ഗൂഗിളിന്റെ ഇ-മെയില് സര്വീസായ ജി മെയില് പ്രവര്ത്തനമാരഗഭിച്ച് ഇന്നേക്ക് 10 വര്ഷം പിന്നിട്ടു. കൃത്യമായി പറഞ്ഞാല് 2004 ഏപ്രില് ഒന്നിനായിരുന്നു തുടക്കം. മൈക്രോസോഫ്റ്റിന്റെ ഹോട് മെയിലിനേയും യാഹു മെയിലിനേയും കടത്തിവെട്ടി വളരെ പെട്ടെന്നാണ് ജി മെയില് വളര്ന്നത്.
അന്ന് 1 ജി.ബി സൗജന്യ സ്പേസ് ആണ് ജിമെയില് നല്കിയിരുന്നത്. മൈക്രോസോഫ്റ്റ് ഹോട്മെയിലിനേക്കാള് 500 മടങ്ങായിരുന്നു ഇത്. ഏകദേശം മൂന്നു വര്ഷത്തെ പ്രയത്നത്തിനും പരീക്ഷണങ്ങള്ക്കും ഒടുവിലാണ് ജീ മെയില് പൊതുജനങ്ങളിലേക്ക് എത്തിയത്. ഗൂഗിളിലെ പോള് ബഷെയ്റ്റ് ആയിരുന്നു ജി-മെയിലിന്റെ ഉപജ്ഞാതാവ്.
എന്തായാലും കഴിഞ്ഞ 10 വര്ഷത്തിനിടെ നിരവധി പുതിയ ഫീച്ചറുകള് ജിമെയിലില് വരികയുണ്ടായി.അതെന്തെല്ലാമെന്ന് ചുവടെ കൊടുക്കുന്നു.
തുടക്ക കാലത്ത് 1 ജി.ബി. സ്റ്റോറേജ് ആണ് ജി മെയില് ഉപയോക്താക്കള്ക്ക് ലഭിച്ചിരുന്നത്. മൈക്രോസോഫ്റ്റിന്റെ ഹോട്ശമയില് ഈ സമയത്ത് 2 മുതല് 4 എം.ബി. വരെ സ്റ്റോറേജ് ആണ് നല്കിയിരുന്നത്. ഇന്ന്് ജി മെയില് ഉള്പ്പെടെയുള്ള ഗൂഗിള് ഉത്പന്നങ്ങള്ക്ലക് 15 ജി.ബി. സൗജന്യ സ്റ്റോറേജ് ആണ് ഗൂഗിള് നല്കുന്നത്.
സെന്റ്, റിസീവ്ഡ് മെയിലുകള് സെര്ച് ചെയ്ത് കണ്ടെത്താനുള്ള സംവിധാനമായ സംവിധാനം ജി മെയിലിന്റെ മറ്റൊരു പ്രത്യേകതയാണ്.
അയച്ച മെയില് തിരിച്ചെടുക്കാനുള്ള സംവിധാനവും ജി മെയിലിലുണ്ട്. ഒരു മെയില് അയച്ച് 30 സെക്കന്റിനുള്ളില് ആണ് ഇത്തരത്തില് തിരിച്ചെടുക്കാന് കഴിയുക. അതിനായി മുകളില് അണ്സെന്ഡ് എന്ന ഓപ്ഷനും കാണാം.
ഇന്ററനെറ്റ് കണക്ഷന് ഇല്ലാതെതന്നെ ഇ-മെയിലുകള് വായിക്കാനും കംപോസ്ചെയ്യാനുമെല്ലാം സാധിക്കുന്ന ഓഫ്ലൈന് വേര്ഷനും ജി മെയിലുണ്ട്. കംപോസ് ചെയ്ത മെസേജുകള് പിന്നീട് ഇന്റര്നെറ്റ് കണക്ഷന് ലഭ്യമാവുമ്പോള് സെന്ഡ് ആകും.
ജി മെയിലില് ഗൂഗിള് പുതിയതായി കൊണ്ടുവരാനുദ്ദേശിക്കുന്ന ഫീച്ചറുകളെ കുറിച്ച് വിവരം ലഭ്യമാക്കുന്ന സംവിധാനമാണ് ഗൂഗിള് ലാബ്. അതിനായി ജി മെയിലിലെ ലാബ്സ് എന്ന ടാബില് പോയി ആവശ്യപ്പെടുന്ന സെറ്റിംഗ്സുകള് ഓണ് ചെയ്താല് മതി.
മെയിലുകളെ തരം തിരിക്കുന്ന പ്രൈമറി, സോഷ്യല്, പ്രമോഷന് എന്നിങ്ങനെ വിവിധ വിഭാഗങ്ങള് ജി മെയിലില് ഉണ്ട്. ഇതും ഏറെ ഗുണകരമാണ്.
മെയിലുകള് അയയ്ക്കാന് മാത്രമല്ല, ജി ടോക് കോണ്ടാക്റ്റില് ഉള്ളവരുമായി സംസാരിക്കാനും ജി മെയിലില് സാധിക്കും. കോണ്ടാക്റ്റ്സ് പ്രൊഫൈല്സിനു നേരെയുള്ള കോള് ബട്ടണില് ക്ലിക് ചെയ്താല മതി.
ഓണ്ലൈനില് ഇല്ലാത്ത വ്യക്തിക്ക് വോയ്സ് മെയില് അയയ്ക്കാനും ജി മെയിലില് സംവിധാനമുണ്ട്.
ജി മെയിലില് നിന്ന് എസ്.എം.എസ് അയയ്ക്കാനുള്ള സംവിധാനവും ഉണ്ട്. അതിനായി സെറ്റിംഗ്സില് പോയി എസ്.എം.എസ് സംവിധാനം എനേബിള് ചെയ്താല് മതി. 50 സൗജന്യ എസ്.എം.എസുകള് ഇത്തരത്തില് അയയ്ക്കാം.