സ്നാപ്ഡ്രാഗൺ 730 ജി SoC പ്രോസസറുമായി ഗൂഗിൾ പിക്‌സൽ 4 എ ഇന്ത്യയിൽ അവതരിപ്പിച്ചു: വില, സവിശേഷതകൾ

| Updated: Friday, October 9, 2020, 15:30 [IST]

ഗൂഗിൾ പിക്‌സൽ 4 എ സ്മാർട്ഫോൺ ഇന്ത്യയിൽ അവതരിപ്പിച്ചു. 349 ഡോളർ (ഏകദേശം 25,500 രൂപ) വിലയുമായി ഗൂഗിൾ പിക്‌സൽ 4 എ ആഗോള വിപണിയിലെത്തിച്ചതിന് രണ്ട് മാസത്തിന് ശേഷമാണ് ഇന്ത്യയിൽ അവതരിപ്പിക്കുന്നതിനായുള്ള ഈ നീക്കം. ലോഞ്ച് പ്രഖ്യാപിക്കുന്നതിനൊപ്പം ഇന്ത്യയിലെ പിക്‌സൽ 4 എ വിലയും ഇതിനോടകം വെളിപ്പെടുത്തി കഴിഞ്ഞു. രാജ്യത്ത് പുതിയ പിക്‌സൽ ഫോണിന്റെ വിൽപ്പന തീയതിയും ഗൂഗിൾ പ്രഖ്യാപിച്ചു. പിക്‌സൽ 3 എയുടെ പിൻഗാമിയായി വരുന്ന ഈ സ്മാർട്ട്‌ഫോൺ പഞ്ച്-ഹോൾ ഡിസ്‌പ്ലേ, പിൻവശത്ത് ചതുരാകൃതിയിലുള്ള ക്യാമറ മൊഡ്യൂൾ തുടങ്ങിയ സവിശേഷതകളുമായി വരുന്നു.

ഗൂഗിൾ പിക്‌സൽ 4 എ: ഇന്ത്യയിലെ വില

ഇന്ത്യയിൽ ഗൂഗിൾ പിക്‌സൽ 4 എയുടെ സിംഗിൾ 6 ജിബി + 128 ജിബി സ്റ്റോറേജ് വേരിയന്റിന് 31,999 രൂപയാണ് വില വരുന്നത്. എന്നാൽ, ഒരു നിശ്ചിത കാലയളവിലേക്ക് കമ്പനി പ്രമോഷണൽ വിലയായ 29,999 രൂപയ്ക്ക് ഈ സ്മാർട്ട്ഫോൺ വാഗ്ദാനം ചെയ്യും. ഈ ഹാൻഡ്സെറ്റിനെ കുറിച്ചുള്ള ഏതാനും വിശദാംശങ്ങൾ നൽകുന്നതിനായി ഗൂഗിൾ രാജ്യത്ത് പിക്‌സൽ 3 എ 39,999 രൂപയ്ക്ക് പുറത്തിറക്കി. ഓൺലൈൻ വിൽപ്പന സമയത്ത് ഈ സ്മാർട്ട്ഫോൺ 29,999 രൂപയ്ക്ക് പലപ്പോഴായി വിൽപ്പനയ്ക്കെത്തും. വിവിധ യു‌എസ് സംസ്ഥാനങ്ങളിലെ വിൽ‌പന നികുതി കണക്കാക്കിയാൽ‌ പിക്‌സൽ 4 എ യുടെ ഇന്ത്യൻ വില യു‌എസ് വിലയ്ക്ക് സമാനമായിരിക്കും.

ഗൂഗിൾ പിക്‌സൽ 4 എ: ലഭ്യത വിശദാംശങ്ങൾ

ഒക്ടോബർ 16 മുതൽ ഫ്ലിപ്കാർട്ട് വഴി പിക്‌സൽ 4 എ ഇന്ത്യയിൽ വിൽപ്പനയ്‌ക്കെത്തുമെന്ന് ഗൂഗിൾ വെളിപ്പെടുത്തി. രാജ്യത്തെ സാധാരണ ഉപഭോക്താക്കൾക്കായി ഓൺലൈൻ വിപണന കേന്ദ്രം ബിഗ് ബില്യൺ ഡെയ്‌സ് സെയിൽ ആരംഭിക്കുന്നത് ഒക്ടോബർ 16നാണ്. ഒക്ടോബർ 17ന് പിക്‌സൽ 4 എ രാജ്യത്ത് വിൽപ്പനയ്‌ക്കെത്തുമെന്ന് കഴിഞ്ഞ ആഴ്ച ഗൂഗിൾ പ്രഖ്യാപിച്ചിരുന്നു.

