ഇന്ത്യയിലെ രണ്ടാമത്തെ വലിയ ഐ.ടി കമ്പനിയായ ഇന്‍ഫോസിസ് ജീവനക്കാര്‍ക്ക് 4 മുതല്‍ 10 ശതമാനം വരെ ശമ്പള വര്‍ദ്ധനവ് പ്രഖ്യാപിച്ചു. ലെവല്‍ 2 മുതല്‍ ലെവര്‍ 6 വരെയുള്ളവര്‍ക്കാണ് വര്‍ദ്ധനവ്. ഏപ്രില്‍ ഒന്നു മുതല്‍ പുതിയ ശമ്പളം പ്രാബല്യത്തില്‍ വരും.
എഞ്ചിനീയറിംഗ് ഇതര ബിരുദധാരികളും കസ്റ്റമര്‍ സപ്പോര്‍ട് എക്‌സിക്യുട്ടീവുകളും ഉള്‍പ്പെടുന്നതാണ് ലെവല്‍ 2. പ്രൊജക്റ്റ് മാനേജര്‍മാര്‍, സീനിയര്‍ പ്രൊജക്റ്റ് മാനേജര്‍മാര്‍ എന്നിവര്‍ ഉള്‍പ്പെടുന്ന വിഭാഗമാണ് ലെവല്‍ 6. ഫെബ്രുവരിയിയില്‍, ലെവല്‍ 2 മുതല്‍ ലെവല്‍ 6 വരെ വിഭാഗങ്ങളില്‍ പെടുന്നവര്‍ക്ക് 5 മുതല്‍ 7 ശതമാനം വരെ ശമ്പള വര്‍ദ്ധനവ് നല്‍കുമെന്നാണ് കമ്പനി അറിയിച്ചിരുന്നത്. അതിനേക്കാള്‍ കൂടുതല്‍ ആണ് പ്രഖ്യാപിച്ചിരിക്കുന്ന വര്‍ദ്ധനവ്.
ജീവനക്കാരുടെ പ്രവര്‍ത്തനമികവ് അടിസ്ഥാനമാക്കി നല്‍കുന്ന റേറ്റിംഗ് പ്രകാരം (CRR- Consolidate Relative Ranking) പ്രകാരം CRR 1+ ല്‍ വരുന്നവര്‍ക്ക് 10 ശതമാനം വര്‍ദ്ധനവും CRR1, CRR2, CRR3 എന്നിവയില്‍ വരുന്നവര്‍ക്ക് യഥാക്രമം 8 ശതമാനം, 6 ശതമാനം, 4 ശതമാനം എന്നിങ്ങനെ വര്‍ദ്ധനവ് ലഭിക്കും.
കമ്പനിയുടെ മൊത്തം പ്രവര്‍ത്തനം മോശമായതിനെ തുടര്‍ന്ന് കഴിഞ്ഞ രണ്ടു വര്‍ഷങ്ങളില്‍ വൈകിയാണ് ശമ്പളവര്‍ദ്ധനവ് നടപ്പിലാക്കിയത്. 2013-ല്‍ ജൂലൈ മാസത്തിലും 2012-ല്‍ ഒക്‌റ്റോബറിലുമായിരുന്നു വര്‍ദ്ധനവ്്. കഴിഞ്ഞവര്‍ഷം ഇന്ത്യയില്‍ ജോലിചെയ്യുന്നവര്‍ക്ക് ശരാശരി 8 ശതമാനവും വിദേശത്ത് ജോലി ചെയ്യുന്നവര്‍ക്ക് 3 ശതമാനവുമാണ് വര്‍ദ്ധനവ് നല്‍കിയത്. കഴിഞ്ഞ ഒക്‌ടോബറില്‍ ജീവനക്കാര്‍ക്ക് സ്ഥാനക്കയറ്റവും നല്‍കിയിരുന്നു.
Best Mobiles in India
Best Camera
Best Selling
Upcoming