അറിയൂ ഈ ഫോട്ടോ എഡിറ്റിംഗ് ആപ്ലിക്കേഷനുകളെ



ഫോട്ടോ എഡിറ്റിംഗ് ആപ്ലിക്കേഷനായ ഇന്‍സ്റ്റാഗ്രാമിനെക്കുറിച്ച് അറിയുമല്ലോ? ഇന്‍സ്റ്റാഗ്രാമിനെ പോലെ വ്യത്യസ്ത ഫോട്ടോ എഡിറ്റിംഗ് കഴിവുകളുള്ള ധാരാളം ആപ്ലിക്കേഷനുകളുണ്ട് ആന്‍ഡ്രോയിഡ്, ഐഒഎസ് പ്ലാറ്റ്‌ഫോമുകളില്‍. ഇതില്‍ പേരുകേട്ട ചില ആപ്ലിക്കഷനുകളെക്കുറിച്ചാണ് ഇവിടെ പറയുന്നത്. ഇവയില്‍ ചിലത് സൗജന്യവും മറ്റ് ചിലത് പെയ്ഡ് ആപ്ലിക്കേഷനുകളുമാണ്.

Advertisement

സ്‌നാപ് സ്പീഡ് : ഏകദേശം 262 രൂപ

Advertisement

ഐഒഎസ് അധിഷ്ഠിത ഉത്പന്നങ്ങളായ ഐഫോണ്‍, ഐപാഡ് എന്നിവയില്‍ ലഭിക്കുന്ന ആപ്ലിക്കേഷനാണ് സ്‌നാപ് സ്പീഡ്. മികച്ച പിക്ചര്‍ ക്വാളിറ്റി നല്‍കാനാകുന്ന ഓട്ടോമാറ്റിക്ക് അഡ്ജസ്റ്റ് സൗകര്യമുള്ള ഇതില്‍ ബ്രൈറ്റ്‌നസ്, കോണ്ട്രാസ്റ്റ്, വെറ്റ് ബാലന്‍സ് എന്നീ വിവിധ ഇമേജ് സെറ്റിംഗ്‌സുകള്‍ ഉണ്ട്.

ഫ്രെയിം മാജിക് : ഏകദേശം 52 രൂപ

ഇന്‍സ്റ്റാഗ്രാമില്‍ നിന്ന് വ്യത്യസ്തമായ വിവിധ ഫ്രെയിമുകളെ പരിചയപ്പെടുത്തുന്ന ആപ്ലിക്കേഷനാണ് ഫ്രെയിം മാജിക്. ഒരൊറ്റ ഫ്രെയിം ഫോട്ടോഗ്രാഫില്‍ തന്നെ ഒന്നിലേറെ ചിത്രങ്ങള്‍ സംയോജിപ്പിക്കാനും ഇതില്‍ സാധിക്കും. ഇന്‍സ്റ്റാഗ്രാം, ഫെയ്‌സ്ബുക്ക്, ട്വിറ്റര്‍ തുടങ്ങിയവയിലേക്ക് ചിത്രങ്ങള്‍ ഈ ആപ്ലിക്കേഷനില്‍ നിന്ന് നേരിട്ട് അപ്‌ലോഡ് ചെയ്യാനും സാധിക്കും. ഐഒഎസ് പ്ലാറ്റ്‌ഫോമിലാണ് ഈ ആപ്ലിക്കേഷന്‍ ഡൗണ്‍ലോഡ് ചെയ്യാനാകുക.