ഗൂഗിൾ പിക്‌സൽ 4 എ: സവിശേഷതകൾ

5.81 ഇഞ്ച് ഫുൾ എച്ച്ഡി+ 1,080x2,340 പിക്‌സൽ ഒ‌എൽ‌ഇഡി ഡിസ്‌പ്ലേയാണ് ഗൂഗിൾ പിക്‌സൽ 4 എയ്ക്ക് ലഭിക്കുന്നത്. 19.5:9 ആസ്പെക്ട് റേഷ്യോയും 443 പിപിഐ പിക്‌സൽ ഡെൻസിറ്റിയും, എച്ച്ഡി സപ്പോർട്ടും ഈ ഡിസ്‌പ്ലേയിൽ വരുന്നു. 6 ജിബി LPDDR4x റാമുമായി ജോടിയാക്കിയ ഒക്ട-കോർ ക്വാൽകോം സ്നാപ്ഡ്രാഗൺ 730 ജി SoC പ്രോസസറാണ് ഈ ഹാൻഡ്‌സെറ്റിന് കരുത്തേകുന്നത്.

ഗൂഗിൾ പിക്‌സൽ 4 എ: ക്യാമറ സവിശേഷതകൾ

ഗൂഗിൾ പിക്‌സൽ 4 എയ്ക്ക് എഫ്/1.7 ലെൻസും എൽഇഡി ഫ്ലാഷ് മൊഡ്യൂളിൽ വരുന്ന 12 മെഗാപിക്സൽ ക്യാമറയാണ് ലഭിക്കുന്നത്. ഡ്യുവൽ എക്‌സ്‌പോഷർ കണ്ട്രോൾ, പോർട്രെയിറ്റ് മോഡ്, ടോപ്പ് ഷോട്ട്, നൈറ്റ് സൈറ്റ്, ഫ്യൂസ് ചെയ്ത വീഡിയോ സവിശേഷതകൾ വരുന്ന പ്രധാന ക്യാമറ എച്ച്ഡിആർ+ സപ്പോർട്ട് ചെയ്യുന്നു. മികച്ച ഫോട്ടോകളും വിഡിയോകളും പകർത്തുന്നതിനായി ഒപ്റ്റിക്കൽ ഇമേജ് സ്റ്റെബിലൈസേഷനും കമ്പനി ഈ ഡിവൈസിൽ നൽകിയിരിക്കുന്നു. സെൽഫികൾ പകർത്തുവാൻ ഫോണിന് മുൻവശത്തായി എഫ് / 2.0 ലെൻസുള്ള 8 മെഗാപിക്സൽ ക്യാമറ വരുന്നു.

ഗൂഗിൾ പിക്‌സൽ 4 എയ്ക്ക് 128 ജിബി ഓൺബോർഡ് സ്റ്റോറേജാണ് വരുന്നത്. 18W ഫാസ്റ്റ് ചാർജിംഗിനെ പിന്തുണയ്‌ക്കുന്ന 3,140എംഎഎച്ച് ബാറ്ററിയാണ് പിക്‌സൽ 4എയിൽ നൽകിയിരിക്കുന്നത്. 4ജി വോൾട്ടേ, വൈ-ഫൈ 802.11 എസി, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ ഈ ഡിവൈസിന്റെ കണക്ടിവിറ്റി ഓപ്ഷനുകളിൽ വരുന്നു. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ബാരോമീറ്റർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസറുകളും പിന്നിൽ ഫിംഗർപ്രിന്റ് സെൻസറും ഗൂഗിൾ പിക്‌സൽ 4 എയ്ക്ക് ലഭിക്കുന്നു.