ആൻഡ്രോയിഡ് ഉപയോക്താക്കൾക്ക് മൾട്ടി-ടാസ്‌കിങ് ലളിതമാക്കി വാട്ട്സ് ആപ്പ്

ഇത് വരെ ആൻഡ്രോയിഡ് ബീറ്റ ഉപയോക്താക്കൾക്ക് മാത്രമാണ് പിക്ച്ചർ-ഇൻ-പിക്ച്ചർ സവിശേഷത ലഭ്യമായികൊണ്ടിരുന്നത്. വാട്ട്സ് ആപ്പിൻറെ പുതിയ പതിപ്പായ 2.18.380 ഉള്ള എല്ലാ വാട്ട്സ് ആപ്പ് ഉപയോക്താക്കൾക്കും ഇപ്പോൾ ആൻഡ്രോയിഡിൽ ഈ പുതിയ സംവിധാനം ലഭ്യമാണ്.

ഈ സവിശേഷത ഉപയോക്താക്കളെ ഒരേ സമയത്ത് തന്നെ വിഡിയോകൾ യൂട്യൂബിൽ നിന്ന് ആസ്വദിക്കാനും, ഇൻസ്റ്റാഗ്രാമിൽ ഫോട്ടോകൾക്ക് കമന്റ് ചെയ്യുവാനും സാധിക്കും, ഒരു ചെറിയ വിൻഡോയായി മൊബൈൽ സ്ക്രീനിലെ വലത്തേയറ്റത്ത് മുകളിലായി കാണാൻ സാധിക്കും. അതേ സമയത്ത് മൊബൈൽ ബാക്ക്ഗ്രൗണ്ടിൽ വാട്ട്സ് ആപ്പ് ചാറ്റ് ആക്റ്റീവ് ആയിരിക്കും. ചെറിയ വിന്ഡോയുടെ സ്ഥാനം ആവശ്യനുസരണം മാറ്റി വയ്യ്ക്കാവുന്നതാണ്.

നിങ്ങൾ ഒരു ആൻഡ്രോയിഡ് ഉപയോക്താവാണെങ്കിൽ ഉടൻ തന്നെ ഗൂഗിൾ പ്ലെയ്‌സ്‌റ്റോറിൽ കയറി വാട്ട്സ് ആപ്പിന്റെ ഏറ്റവും പുതിയ വേർഷൻ ഡൗൺലൊഡ് ചെയ്തത് ഇൻസ്റ്റാൾ ചെയ്യുക. ആപ്പ് അപ്ഡേറ്റ് ചെയ്യ്തുകഴിഞ്ഞാൽ ഉടൻ തന്നെ പിക്ച്ചർ-ഇൻ-പിക്ച്ചർ സവിശേഷത നിങ്ങൾക്കും ലഭ്യമാകുന്നതാണ്.

നിങ്ങളുടെ വാട്ട്സ് ആപ്പ് കോൺടാക്ട് വഴി ലഭിക്കുന്ന ലിങ്ക് അനുസരിച്ചാണ് പിക്ച്ചർ-ഇൻ-പിക്ച്ചർ സവിശേഷത പ്രവർത്തിക്കുന്നത് അല്ലാതെ ആപ്പ് വഴി ഷെയർ ചെയ്യുന്ന യൂട്യൂബ് വിഡിയോകൾ വഴിയല്ല. ഉദാഹരണമായി നിങ്ങളുടെ സുഹൃത്ത് ഒരു യൂട്യൂബ് വിഡിയോയുടെ ലിങ്ക് അയച്ചെന്നിരിക്കട്ടെ, വാട്ട്സ് ആപ്പ് പുതിയ വേർഷൻ അപ്ഡേറ്റ് ചെയ്യ്തുകഴിയുമ്പോഴേക്കും, അയച്ചുതന്ന ലിങ്കിൽ ക്ലിക്ക് ചെയ്യുമ്പോൾ, ഒരു ചെറിയ വിൻഡോയിലായി വീഡിയോ മൊബൈൽ ഫോണിന്റെ വലതുവശത്ത് മുകളിലായി കാണാൻ സാധിക്കും.