ജിയോ ഫോണ്‍ പുറത്തിറക്കിയപ്പോള്‍ റിലയന്‍സ് 153 രൂപ പ്ലാനാണ് പ്രഖ്യാപിച്ചത്. ഇത് പ്രകാരം 1 GB 4G ഡാറ്റയും പരിധികളില്ലാതെ വോയ്‌സ് കോളുകളും ഉപയോക്താവിന് ലഭിക്കും. കഴിഞ്ഞയാഴ്ച റിലയന്‍സ് ജിയോ ഫോണ്‍ ഉപയോഗിക്കുന്നവര്‍ക്കായി പുതിയ പ്ലാന്‍ പ്രഖ്യാപിച്ചു.
49 രൂപ വിലയുള്ള പ്ലാന്‍ തിരഞ്ഞെടുക്കുന്നവര്‍ക്ക് പ്ലാന്‍ 153-ന്റെ എല്ലാ ആനുകൂല്യങ്ങളും ലഭിക്കുമെന്ന് മാത്രമല്ല 11,21,51,101 രൂപയ്ക്കുള്ള ആഡ്-ഓണ്‍സ് (Add-ons) തിരഞ്ഞെടുക്കാനും കഴിയും. 28 ദിവസമാണ് പ്ലാനിന്റെ കാലാവധി.
ജിയോ ഫോണുകള്‍ക്ക് മാത്രമായി അവതരിപ്പിച്ച പ്ലാന്‍ 49 എങ്ങനെ മറ്റ് 4G സ്മാര്‍ട്ട്‌ഫോണുകളില്‍ ഉപയോഗിക്കാമെന്ന് നോക്കാം. ഇതിനായി ഒരു ജിയോ ഫോണ്‍ സ്വന്തമാക്കുക. അതിലുള്ള സിം കാര്‍ഡില്‍ പ്ലാന്‍ 49 ആക്ടിവേറ്റ് ചെയ്തതിന് ശേഷം സിം മറ്റൊരു 4G സ്മാര്‍ട്ട്‌ഫോണിലേക്ക് മാറ്റുക. ഇന്ത്യ ടുഡേയാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
മറ്റ് സ്മാര്‍ട്ട്‌ഫോണുകളില്‍ ഉപയോഗിച്ചു കൊണ്ടിരിക്കുന്ന ജിയോ സിം ജിയോ ഫോണില്‍ ഇട്ടാല്‍ ഈ ആനുകൂല്യം ലഭിക്കുകയില്ലെന്ന് പ്രത്യേകം ഓര്‍മ്മിക്കുക. ഇത്തരം സിം കാര്‍ഡുകള്‍ക്കായുള്ള ഏറ്റവും കുറഞ്ഞ പ്ലാന്‍ 98 രൂപയുടേതാണ്. 28 ദിവസം കാലാവധിയുള്ള പ്ലാനില്‍ 2GB 4G ഡാറ്റയും പരിധികളില്ലാത്ത വോയ്‌സ് കോളും ലഭിക്കും.