സാംസങ് ഗാലക്‌സി S10 അണിയറയില്‍ ഒരുങ്ങുന്നു; 2019 ജനുവരിയോടെ വിപണിയിലെത്തും


ഏതാനും മാസങ്ങള്‍ക്ക് മുമ്പാണ് സാംസങ് ഫ്‌ളാഗ്ഷിപ്പ് സ്മാര്‍ട്ട്‌ഫോണുകള്‍ ആയ S9, S9 പ്ലസ് എന്നിവ പുറത്തിറക്കിയത്. ഇവ ഉയര്‍ത്തിവിട്ട അലയൊലികള്‍ അടങ്ങും മുമ്പ് സാംസങിന്റെ പുതിയ പ്രീമിയം സ്മാര്‍ട്ട്‌ഫോണിനെ കുറിച്ചുള്ള അഭ്യൂഹങ്ങള്‍ സ്മാര്‍ട്ട്‌ഫോണ്‍ വിപണയില്‍ ശക്തമായിക്കഴിഞ്ഞു.

ഗാലക്‌സി S ശ്രേണിയില്‍ പുറത്തിറങ്ങുന്ന ഫോണിന്റെ പേര് ഗാലക്‌സി S10 ആയിരിക്കുമെന്നാണ് സൂചന. ബിയോണ്ട് എന്നാണ് സാംസങ് ഇതിന് നല്‍കിയിരിക്കുന്ന രഹസ്യനാമം. ഗാലക്‌സി S8-ന് ഡ്രീം എന്നും ഗാലക്‌സി S9-ന് സ്റ്റാര്‍ എന്നുമാണ് കമ്പനി രഹസ്യനാമം നല്‍കിയത്. അതുകൊണ്ട് ബിയോണ്ട് S10 ആകാനുള്ള സാധ്യത വളരെക്കൂടുതലാണ്.

CES 2019-ല്‍ ഗാലക്‌സി S10 അവതരിപ്പിക്കുമെന്നാണ് റിപ്പോര്‍ട്ടുകള്‍. പ്രതീക്ഷിക്കപ്പെടുന്നതിനെക്കാള്‍ നേരത്തേ ഫോണ്‍ വിപണിയിലെത്താനുള്ള സാധ്യതയും തള്ളിക്കളയാനാകില്ല.

ഓണ്‍ ഡിസ്‌പ്ലേ ബയോമെട്രിക് സെന്‍സറുകള്‍ക്ക് വേണ്ടി സാംസങ് ക്വാല്‍കോം, സിനാപ്റ്റിക്‌സ്, തൈവാന്‍ കമ്പനിയായ Exestek എന്നിവയുമായി ചര്‍ച്ചകള്‍ നടത്തുന്നതായും റിപ്പോര്‍ട്ടുകളുണ്ട്. വന്‍തോതില്‍ നിര്‍മ്മാണം നടത്തുമ്പോള്‍ ആവശ്യത്തിന് FOD-കള്‍ ഉറപ്പുവരുത്തുന്നതിനായി ഒന്നിലധികം കമ്പനികളുമായി സാംസങ് സഹകരണത്തിലേര്‍പ്പെടാന്‍ സാധ്യതയുണ്ടെന്ന് ഈ മേഖലയിലെ വിദഗ്ദ്ധര്‍ പറയുന്നു.

പുതിയ ഫോണില്‍ 3D സെന്‍സിംഗ് മോഡ്യൂള്‍ ഉണ്ടാകുമെന്നാണ് പറഞ്ഞുകേള്‍ക്കുന്നത്. ഐഫോണ്‍ X-ലേതിന് സമാനമായി 3D ഫെയ്‌സ് മാപ്പിംഗ് സാങ്കേതികവിദ്യ ഗാലക്‌സി S10-നിലും പ്രതീക്ഷിക്കാം.

ഗൂഗിള്‍ ന്യൂസ് ഏറ്റവും വലിയ മാറ്റത്തിനൊരുങ്ങുന്നു

ഇതിനിടെ മടക്കാന്‍ കഴിയുന്ന പുതിയ സ്മാര്‍ട്ട്‌ഫോണ്‍ പുറത്തിറക്കാനുള്ള തയ്യാറെടുപ്പുകളും സാംസങ് തകൃതിയായി നടത്തിക്കൊണ്ടിരിക്കുകയാണ്. MWC 2019-ല്‍ ഇത് അവതരിപ്പുക്കുമെന്ന് പറയപ്പെടുന്നു. ഗാലക്‌സി S10 കമ്പിനയുടെ പത്താം വാര്‍ഷിക സമ്മാനമായായിരിക്കും വിപണിയിലെത്തുക.

Most Read Articles
Best Mobiles in India
Read More About: samsung smartphone news

Have a great day!
Read more...

English Summary

Samsung is developing it upcoming Galaxy S10 flagship under the codename "Beyond".The report suggests that the Galaxy S10 will arrive at CES 2019 as opposed to MWC in February or in early March. Samsung also seems to be planning to introduce a 3D sensing module in the upcoming anniversary model, like the one which Apple introduced in its iPhone X.