ഗൂഗിള്‍ പുതിയ ആന്‍ഡ്രോയ്ഡ് വിയര്‍ ബീറ്റ ലഭ്യമാക്കി തുടങ്ങി . ടെസ്റ്റ് ഡിവൈസിലും ആന്‍ഡ്രോയ്ഡ് എമുലേറ്ററിലും ആന്‍ഡ്രോയ്ഡ് വിയര്‍ ബീറ്റ ലഭ്യമാകുമെന്ന് ഗൂഗിള്‍ അറിയിച്ചു .ബാക് ഗ്രൗണ്ട് പരിധിയും നോട്ടിഫിക്കേഷന്‍ ചാനലുകളും വിപുലീകരിച്ചു കൊണ്ട് എപിയു 26 സാങ്കേതികമായി അപ്‌ഗ്രേഡ് ചെയ്ടിട്ടുണ്ടെന്ന് ഗൂഗിള്‍ പറഞ്ഞു.
സ്മാര്‍ട് വാച്ചിന്റെ ബാറ്ററി ലൈഫ് മെച്ചപ്പെട്ടിരിക്കും. ബാക് ഗ്രൗണ്ടില്‍ റണ്‍ ചെയ്യുന്ന സേവനങ്ങളില്‍ മാത്രമല്ല ബാക് ഗ്രൗണ്ട് ലൊക്കേഷന്‍ പിരശോധനയുടെ ആവൃത്തിയിലും ആന്‍ഡ്രോയ്ഡ് വിയര്‍ കര്‍ശനമായ പരിധി വയ്ക്കുന്നുണ്ട്.
പുതിയ ആന്‍ഡ്രോയ്ഡ് വിയര്‍ ബീറ്റ ലഭിക്കുന്നതിന് എല്ലാ സ്മാര്‍ട് വാച്ചുകള്‍ക്കും ടെസ്റ്റ് ഡിവൈസ് എന്ന പരിഗണന ലഭിക്കില്ല. എല്‍ജി വാച്ച് സ്‌പോര്‍ട് മാത്രമായിരിക്കും ടെസ്റ്റ് ഡിവൈസായി പരിഗണിക്കുക. നിരാശപെടേണ്ടതില്ല , മറ്റ് മാര്‍ഗങ്ങള്‍ നിങ്ങള്‍ക്ക് നോക്കാം. ആന്‍ഡ്രോയ്ഡ് എമുലേറ്റര്‍ വഴി ആന്‍ഡ്രോയ്ഡ് വിയര്‍ ആപ്പ് പരീക്ഷിച്ച് നോക്കാം.
ആന്‍ഡ്രോയ്ഡ് വിയര്‍ മെച്ചപ്പെടുത്തുന്നതിന് ഗൂഗിള്‍ നന്നായി പരിശ്രമിക്കുന്നുണ്ട്. അതിനാലാണ് സാംസങിന്റെ ടിസെന്‍, ആപ്പിളിന്റെ വാച്ച് ഒഎസ് എന്നിവയുമായി ഇവ താരതമ്യം ചെയ്യാറായിട്ടില്ല എന്ന് പറയുന്നത്.
അതേസമയം ആപ്പിള്‍ വാച്ച് സീരീസ് 3 യുടെ പ്രീ ബുക്കിങ് ഇന്ത്യയില്‍ തുടങ്ങിയിട്ടുണ്ട്.