ഇൻഫിനിക്സ് സീറോ 8i സ്മാർട്ട്ഫോൺ ഡിസംബർ 2ന് ഇന്ത്യൻ വിപണിയിലെത്തും

 

ഇൻഫിനിക്സ് സീറോ 8i: ഇന്ത്യയിലെ ലോഞ്ച്

ഇൻഫിനിക്സ് സീറോ 8i സ്മാർട്ട്ഫോൺ ഡിസംബർ 2ന് ഇന്ത്യൻ വിപണിയിൽ അവതരിപ്പിക്കുമെന്ന് കമ്പനി സ്ഥിരീകരിച്ചു. ഡിവൈസിന്റെ വിൽപ്പന തിയ്യതി ഇതുവരെ പ്രഖ്യാപിച്ചിട്ടില്ല. ഈ ഡിവൈസിന് പുറമേ മറ്റ് ചില പ്രൊഡക്ടുകളും കമ്പനി പുറത്തിറക്കും. ഇൻഫിനിക്സ് ആൻഡ്രോയിഡ് ടിവി, സ്‌നോക്കർ സൗണ്ട്ബാർ എന്നിവ പുറത്തിറക്കാനും കമ്പനി പദ്ധതിയിടുന്നു. ഈ ഡിവൈസുകളുമായി ബന്ധപ്പെട്ട കൂടുതൽ വിവരങ്ങൾ ഇതുവരെ പുറത്ത് വിട്ടിട്ടില്ല.

കൂടുതൽ വായിക്കുക: മോട്ടോ ജി 5ജി, മോട്ടോ ജി9 പവർ എന്നിവ വൈകാതെ ഇന്ത്യൻ വിപണിയിലെത്തും

ഇൻഫിനിക്സ് സീറോ 8i: സവിശേഷതകൾ

ഇൻഫിനിക്സ് സീറോ 8i അടുത്തിടെ ഇന്ത്യക്ക് പുറത്ത് ലോഞ്ച് ചെയ്തിരുന്നു. അതുകൊണ്ട് തന്നെ ഡിവൈസിന്റെ സവിശേഷതകളെ സംബന്ധിച്ച കാര്യങ്ങളെല്ലാം വ്യക്തമാണ്. ഒക്ടാകോർ മീഡിയടെക് ഹെലിയോ ജി90 ടി പ്രോസസറിന്റെ കരുത്തിലാണ് ഈ ഡിവൈസ് പ്രവർത്തിക്കുന്നത്. 8 ജിബി റാമും 128 ജിബി സ്റ്റോറേജുമാണ് ഈ പ്രോസസറിനൊപ്പം നൽകിയിട്ടുള്ളത്. സ്റ്റോറേജ് തികയാതെ വരുന്നവർക്ക് മൈക്രോ എസ്ഡി കാർഡിലൂടെ സ്റ്റോറേജ് എക്സ്പാൻഡ് ചെയ്യാൻ പ്രത്യേക സ്ലോട്ടും നൽകിയിട്ടുണ്ട്.

ഇൻഫിനിക്സ് സീറോ 8i സ്മാർട്ട്ഫോണിൽ 6.85 ഇഞ്ച് എൽസിഡി ഡിസ്‌പ്ലേയാണ് നൽകിയിട്ടുള്ളത്. എഫ്‌എച്ച്ഡി + റെസല്യൂഷനുള്ള ഡിസ്പ്ലെയാണ് ഇത്. ഈ ഡിസ്പ്ലെയ്ക്ക് 90Hz റിഫ്രെഷ് റേറ്റുണ്ട്. സെൽഫി ക്യാമറ സ്ഥാപിക്കാനായി പാനലിൽ ഡ്യൂവൽ പഞ്ച്-ഹോളും കമ്പനി നൽകിയിട്ടുണ്ട്. 16 എംപി പ്രൈമറി സെൽഫി ക്യാമറയും അതിനൊപ്പം 8 എംപി ക്യാമറയുമാണ് സെൽഫികൾക്കും വീഡിയോ കോളുകൾക്കുമായി കമ്പനി നൽകിയിട്ടുള്ളത്.

കൂടുതൽ വായിക്കുക: വിവോ വി 20 പ്രോ സ്മാർട്ട്ഫോൺ വൈകാതെ ഇന്ത്യയിലെത്തും, പ്രീ-ഓർഡർ ആരംഭിച്ചു

 

ഡിവൈസിന്റെ പിന്നിൽ നാല് ക്യാമറകളാണ് കമ്പനി നൽകിയിട്ടുള്ളക്. ഈ ക്വാഡ് ക്യാമറ സെറ്റപ്പിലെ പ്രമറി ക്യാമറ 48 എംപിയാണ്. ഇതിനൊപ്പം 8 എംപി അൾട്രാ-വൈഡ് ആംഗിൾ ലെൻസും രണ്ട് 2 എംപി സെൻസറുകളും നൽകിയിട്ടുണ്ട്. ആൻഡ്രോയിഡ് 10 ഒഎസിൽ പ്രവർത്തിക്കുന്ന ഹാൻഡ്‌സെറ്റിൽ എക്സ്ഒഎസ് 7 യൂസർ ഇന്റർഫേസാണ് ഉള്ളത്.

ഇൻഫിനിക്സ് സീറോ 8i സ്മാർട്ട്ഫോണിൽ സുരക്ഷയ്ക്കായി ഫിങ്കർപ്രിന്റെ സെൻസർ നൽകിയിട്ടുണ്ട്. ഈ സെൻസർ ഫോണിന്റെ വലത് വശത്താണ് നൽകിയിരിക്കുന്നത്. പവർ ബട്ടണും സെൻസറും ഒന്നുതന്നെയാണ്. യുഎസ്ബി ടൈപ്പ്-സി പോർട്ട്, ഡ്യുവൽ 4 ജി വോൾട്ട്, വൈ-ഫൈ, ബ്ലൂടൂത്ത് എന്നീ കണക്ടിവിറ്റി ഓപ്ഷനുകളാണ് ഡിവൈസിലുള്ളത്. 33W ഫാസ്റ്റ് ചാർജിംഗ് സപ്പോർട്ടുള്ള 4,500 mAh ബാറ്ററിയാണ് ഡിവൈസിലുള്ളത്.

കൂടുതൽ വായിക്കുക: മൂന്ന് പിൻക്യാമറകളും 6000 എംഎഎച്ച് ബാറ്ററിയുമായി പോക്കോ എം3 അവതരിപ്പിച്ചു