ഇന്ത്യയിലെ സര്വകലാശാലയില് നിന്നുള്ള കാര്ഷിക ശാസ്ത്രജ്ഞയ്ക്ക് അംഗീകാരം. അവസാനവര്ഷ എം.എസ്.സി അഗ്രികള്ചര്(അഗ്രോണമി) വിദ്യാര്ത്ഥിയായ കവിത ഫമാനാണ് 1 കോടി രൂപ ശമ്പളമുള്ള ജോലി ലഭിച്ചത്. അതും കാനഡയില്.
കാനഡയിലെ പ്രമുഖ കാര്ഷിക സ്ഥാപനമാണ് കവിതയ്ക്ക് ഭീമമായ തുക വാഗ്ദാനം ചെയ്തത്. പ്രൊഡക്ഷന് മാനേജര് തസ്തികയിലാണ് ഫമാന് നിയമനം നല്കിയത്. അതായത് ഈ മാസം ജോലിയില് പ്രവേശിക്കുന്നതോടെ അഗ്രോ കെമിക്കല് ഉത്പാദനച്ചുമതല കവിത ഫമാനായിരിക്കും.
ഇന്ത്യക്കാര്ക്ക് അഭിമാനമായ നേട്ടമാണ് കവിത സ്വന്തമാക്കിയത്. വലിയ ശമ്പളത്തില് കാനഡയിലെ പ്രമുഖ കാര്ഷിക സ്ഥാപനത്തെിന്റെ അഗ്രോകെമിക്കല് വിഭാഗത്തെ നയിക്കുകയെന്നത് അഭിമാനാര്ഹമാണ്. കവിതയുടെ കഠിനാധ്വാനത്തിന്റെ പ്രതിഫലമാണ് ആരും ആഗ്രഹിക്കുന്ന ഈ ജോലി.
കമ്പനി നടത്തിയ പ്രിലിമിനറി പരീക്ഷയും തുടര്ന്ന് നടന്ന അഭിമുഖങ്ങളിലും വിജയിച്ചാണ് കവിത ജോലി സ്വന്തമാക്കിയത്. ഇവ രണ്ടിലും കവിത ഒന്നാമതായി.
'കാര്ഷികരംഗത്ത് ഇന്ന് ടെക്ക്നോളജിയുടെ ആവശ്യകത ഏറുകയാണ്. പുത്തന് ജോലി ഇത്തരത്തിലൊന്നാണ്. ടെക്ക്നോളജിയുടെ ഉപയോഗിച്ച് അഗ്രി സയന്സിനെ അതിന്റെ പാരമ്യത്തിലെത്തിക്കുകയാണ് ലക്ഷ്യം.' - കവിത ഫമാന് പറയുന്നു.