സാങ്കേതികമായും രൂപകല്പനയിലും മികച്ചു നില്ക്കുന്നു എന്നതാണ് മറ്റു കമ്പനികളില് നിന്ന് ആപ്പിളിനെ വ്യത്യസ്തമാക്കുന്നത്. മറ്റുള്ളവര് മരത്തില് കാണുന്നത് മാനത്ത് കാണാന് ആപ്പിളിന് എന്നും സാധിച്ചു.
ഐ ഫോണും ഐപോഡും ഐപാഡും ഉള്പ്പെടെ എല്ലാം അതിനുദാഹരണങ്ങളാണ്. മൊബൈല് ഫോണ് വിപണിയില് തന്നെ വിപ്ലവം സൃഷ്ടിക്കാന് ഐ ഫോണിനു സാധിച്ചു എന്ന വസ്തുത മറക്കാന് കഴിയില്ല.
എന്നാല് ആപ്പിളിനു വേണ്ടി പതിറ്റാണ്ടുകള്ക്കു മുമ്പ് ഡിസൈന് ചെയ്യപ്പെട്ട പല ഉപകരണങ്ങളും ഇന്നും പുറംലോകം കാണാതിരിക്കുന്നുണ്ട്. പല കാരണങ്ങളാല് കമ്പനി അവയൊന്നും പുറത്തിറക്കിയില്ല എന്നതുതന്നെ കാരണം. എന്തായാലും ആ ഉത്പന്നങ്ങള് ഒന്നു പരിചയപ്പെടാം..
ഹാര്ട്മുട് എസ്ലിഞ്ജര് എന്ന ഡിസൈനറും അദ്ദേഹത്തിന്റെ ഫ്രോഗ് ഡിസൈന് എന്ന സ്ഥാപനവും ആണ് ഈ ഉത്പന്നങ്ങള് ആപ്പിളിനുവേണ്ടി ഡിസൈന് ചെയ്തത്. 1980-കളില് അവതരിപ്പിച്ച ആ പ്രോട്ടോ ടൈപ് കണ്ടാല് എത്രത്തോളം ദീര്ഘദൃഷ്ടി ഉണ്ടായിരുന്നു സ്റ്റീവ് ജോബ്സിന്റെ കമ്പനിക്ക് എന്ന് ഊഹിക്കാന് കഴിയും.
ഇനിയും പുറത്തിറക്കാനിരിക്കുന്ന ഐ വാച്ച് പോലും 30 വര്ഷം മുമ്പ് ആപ്പിള് ഡിസൈനര്മാരുടെ മനസില് രൂപം കൊണ്ടിരുന്നു എന്ന് ഈ ഡിസൈനുകളില് നിന്ന് മനസിലാക്കാം.
എന്തായാലും ആ ഉപകരണങ്ങള് ചുവടെ കൊടുക്കുന്നു.
വാള്ട് ഡിസ്നിയുടെ പ്രശസ്തമായ സ്നോവൈറ്റ് ആന്ഡ് സെവന് ഡ്വാര്ഫ്സ് എന്ന ആനിമേറ്റഡ് സിനിമയെ ആസ്പദമാക്കി ഡിസൈന് ചെയ്ത പേഴ്സണല് കമ്പ്യൂട്ടറുകളാണ് ഇവ. ഓരോ കമ്പ്യൂട്ടറിനും ഓരോ ഡിസ്നി ഡ്വാര്ഫ്സിന്റെ പേരാണ് നല്കിയത്.
സ്നോവൈറ്റ് സീരീസില് പെട്ട മറ്റൊരു മാക് കമ്പ്യൂട്ടറാണ് ഇത്. സീരീസിലെ ഏറ്റവും ചെറിയ കമ്പ്യൂട്ടറും ഇതുതന്നെ.
1982-ല് രൂപകല്പനചെയ്ത മാക്ബുക് ലാപ്ടോപ് ആണ് ഇത്.
സനോവൈറ്റ് സീരീസ് കമ്പ്യൂട്ടറുകള്ക്കായി രൂപകല്പന ചെ്ത മൗസ്.
ആപ്പിളിന്റെ ലിസ കമ്പ്യൂട്ടറിന്റെ മാതൃക. 1982-ലാണ് ഇതും രൂപകല്പനചെയ്തത്.
ആപ്പിള് ലിസ കമ്പ്യൂട്ടറിന്റെ മറ്റൊരു മാതൃക.
ഐപാഡ് മാതൃകയില് ഒരു ഉപകരണം 1982-ല് രൂപകല്പന ചെയ്തിരുന്നു. ടച്ച് സ്ക്രീന് സഹിതമുള്ള ആ ഉപകരണമാണ് ചിത്രത്തില്.
1983-ല് ഡിസൈന് ചെയ്ത ആപ്പിള് ജാക്
ഐഫോണ് പുറത്തിറക്കുന്നതിനു മുമ്പുതന്നെ മൊബൈല് ഫോണുകളെ കുറിച്ച് ആപ്പിള് ചിന്തിച്ചിരുന്നു. അത്തരത്തില് രൂപകല്പന ചെയ്ത മൊബൈല് ഫോണാണ് ഇത്.
ആപ്പിള് ഐവാച്ച് ഇന്നും യാദാര്ഥ്യമായിട്ടില്ല. എന്നാല് എണ്പതുകളില് അത്തരമൊന്നിന്റെ മാതൃക ആപ്പിള് പുറത്തിറക്കിയിരുന്നു. ഒപ്പം വ്യത്യസ്തമായ ചില ഹെഡ്ഫോണുകളും.
ഐഫോണിനു മുമ്പ് അവതരിപ്പിച്ച മൊബൈല് ഫോണ് ഡിസൈന്.
1984-ല് ഡിസൈന് ചെയ്ത മാക്ബുക് എയറിന്റെ ഡിസൈന്.
മാക്ബുക്കിന്റെ മറ്റൊരു ഡിസൈന്.
ഐപാഡിന്റെ മറ്റൊരു ഡിസൈന്.
1982-ല് ഡിസൈന് ചെയ്ത ടാബ്ലറ്റ് മാതൃക. സ്റ്റൈലസ് സഹിതമുള്ളതായിരുന്നു ഈ ടാബ്ലറ്റ്.
1985-ല് ഡിസൈന് ചെയ്ത ബേബി മാക് കമ്പ്യൂട്ടര്.