2019ല് ജി-മെയില് ഉപയോക്താക്കള്ക്കായി ഗൂഗിള് ചില ഫീച്ചറുകള് അവതരിപ്പിക്കാനൊരുങ്ങുകയാണ്. അധികം വൈകാതെ ഇവ നിങ്ങളെ തേടിയെത്തും. മെയില് അയയ്ക്കുന്ന സമയത്ത് സംഭവിച്ച തെറ്റുകള് തിരുത്താനും എഡിറ്റ് ചെയ്യാനുമുള്ള ഫീച്ചറുകളാണ് മൂന്നെണ്ണവും.
ജി-മെയില് ഉപയോക്താക്കള്ക്കായി പുത്തന് മൂന്ന് ഫീച്ചറുകള്
ഇതില് ഷോര്ട്ട്കട്ട് ബട്ടണില് രണ്ട് മാറ്റങ്ങള് വരുത്തിയിട്ടുണ്ട്. വ്യത്യസ്തമായ ഫയല് ഫോര്മാറ്റില് മെയില് ഡൗണ്ലോഡ് ചെയ്യാനാകുമെന്നതാണ് പുതിയ മൂന്നു ഫീച്ചറുകളില് ഏറ്റവും മികച്ചത്.
അണ്-ഡു/റീ-ഡു ഷോര്ട്ട്കട്ട്
പുതിയ ഫീച്ചറിലൂടെ അയക്കുന്ന മെയിലിനെ ലളിതമായി തിരുത്താന് സൗകര്യമുണ്ട്. അതായത് അറിയാതെ ഏതെങ്കിലും ഡാറ്റ ഡിലീറ്റായിപ്പോയാല് അത് തിരിച്ചെടുക്കാനായി അണ്-ഡു ബട്ടണ് മെയില് കംപോസിംഗില് ഇടംപിടിച്ചിട്ടുണ്ട്. അതുപോലെ അറിയാതെ അണ്-ഡു ആയിപ്പോയാല് ഡാറ്റ തിരികെ കിട്ടാന് റീ-ഡു ഓപ്ഷനുമുണ്ട്.
സ്ട്രൈക് ത്രൂ ടെക്സ്റ്റ്-ഷോര്ട്ട്കട്ട്
നിലവല് മെയില് കംപോസംഗ് സമയത്ത് ബോള്ഡ്, ഇറ്റാലിക്സ്, അണ്ടര്ലൈന് ഓപ്ഷന് നിങ്ങള്ക്ക് കാണാന് കഴിയും. എന്നാലിനി സ്ട്രൈക് ത്രൂ ടെക്സ്റ്റും കംപോസിംഗില് ഇടംപിടിക്കും. അതിവേഗം ഇ-മെയില് അയയ്ക്കാന് ഒരുങ്ങുന്നവര്ക്ക് ഈ ഫീച്ചര് അല്പ്പം തടസ്സം സൃഷ്ടിക്കുമെന്ന ആരോപണം ഇതിനോടകം പുറത്തുവന്നിട്ടുണ്ട്.
വിവിധ ഫോര്മാറ്റില് ഇ-മെയില് ഡൗണ്ലോഡിംഗ്
.eml ഫോര്മാറ്റില് ഇ-മെയില് ഡൗണ്ലോഡ് ചെയ്യാമെന്നതാണ് മൂന്നു ഫീച്ചറുകളില് ഏറ്റവും മികച്ചത്. മറ്റ് ഇ-മെയില് സേവനദാതാക്കള് നേരത്തതന്നെ അവതരിപ്പിച്ച ഫീച്ചറാണിത്. അവശ്യമാണെന്നു കണ്ട്െ ഗൂഗിളും ഇപ്പോള് അവതരിപ്പിക്കുന്നുവെന്നു മാത്രം.
ജി സ്യൂട്ട് ബ്ലോഗ് റിപ്പോര്ട്ടു ചെയ്യുന്നതനുസരിച്ച് കുറച്ചു ദിവസങ്ങള്ക്കകം തന്നെ ഈ മൂന്നു ഫീച്ചറുകളും ജി-മെയില് ഉപയോക്താക്കള്ക്ക് ലഭ്യമായിത്തുടങ്ങും. ഈ ഫീച്ചുകളെ ആവശ്യമെങ്കില് ഡിഫോള്ട്ടായും ക്രമീകരിക്കാവുന്നതാണ്.
ജി-മെയിലില് ചില മാറ്റങ്ങള് വരുത്തുമെന്ന് കഴിഞ്ഞ വര്ഷം സെപ്റ്റംബറിര് ഗൂഗിള് അറിയിച്ചിരുന്നു. ജി-മെയിലില് കൂടുതല് ശ്രദ്ധ കേന്ദ്രീകരിക്കുന്നതിന്റെ ഭാഗമായാണിത്. ഭാവി ലക്ഷ്യമാക്കി കൂടുതല് ഫീച്ചറുകള് അവതരിപ്പിക്കുക അനിവാര്യമാണെന്നും ഗൂഗിള് അധികൃതര് പറയുന്നു. മാര്ച്ച് 2019ഓടെ ഗൂഗിള് ഇന്ബോക്സിലും ചില മാറ്റങ്ങള് വന്നേക്കാമെന്ന സൂചനയുണ്ട്.