ലോക രാഷ്ട്രങ്ങളില്‍ ഏറ്റവും ഉയര്‍ന്ന തോതില്‍ ഡിജിറ്റല്‍ വൈദഗ്ധ്യമുളള രാജ്യമായി മാറുകയാണ് ഇന്ത്യ. ഡിജിറ്റല്‍ മേഖലയിലെ 76%വും സംഭാവന ചെയ്യുന്നത് ഇന്ത്യയാണെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ആഗോള തലത്തില്‍ ശരാശരി 55% ആണ് ഡിജിറ്റല്‍ വൈദഗ്ധ്യാനുപാതം. ഇന്ത്യയുടെ ഡിജിറ്റല്‍ സ്വപ്‌നങ്ങള്‍ക്ക് കരുത്ത് പകരുന്ന സര്‍വ്വേ റിപ്പോര്ട്ട് കാപ്‌ജെമിനിയിലും ലിങ്ക്ഡ്ഇന്നും ആണ് റിപ്പോര്ട്ട് തയ്യാറാക്കിയിട്ടുളളത്.
ഇന്ത്യയിലെ ഡിജിറ്റല്‍ വൈദഗ്ധ്യത്തിലെ വിടവ് വര്‍ധിക്കുന്നതായും റിപ്പോര്‍ട്ടുകള്‍ ചൂണ്ടിക്കാട്ടുന്നു. ഇന്ത്യയിലെ 64% സ്ഥാപനങ്ങളും പ്രതീക്ഷിച്ചിരിക്കുന്നത് ഡിജിറ്റല്‍ വൈദഗ്ധ്യത്തിന്റെ കാര്യത്തില്‍ വളരെ അന്തരം ആനുഭവപ്പെടുന്നുണ്ട് എന്നാണ് കരുതുന്നത്.
ആഗോള തലത്തില്‍ 54% പേരാണ് ഈ പ്രശ്‌നത്തെ സംബന്ധിച്ച് പ്രതികരണം നടത്തിയത്. ഇവര്‍ പറയുന്നത് ഇങ്ങനെയാണ്, ഡിജിറ്റല്‍ വൈദഗ്ധ്യത്തിലെ അഭാവം തങ്ങളുടെ ഡിജിറ്റല്‍ പരിവര്‍ത്തന പിരിപാടികളില്‍ തടസം തീര്‍ക്കുന്നതിനോടൊപ്പം കമ്പനിയുടെ മത്സരക്ഷമതയെ ബാധിക്കുന്നതായും ഇവര്‍ പറയുന്നു.
ഇന്ത്യയിലെ 49% തൊഴിലാളികളുടേയും വിശ്വാസം ഇങ്ങനെയാണ്, തങ്ങള്‍ക്ക് നിലവിലുളള നൈപുണ്യം അടുത്ത നാലോ അഞ്ചോ വര്‍ഷത്തേക്ക് വേണ്ടതിലും അധികം ആണെന്നാണ് ഇന്ത്യയിലെ 49% തൊഴിലാളികളും വിശ്വസിക്കുന്നത്. അതേ സമയം ഡിജിറ്റല്‍ നൈപുണ്യ വികസനമാണ് പുതിയ കമ്പനിയിലേക്ക് മാറാനുളള പ്രധാന കാരണം.
2017ലെ ജൂണ്‍ ജൂലൈ മാസത്തില്‍ സംഘടിപ്പിച്ച സര്‍വ്വേയില്‍ ജര്‍മനി, ഫ്രാന്‍സ്, ഇന്ത്യ, ഇറ്റലി , നെതര്‍ലാന്റ്, സ്‌പെയിന്‍, യുഎസ് അങ്ങനെയുളള രാജ്യങ്ങള്‍ പങ്കെടുത്തു. ഈ രാജ്യങ്ങളില്‍ നിന്നുളള 753 തൊഴിലാളികള്‍ക്കിടയിലും വന്‍ കമ്പനികളുടെ ഡയറക്ടര്‍ ബോര്‍ഡിലുമുളള 501 എക്‌സിക്യൂട്ടീവുകള്‍ക്കിടയുലും ആണ് സര്‍വ്വേ സംഘടിപ്പിച്ചത്.