Advertisement

പിക്‌സ്ആര്‍ട്-ഫോട്ടോ സ്റ്റുഡിയോ - സൗജന്യം

എല്ലാതരം ഫോട്ടോഎഡിറ്റിംഗ് ആവശ്യങ്ങള്‍ക്കുമിണങ്ങുന്ന ഈ ആപ്ലിക്കേഷന്റെ മറ്റൊരു പ്രധാന സവിശേഷത വിവിധ ഇമേജ് ഇഫക്റ്റുകളാണ്. എച്ച്ഡിആര്‍, ഫാറ്റല്‍, പെന്‍സില്‍, ഹോള്‍ഗാര്‍ട്, വാട്ടര്‍കളര്‍, സ്‌കെച്ചര്‍, കോണ്ടോര്‍സ്, കോമിക് തുടങ്ങി വ്യത്യസ്തമായ ഇഫക്റ്റുകളാണ് ആപ്ലിക്കേഷന്‍ നല്‍കുന്നത്. ഫെയ്‌സ്ബുക്ക്, ഫഌക്കര്‍, പിക്കാസ മറ്റ് ചില സൈറ്റുകളിലേക്കും ഈ ആപ്ലിക്കേഷനിലൂടെ ഫോട്ടോ അപ്‌ലോഡ് ചെയ്യാനാകും. ആന്‍ഡ്രോയിഡില്‍ നിന്ന് ഇത് ഡൗണ്‍ലോഡ് ചെയ്യാം.

കളര്‍ സ്പ്ലാഷ് ഫോട്ടോ- ഏകദേശം 52 രൂപ (ആന്‍ഡ്രോയിഡില്‍ സൗജന്യം)

ഐഒഎസ്, ആന്‍ഡ്രോയിഡ് പ്ലാറ്റ്‌ഫോമുകളില്‍ കാണുന്ന ആപ്ലിക്കേഷനാണ് കളര്‍ സ്പ്ലാഷ് ഫോട്ടോ. എന്നാല്‍ ഐഒഎസ് പ്ലാറ്റ്‌ഫോമില്‍ പെയ്ഡ് ആപ്ലിക്കേഷനാണിത്. അതേ സമയം ആന്‍ഡ്രോയിഡില്‍ ഇത് സൗജന്യമാണ്.

Advertisement

ബ്ലാക്ക് ആന്റ് വൈറ്റ് ചിത്രത്തിന് ഇടയിലെവിടെയെങ്കിലും ഒരു ചുവപ്പോ, മഞ്ഞയോ അങ്ങനെ എന്തെങ്കിലും നിറം വരുന്ന ചിത്രങ്ങളെ നിങ്ങള്‍ക്കെത്രമാത്രം ഇഷ്ടമാണ്. എല്ലാത്തില്‍ നിന്നും വ്യത്യസ്തമല്ലേ ആ ചിത്രങ്ങള്‍. കളര്‍ സ്പ്ലാഷ് ഫോട്ടോ ആപ്ലിക്കേഷനിലൂടെ ഈ വ്യത്യസ്തത നിങ്ങള്‍ക്കും ആസ്വദിക്കാം.

അഡോബി ഫോട്ടോഷോപ്പ് എക്‌സ്പ്രസ്- സൗജന്യം

ഫോട്ടോ എഡിറ്റിംഗില്‍ അഡോബിയുടെ ഫോട്ടോഷോപ്പ് സോഫ്റ്റ്‌വെയറിനത്ര പ്രശസ്തി ഇത് വരെ മറ്റൊരു ആപ്ലിക്കേഷനും കൊണ്ടുപോയിട്ടില്ല എന്ന് നിസ്സംശയം പറയാം. ഐഒഎസ്, ആന്‍ഡ്രോയിഡ് പ്ലാറ്റ്‌ഫോമില്‍ ഈ ആപ്ലിക്കേഷന്‍ സൗജന്യമാണ്. ഫോട്ടോ എഡിറ്റിംഗില്‍ ആവശ്യമായ കോണ്ട്രാസ്റ്റ്, ബ്രൈറ്റ്‌നസ് ഉള്‍പ്പടെയുള്ള വിവിധ ലെവലുകളും ഇമേജ് ഇഫക്റ്റുകളും മൊബൈല്‍ പ്ലാറ്റ്‌ഫോമിലും അഡോബി ഉള്‍പ്പെടുത്തിയിട്ടുണ്ട്.

