എന്താണ് 4G+? പൊക്കോ F1ലെ 4G+ എന്ത്? 4ജി+ഉം 4ജിയും തമ്മിലുള്ള വിത്യാസം എന്ത്?

വളരെ ചുരുക്കം സ്മാർട്ട്ഫോണുകളിൽ മാത്രം ലഭ്യമായ ഏറ്റവും പുതിയ കണക്ടിവിറ്റി ഫീച്ചറാണ് 4G+, മൊബൈൽ നെറ്റ്വർക്കിലെ ഡൌൺലോഡ് വർദ്ധിപ്പിക്കുകയും വേഗത കൂട്ടുകയും ചെയ്യും എന്നത് തന്നെയാണ് ഇതിന്റെ ഏറ്റവും വലിയ സവിശേഷത.

4G നെറ്റ്വർക്കിനെ അപേക്ഷിച്ച് വേഗതയേറിയ നെറ്റ്വർക്ക് പ്രകടനവും മികച്ച കവറേജും നൽകുന്നതിനായി റേഡിയോ ഫ്രീക്വൻസിയെ മാറ്റാൻ Poco F1-ലെ 4G + ന് സാധിക്കും. 4G കണക്ടിവിറ്റിയുള്ള സ്മാർട്ട്ഫോണിനെ അപേക്ഷിച്ച് 275% അധികം ഡൌൺലോഡിംഗ് വേഗത ലഭ്യമാക്കുമെന്ന് ഗൂഗിൾ പറയുന്നു. 4G + VoLTE കോൾ ഡ്രോപ്പ് കുറച്ചുകൊണ്ട് VoLTE കോളുകൾ മെച്ചപ്പെടുത്തുകയുംചെയ്യും.

ഷവോമി Poco F1, വൺപ്ലസ് 6 എന്നിവയിൽ ഞങ്ങൾ ഇതുമായി ബന്ധപ്പെട്ട് ഒരു സ്പീഡ് ടെസ്റ്റ് നടത്തിനോക്കി. ഫലം അതിശയിപ്പിക്കുന്നതായിരുന്നു. പുതിയ ക്വാൽകോം സ്നാപ്ഡ്രാഗൺ 845 SoC ഉള്ള Poco F1 നൽകിയ ഫലം ഞങ്ങളെ തീർത്തും ഞെട്ടിക്കുക തന്നെ ചെയ്യുകയുണ്ടായി. കാരണം പലപ്പോഴും വൺപ്ലസ് 6ന്റെ അതെ വേഗതയോ സിജിലപ്പോൾ അതിൽ കുറവോ ചിലപ്പോൾ അതിൽ അധികമോ ആയി മാറി വന്നു. ഇത് ഉറപ്പിക്കാനായി പല തവണ ആവർത്തിച്ചു ഞങ്ങൾ ഈ പരീക്ഷണം നടത്തുകയും ചെയ്തു.

അപ്പോഴെല്ലാം തന്നെ സാരമായ ഒരു മാറ്റം ഞങ്ങൾക്ക് പ്രകടമായില്ല. ഈ സൗകര്യം വഴി അധിക വേഗത ലഭ്യമാകുമെന്ന് കമ്പനി വാഗ്ദാനം നൽകിയിട്ടും അത്തരമൊരു സൗകര്യം നേരിട്ട് അനുഭവിച്ചറിയാൻ പറ്റിയില്ല. ഒരുപക്ഷെ അപ്‌ഡേറ്റുകൾ വരുമ്പോൾ ശരിയായേക്കാം.