ഈ കാലയളവിൽ സ്മാർട്ഫോണുകൾക്കും ഇലക്ട്രോണിക് ഉപകരണങ്ങൾക്കും ലാപ്ടോപ്പുകൾക്കും ഫാഷൻ ഉത്പന്നങ്ങൾക്കും വമ്പിച്ച അനൂകുല്യങ്ങളാണ് കമ്പനി ലഭ്യമാക്കുന്നത്. എച്ച്ഡിഎഫ്സി ബാങ്കുമായി കൈകോർത്ത് ഉപയോക്താക്കൾക്ക് ക്യാഷ്ബാക്ക് ഓഫറും ലഭ്യമാക്കുന്നുണ്ട്.
സ്മാർട്ഫോണുകളായ റെഡ്മി Y2, നോക്കിയ 5.1 പ്ലസ്, അസ്യൂസ് സെൻഫോൺ മാക്സ് പ്രോ എം1 എന്നിവയ്ക്കാണ് സെയിലിൽ ഓഫറുളളത്. വരും ദിവസങ്ങളിൽ ആപ്പിൾ ഐഫോണുകൾക്കും ഓഫർ നൽകിയേക്കും. നിലവിൽ ആപ്പിൾ ഐഫോണുകൾക്ക് ഓഫർ ഒന്നും തന്നെ ഇതുവരെ പ്രഖ്യാപിച്ചിട്ടില്ല.
ഷവോമിയുടെ റെഡ്മി Y2 ഫോൺ 7,999 രൂപയ്ക്കാണ് ഫ്ലിപ്കാർട്ട് നൽകുന്നത്. 4 ജി.ബി റാമും 64 ജി.ബി സ്റ്റോറേജുമുളള ഫോണിന്റെ മുൻ ക്യാമറ 16 മെഗാപിക്സലാണ്. പുറകിൽ 12 എം.പി+5 എം.പി ഇരട്ട ക്യാമറയാണ്. റെഡ്മി 6 ഓഫറിൽ 6,999 എന്ന നിരക്കിലാണ് ഫ്ലിപ്കാർട്ട് നൽകുന്നത്.
അസ്യൂസ് സെൻഫോൺ മാക്സ് പ്രോ എം 1 ഫ്ലിപ്കാർട്ടിൽനിന്നും 7,999 രൂപയ്ക്ക് ഓഫർ കാലയളവിൽ സ്വന്തമാക്കാം. 3 ജി.ബി റാം വേരിയന്റിലുളള ഫോണിന്റെ വിലയാണിത്. 4 ജി.ബി റാം വേരിയന്റിന്റെ വിപണി വില 11,999 രൂപയാണ്. ഓഫർ കാലയളവിൽ 10,000 രൂപയ്ക്ക് ഈ സ്മാർട്ട്ഫോൺ സ്വന്തമാക്കാം.
ഫ്ലിപ്കാർട്ടിന്റെ സെയിലിൽനിന്നും 7,999 രൂപയ്ക്ക് നോക്കിയ 5.1 പ്ലസ് ഫോൺ വാങ്ങാം. നിലവിൽ ഈ സ്മാർട്ട് ഫോണിന്റെ വില 9,999 രൂപയാണ്. 3 ജി.ബി റാമും 32 ജി.ബി സ്റ്റോറേജ് വേരിയന്റ് സ്മാർട്ട് ഫോണാണിത്. പുറകിൽ ഇരട്ട ക്യാമറയാണ് ഈ സ്മാർട്ട്ഫോണിനുളളത്.
ഹോണർ 10 ലൈറ്റ്, 24 എം.പി മുൻ ക്യാമറയുളള ഫോൺ 12,999 രൂപയ്ക്ക് ഫ്ലിപ്കാർട്ടിൽനിന്നും വാങ്ങാം. അതേസമയം, 64 ജി.ബി വേരിയന്റിലുളള ഫോണിന്റെ വില 13,999 രൂപയാണ് വെബ്സൈറ്റിൽ കാണിച്ചിരിക്കുന്നത്. വരും ദിവസങ്ങളിൽ ഹോണർ മറ്റു ഫോണുകൾക്കും ഓഫർ ഉണ്ടാകുമെന്നാണ് കരുതുന്നത്.
അടുത്ത ആഴ്ചയിൽ റെഡ്മി നോട്ട് 7 പ്രോ, റിയൽമി 3 പ്രോ, റിയൽമി സി2 എന്നീ ഈ ഫോണുകൾ ഫ്ലിപ്കാർട്ടിൽ വിൽപനയ്ക്കെത്തും. റിയൽമി 3 പ്രോയുടെ വിൽപന മേയ് 13-ന് ഉച്ചയ്ക്ക് 12 മുതൽ തുടങ്ങും. റെഡ്മി നോട്ട് 7 പ്രോയുടെ വിൽപന ബുധനാഴ്ചയാണ്. റിയൽമി സി2-വിന്റെ വിൽപന ബുധനാഴ്ച ഉച്ചയ്ക്ക് 12 ന് തുടങ്ങും.
ഗൂഗിളിൻറെ സ്മാർട്ട് ഹോം സ്പീക്കറുകൾക്ക് ഫ്ളിപ്കാർട്ട് സമ്മർ കാർണിവൽ സെയിൽ പ്രഖ്യാപിച്ചു. ഗൂഗിൾ ഹോം ഫ്ലിപ്കാർട്ടിന്റെ ഈ സെയിലിൽ 7,999 രൂപയ്ക്ക് ലഭിക്കും, (9,999) രൂപയാണ് യഥാർത്ഥ വില. ഗൂഗിൾ ഹോം മിനി 2,999 രൂപയ്ക്ക് സ്വന്തമാക്കാം (4,999 രൂപ).
ആമസോണിന്റെ എക്കോ ഡോട്, എക്കോ സ്മാർട്ട് സ്പീക്കറുകൾ എന്നിവയുടെ വിലയുമായി താരതമ്യം ചെയ്യാൻ ഫ്ളിപ്പ്കാർട്ട് ശ്രമിച്ചിട്ടുണ്ട്. വരാനിരിക്കുന്ന വലിയ ഷോപ്പിംഗ് ഡേ സെയിലിനായി ഫ്ളിപ്പ്കാർട്ട് ഈ സംരംഭങ്ങൾ വീണ്ടും കൊണ്ടുവരാൻ തുടങ്ങിയിരിക്കുന്നു.