Advertisement

ഡിപ്റ്റിക്- ഏകദേശം 52 രൂപ

ഈ ആപ്ലിക്കേഷനുപയോഗിച്ച് ഒരൊറ്റ ലേഔട്ടില്‍ അഞ്ച് ചിത്രങ്ങള്‍ വരെ ചേര്‍ക്കാനാകും. 52 വ്യത്യസ്തമായ ലേ ഔട്ടുകളാണ് ഈ ആപ്ലിക്കേഷന്‍ നല്‍കുന്നത്. ബോര്‍ഡര്‍ കളര്‍ ക്രമീകരിക്കാനും ഫ്രെയിമിന്റെ അകലം ക്രമീകരിക്കാനും ഈ ആപ്ലിക്കേഷനില്‍ എളുപ്പമാണ്. ആന്‍ഡ്രോയിഡ്, ഐഒഎസ് പ്ലാറ്റ്‌ഫോമുകളില്‍ ഈ ആപ്ലിക്കേഷന്‍ ലഭിക്കും.

ബീഫങ്കി ഫോട്ടോ എഡിറ്റര്‍ - ഏകദേശം 210 രൂപ

ലോമോആര്‍ട്, ക്രോസ് പ്രോസസ്, റെട്രോ, വ്യൂഫൈന്‍ഡര്‍, പോപ് ആര്‍ട്, വൈബ്രന്‍സ് ഇഫക്റ്റുകള്‍ ഈ ആപ്ലിക്കേഷനില്‍ കാണാനാകും. ആന്‍ഡ്രോയിഡിലാണ് ഈ ആപ്ലിക്കേഷനുള്ളത്. ഫോട്ടോകളെ ക്രോപ്, റൊട്ടേറ്റ് എന്നിവ ചെയ്യാനുള്ള ടൂളുകളും ആപ്ലിക്കേഷനിലുണ്ട്. ഫെയ്‌സ്ബുക്ക്, ഫഌക്കര്‍ എന്നിവയില്‍ ഫോട്ടോസ് അപ്‌ലോഡ് ചെയ്യാനും ഇതില്‍ സാധിക്കും.

Advertisement

പിക്‌സലര്‍-ഒ-മാറ്റിക്- സൗജന്യം

ഫില്‍റ്ററുകള്‍, ഇഫക്റ്റുകള്‍, ഫ്രെയിമുകള്‍ തുടങ്ങിയവയെ സംയോജിപ്പിച്ച് ചിത്രത്തെ ആകര്‍ഷകമാക്കുകയാണ് ഈ ആപ്ലിക്കേഷന്‍. ഐഒഎസ്, ആന്‍ഡ്രോയിഡ് പ്ലാറ്റ്‌ഫോമുകളില്‍ സൗജന്യമാണ് പിക്‌സലര്‍-ഒ-മാറ്റിക്. പ്രമുഖ സോഷ്യല്‍ നെറ്റ്‌വര്‍ക്കിംഗ് സൈറ്റുകളില്‍ ഫോട്ടോ അപ്‌ലോഡ് ചെയ്യാനും ഇതില്‍ കഴിയും.

സ്ലോ ഷട്ടര്‍ ക്യാം- ഏകദേശം 104 രൂപ

ഐഒഎസ് പ്ലാറ്റ്‌ഫോമില്‍ ലഭിക്കുന്ന ആപ്ലിക്കേഷനില്‍ ഓട്ടോമാറ്റിക്, മാന്വല്‍, ലൈറ്റ് ട്രയല്‍ എന്നീ മൂന്ന് ഷൂട്ടിംഗ് മോഡുകള്‍ ഇതിലുണ്ട്. ഓട്ടോമാറ്റിക്ക് മോഡ് ഉപയോഗിച്ച് പ്രേത ചിത്രങ്ങള്‍ രൂപപ്പെടുത്തിയെടുക്കാം അല്ലെങ്കില്‍ ചിത്രം ബ്ലര്‍ ആക്കിയെടുക്കാം അങ്ങനെ ക്യാമറ സൂത്രങ്ങളെല്ലാം സ്ലോ ഷട്ടര്‍ ക്യാം ആപ്ലിക്കേഷനില്‍ എടുക്കാനാകും. ഐഒഎസ് പ്ലാറ്റ്‌ഫോമിലാണ് ഇത് ഡൗണ്‍ലോഡ് ചെയ്യാനാകുക.

Best Mobiles in India