ലെനോവോ തിങ്ക്ബുക്ക് 14 റൈസൺ എഡിഷൻ ലാപ്‌ടോപ്പ് ലോഞ്ച് ചെയ്തു

|

ലെനോവോയുടെ ഏറ്റവും പുതിയ ലാപ്ടോപ്പ് പുറത്തിറങ്ങി. ലെനോവോ തിങ്ക്ബുക്ക് 14 എന്ന ലാപ്ടോപ്പ് ചൈനീസ് വിപണിയിലാണ് അവതരിപ്പിച്ചത്. ഏറ്റവും പുതിയ എഎംഡി റൈസൺ 5000-സീരീസ് സിപിയുവാണ് ഈ ലാപ്ടോപ്പ് പ്രവർത്തിക്കുന്നത്. തിങ്ക്ബുക്ക് 14 റൈസൺ എഡിഷൻ പേര് സൂചിപ്പിക്കുന്നത് പോലെ 14 ഇഞ്ച് ഡിസ്പ്ലേയുമായിട്ടാണ് വരുന്നത്. ഒരൊറ്റ റാമും സ്റ്റോറേജ് കോൺഫിഗറേഷനുമായിട്ടാണ് ഈ ലാപ്ടോപ്പ് പുറത്തിറക്കിയിരിക്കുന്നത്. ലെനോവോ തിങ്ക്ബുക്ക് 14 റൈസൺ എഡിഷൻ ലാപ്‌ടോപ്പിന്റെ ഡിസ്‌പ്ലേയുടെ വശങ്ങളിൽ വളരെ മെലിഞ്ഞ ബെസലുകളാണ് ഉള്ളത്. താഴെയും മുകളിലും കട്ടിയുള്ള ബെസലുകളുണ്ട്. ഇതിലാണ് വെബ്‌ക്യാം നൽകിയിട്ടുള്ളത്.

 

ലെനോവോ തിങ്ക്ബുക്ക് 14 റൈസൺ എഡിഷൻ: വില

ലെനോവോ തിങ്ക്ബുക്ക് 14 റൈസൺ എഡിഷൻ: വില

എ‌എം‌ഡി റൈസൺ 5 + 16 ജിബി റാം + 512 ജിബി സ്റ്റോറേജ് കോൺഫിഗറേഷനിൽ മാത്രമാണ് ലെനോവോ തിങ്ക്ബുക്ക് 14 റൈസൺ എഡിഷൻ ലാപ്ടോപ്പ് ലഭ്യമാകുന്നത്. ഇതിന് സി‌എൻ‌വൈ 4,699 (ഏകദേശം 53,500 രൂപ) ആണ് വില. സിൽവർ ഗ്രേ നിറത്തിലാണ് ഈ ലാപ്ടോപ്പ് അവതരിപ്പിച്ചിരിക്കുന്നത്. നിലവിൽ ലെനോവോ ഓൺലൈൻ സ്റ്റോർ വഴിയാണ് ഈ ലാപ്ടോപ്പ് ചൈനീസ് വിപണിയിൽ വിൽപ്പനയ്ക്ക് എത്തിച്ചിരിക്കുന്നത്. ഈ ലാപ്ടോപ്പ് അന്താരാഷ്ട്ര വിപണിയിൽ എപ്പോൾ അവതരിപ്പിക്കുമെന്ന കാര്യത്തിൽ വ്യക്തത ഇല്ല.

കൂടുതൽ വായിക്കുക: കുറഞ്ഞ വിലയും മികച്ച ഫീച്ചറുകളുമായി എച്ച്പി ക്രോംബുക്ക് 11എ ലാപ്ടോപ്പ് ഇന്ത്യൻ വിപണിയിലെത്തികൂടുതൽ വായിക്കുക: കുറഞ്ഞ വിലയും മികച്ച ഫീച്ചറുകളുമായി എച്ച്പി ക്രോംബുക്ക് 11എ ലാപ്ടോപ്പ് ഇന്ത്യൻ വിപണിയിലെത്തി

