൾ ഇപ്പോൾ ലഭ്യമാണ്: പരാഗ്വേ, കൊളംബിയ, കാനഡ, അർജന്റീന, മെക്സിക്കോ, ബ്രസീൽ, ഇക്വഡോർ, വിയറ്റ്നാം, ഗയാന, പെറു, ബൊളീവിയ, ചിലി, ഉറുഗ്വേ, ലാവോസ്, മലേഷ്യ, തായ്ലാന്റ്, ഫിലിപ്പൈൻസ്, സിംഗപ്പൂർ, സുരിനാം എന്നിവിടങ്ങളിലും ഈ സേവനം ലഭ്യമാണ്.
ഇത് യു.കെ, അമേരിക്ക എന്നിവിടങ്ങളിൽ ഇപ്പോൾ ലഭ്യമല്ലെങ്കിലും ഈ വർഷാവസാനത്തോടെ ലഭ്യമാകും എന്ന് റിപ്പോർട്ടുകൾ സൂചിപ്പിക്കുന്നു. പ്രധാനമായും, ഈ സവിശേഷത ഫേസ്ബുക് ഗ്രൂപ്പുകളുമായും മറ്റും സംയോജിപ്പിക്കും, ഇത് ഉപയോക്താക്കളെ ഓഫ്ലൈനിലുള്ള പങ്കാളികളുമായി ഇടപഴകുവാൻ സഹായിക്കുന്നു.