കൊക്കക്കോള കമ്പനിയായ വിറ്റാമിൻവാട്ടറാണ് ഈ മത്സരം ആവിഷ്കരിച്ചത്. ഒരു വർഷത്തേക്ക് സ്മാർട്ഫോൺ ഉപയോഗിക്കാതെ കഴിയാൻ പറ്റിയാൽ മാത്രമാണ് ഈ തുക ലഭിക്കുക. ആളുകളുടെ അമിതമായ സ്മാർട്ഫോൺ ഉപയോഗം ഒഴിവാക്കുക എന്ന ലക്ഷ്യമുഗേനയാണ് യൂ.എസ് കമ്പനിയായ വിറ്റാമിൻവാട്ടർ ഇങ്ങനെയൊരു മത്സരം സംഘടിപ്പിച്ചത്.
ഒരു വർഷത്തേക്ക് സ്മാർട്ഫോൺ ഉപയോഗിക്കാതിരുന്നാൽ സമ്മാനത്തുക 72 ലക്ഷം
അപേക്ഷകൾ ക്ഷണിച്ചുതുടങ്ങുന്നത്. മത്സരാർത്ഥികളുടെ അപേക്ഷ എന്ന് പറയുന്നത് ട്വീറ്റർ വഴിയോ അല്ലെങ്കിൽ ഇൻസ്റ്റാഗ്രാം പോസ്റ്റ് വഴിയോ സർഗാത്മകമായി എഴുതി പോസ്റ്റ് ചെയ്യുകയാണ് ചെയ്യണ്ടത്.
ജനുവരി 8, 2019 മുതലാണ് ഈ മത്സരത്തിന് അപേക്ഷകൾ ക്ഷണിച്ചുതുടങ്ങുന്നത്. മത്സരാർത്ഥികളുടെ അപേക്ഷ എന്ന് പറയുന്നത് ട്വീറ്റർ വഴിയോ അല്ലെങ്കിൽ ഇൻസ്റ്റാഗ്രാം വഴിയോ സർഗാത്മകമായി എഴുതി പോസ്റ്റ് ചെയ്യുകയാണ് വേണ്ടത്. ഇതുവഴി തിരഞ്ഞെടുക്കപ്പെടുന്നവർക്കാണ് ഈ മത്സരത്തിൽ പങ്കെടുക്കാൻ അവസരം ലഭിക്കുക.
ഈ മത്സരത്തിൽ പങ്കെടുക്കുന്നവർ ഒരിക്കലും നാഗരികതയിൽ നിന്ന് പൂർണ്ണമായി വേർപ്പെടുകയില്ല. 1996-ൽ ലഭ്യമായി കൊണ്ടിരുന്ന ഒരു സാധാരണ സെൽഫോൺ നൽകും. ഇന്റർനെറ്റ് സംവിധാനം ഇല്ലാത്ത ഈ ഫോണിൽ നിന്ന് കോൾ ചെയ്യാൻ സാധിക്കും.
ഈ ദിനങ്ങളിൽ ഡെസ്ക്ടോപ്പ് കമ്പ്യൂട്ടർ അല്ലെങ്കിൽ ലാപ്ടോപ്പ് ഉപയോഗിക്കാൻ നൽകും. കൂടാതെ 'വോയിസ്-ആക്ടിവേറ്റഡ്' ഉപകരണങ്ങളായ ഗൂഗിൾ ഹോം അല്ലെങ്കിൽ ആമസോൺ എക്കോ നൽകും, പക്ഷെ സ്മാർട്ഫോൺ, ടാബ്ലറ്റ് എന്നിവയ്ക്കാണ് പൂർണനിരോധനം.
നിങ്ങൾക്ക് ഇതിൽ പങ്കുചേരണമെങ്കിൽ ട്വീറ്ററിലോ അല്ലെങ്കിൽ ഇൻസ്റ്റാഗ്രാമിലോ ഒരു വർഷം സ്മാർട്ഫോണില്ലാതെ എങ്ങനെ ചിലവഴിക്കും എന്ന് സർഗാത്മകമായി എഴുതി ഇങ്ങനെ #NoPhoneforaYear and #contest ഹാഷ്ടാഗോടുകൂടി പോസ്റ്റ് ചെയ്യണം.
കൂടാതെ, സ്മാർട്ട്ഫോൺ ഇല്ലാതെ 6 മാസം പിന്നിടുകയാണെങ്കിൽ കമ്പനി നൽകുന്ന മറ്റൊരു ഓഫറാണ് 7.2 ലക്ഷംരൂപ. നിബന്ധനകൾ പ്രകാരം അരവർഷം (6 മാസം) പൂർത്തിയാക്കുകയാണെങ്കിൽ മാത്രമാണ് ഈ സമ്മാനത്തുക ലഭിക്കുക.
കൊക്കക്കോള കമ്പനി അപേക്ഷകൾ സ്വികരിക്കുന്നത് മൂന്ന് കാര്യങ്ങളെ അടിസ്ഥാനപ്പെടുത്തിയാണ്: സർഗാത്മകതയിലെ മികവ്, നർമ്മബോധം, മൗലികത. എന്നിവയിൽ കൂടുതൽ മികവ് പുലത്തുന്നവർക്കാണ് ഈ മത്സരത്തിൽ പ്രവേശനം ലഭിക്കുക.
മത്സരത്തിനായി അനുവദിച്ച സമയങ്ങളിൽ സ്മാർട്ഫോൺ ഉപയോഗിച്ചിട്ടില്ല എന്നുറപ്പാക്കുന്നതിനായി മത്സരാർഥികൾക്ക് മത്സരവസാനം നുണപരിശോധനയും ഉണ്ടാകും.