ലെനോവോ തിങ്ക്ബുക്ക് 14 റൈസൺ എഡിഷൻ: സവിശേഷതകൾ
 

ലെനോവോ തിങ്ക്ബുക്ക് 14 റൈസൺ എഡിഷൻ: സവിശേഷതകൾ

വിൻഡോസ് 10 ഹോം ചൈനീസ് പതിപ്പിലാണ് ലെനോവോ തിങ്ക്ബുക്ക് 14 റൈസൺ എഡിഷൻപ്രവർത്തിക്കുന്നത്. 14 ഇഞ്ച് ഫുൾ എച്ച്ഡി (1,920x1,080 പിക്‌സൽ) എൽഇഡി ഡിസ്‌പ്ലേയാണ് ഈ ലാപ്ടോപ്പിൽ ഉള്ളത്. എസ്‌ആർ‌ജിബി കളർ സ്പേസ് 100 ശതമാനം കവറേജ്, 300 നിറ്റ്സ് പീക്ക് ബ്രൈറ്റ്നെസ്, ടി‌യുവി റൈൻ‌ലാൻഡ് സർ‌ട്ടിഫിക്കേഷൻ എന്നിവയും ഈ ഡിസ്പ്ലെയിൽ ഉണ്ട്. സിക്സ് കോറും 16 ജിബി ഡിഡിആർ 4 റാമും ഉള്ള എഎംഡി റൈസൺ 5 5500 യു സിപിയുവാണ് ഈ ലാപ്ടോപ്പിന് കരുത്ത് നൽകുന്നത്. സ്റ്റോറേജിനായി 512 ജിബി എസ്എസ്ഡിയും ഇതിൽ നൽകിയിട്ടുണ്ട്.

കണക്ടിവിറ്റി

എച്ച്ഡിഎംഐ പോർട്ട്, ഹെഡ്‌ഫോൺ കോംബോ ജാക്ക്, ഒരു കാർഡ് റീഡർ, ആർ‌ജെ 45 ഇഥർനെറ്റ് പോർട്ട്, രണ്ട് യുഎസ്ബി ടൈപ്പ്-സി പോർട്ടുകൾ, രണ്ട് യുഎസ്ബി ടൈപ്പ്-എ 3.2 ജെൻ 1 പോർട്ടുകൾ എന്നിവയാണ് ലെനോവോ തിങ്ക്ബുക്ക് 14 റൈസൺ എഡിഷൻ ലാപ്ടോപ്പിൽ നൽകിയിട്ടുള്ള കണക്ടിവിറ്റി ഓപ്ഷനുകൾ. ഇതിനൊപ്പം വൈ-ഫൈ, ബ്ലൂടൂത്ത് 5.0 കണക്റ്റിവിറ്റിയും ഈ ലാപ്ടോപ്പിൽ നൽകിയിട്ടുണ്ട്. എളുപ്പത്തിലുള്ള ഓതന്റിക്കേഷനായി ലെനോവോ തിങ്ക്ബുക്ക് 14 റൈസൺ എഡിഷനിൽ ഫിംഗർപ്രിന്റ് സ്കാനറും നൽകിയിട്ടുണ്ട്.

കൂടുതൽ വായിക്കുക: മികച്ച ഫീച്ചറുകളുമായി എംഐ നോട്ട്ബുക്ക് പ്രോ 15, എംഐ നോട്ട്ബുക്ക് പ്രോ 14 ലാപ്ടോപ്പുകൾ പുറത്തിറങ്ങികൂടുതൽ വായിക്കുക: മികച്ച ഫീച്ചറുകളുമായി എംഐ നോട്ട്ബുക്ക് പ്രോ 15, എംഐ നോട്ട്ബുക്ക് പ്രോ 14 ലാപ്ടോപ്പുകൾ പുറത്തിറങ്ങി

ലെനോവോ തിങ്ക്ബുക്ക് 14 റൈസൺ എഡിഷൻ

ലെനോവോ തിങ്ക്ബുക്ക് 14 റൈസൺ എഡിഷൻ ലാപ്ടോപ്പിന്റെ ഡിസ്പ്ലേയുടെ മുകളിൽ 720p എച്ച്ഡി വെബ്‌ക്യാമറയാണ് നൽകിയിട്ടുള്ളത്. 60Whr ബാറ്ററിയാണ് ഈ ലാപ്ടോപ്പിൽ ഉള്ളത്. ഈ ബാറ്ററി വേഗത്തിൽ ചാർജ് ചെയ്യാനായി ഫാസ്റ്റ് ചാർജിങ് സപ്പോർട്ടും നൽകിയിട്ടുണ്ട്. ഈ ഫാസ്റ്റ് ചാർജിങ് സാങ്കേതികവിദ്യ ഉപയോഗിച്ച് ഒരു മണിക്കൂറിനുള്ളിൽ 80 ശതമാനം വരെ ബാറ്ററി ചാർജ് ചെയ്യാൻ സാധിക്കുമെന്ന് ലെനോവോ അവകാശപ്പെടുന്നു. ഈ ലാപ്ടോപ്പ് ഇന്ത്യയിൽ എത്തുമോ എന്ന കാര്യത്തിൽ ഇതുവരെ വ്യക്തത ഇല്ല.

Most Read Articles
Best Mobiles in India

English summary
Lenovo's latest laptop has been released. Lenovo has introduced the Thinkbook 14 laptop in the Chinese market.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X