പിന്നില്‍ 3 ക്യാമറകളുമായി എല്‍ജി ഡബ്ല്യു 10 വരുന്നു; വില 15000 രൂപയില്‍ താഴെ

|

ഇന്ത്യയില്‍ ഡബ്ല്യു ശ്രേണിയില്‍ പുതിയ സ്മാര്‍ട്ട്‌ഫോണുകള്‍ പുറത്തിറക്കാനൊരുങ്ങി എല്‍ജി. താരതമ്യേന കുറഞ്ഞ വിലയാണ് ഈ സ്മാര്‍ട്ട്‌ഫോണുകളുടെ പ്രധാന ആകര്‍ഷണം. ഓണ്‍ലൈന്‍ സ്‌റ്റോറുകളില്‍ മാത്രമേ പുതിയ ശ്രേണിയിലെ ഫോണുകള്‍ ലഭിക്കൂവെന്നാണ് സൂചന. എന്നാല്‍ ഇവ എപ്പോള്‍ വിപണിയിലെത്തുമെന്ന കാര്യത്തില്‍ വ്യക്തതയില്ല. അധികം വൈകാതെ ആദ്യമോഡലായ എല്‍ജി ഡബ്ല്യു 10 പുറത്തിറങ്ങുമെന്ന് അഭ്യൂഹങ്ങളുണ്ട്.

പിന്നില്‍ 3 ക്യാമറകളുമായി എല്‍ജി ഡബ്ല്യു 10 വരുന്നു; വില 15000

 

പുറത്തിറങ്ങാന്‍ പോകുന്ന പുതിയ സ്മാര്‍ട്ട്‌ഫോണുമായി ബന്ധപ്പെട്ട കൗതുകകരമായ ചില വിവരങ്ങള്‍ ഇതിനോടകം പുറത്തുവന്നിട്ടുണ്ട്. പിന്നില്‍ മൂന്ന് ക്യാമറകള്‍ ഉണ്ടാകുമെന്ന് പറയപ്പെടുന്നു. ഇന്ത്യന്‍ സ്മാര്‍ട്ട്‌ഫോണ്‍ വിപണി അടക്കിവാഴുന്ന ചൈനീസ് ബ്രാന്‍ഡുകളോട് മത്സരിക്കാന്‍ പറ്റുന്ന വിധത്തില്‍ താരതമ്യേന കുറഞ്ഞ വിലയും പ്രതീക്ഷിക്കാം.

എല്‍ജി ഡബ്ല്യു 10-ന്റെ രൂപകല്‍പ്പനയെ കുറിച്ചുള്ള വിവരങ്ങള്‍ അടുത്തിടെ ചോര്‍ന്നിരുന്നു. പുറത്തുവന്ന ചിത്രങ്ങളില്‍ ഫോണിന്റെ ബാക്ക് പാനലാണ് ദൃശ്യമായിരിക്കുന്നത്. എല്‍ജി ലോഗോയും കാണാം. പര്‍പ്പിള്‍ നിറമുള്ള ഫോണിന്റെ പിന്‍ പാനല്‍ ഗ്ലോസി ഫിനിഷിലാണ്.

വലത് ഭാഗത്ത് മുകളില്‍ ലംബമായി സ്ഥാപിച്ചിരിക്കുന്ന മൂന്ന് ക്യാമറകളും ഫിംഗര്‍പ്രിന്റ് സെന്‍സറും ഫോണിനെ കുറിച്ചുള്ള പ്രതീക്ഷകള്‍ വാനോളമുയര്‍ത്തുന്നു. താഴ്ഭാഗത്താണ് സ്പീക്കര്‍ ഗ്രില്ലുകള്‍, ചാര്‍ജിംഗ് പോര്‍ട്ട്, 3.5 മില്ലീമീറ്റര്‍ ഹെഡ്‌ഫോണ്‍ ജാക്ക് എന്നിവയുടെ സ്ഥാനം.

എല്‍ജി ഡബ്ല്യു 10-ന്റെ ഇന്ത്യയിലെ വില

പുറത്തുവരുന്ന വിവരങ്ങള്‍ ശരിയാണെങ്കില്‍ എല്‍ജി ഡബ്ല്യു 10-ന്റെ ഇന്ത്യയിലെ വില 15000 രൂപയില്‍ താഴെയായിരിക്കും. പിന്നില്‍ മൂന്ന് ക്യാമറകളുള്ള ഫോണിനെ സംബന്ധിച്ച് ഈ വില വലിയ ആകര്‍ഷണം തന്നെയാണ്.

ഡബ്ല്യു ശ്രേണിയിലെ ഫോണുകളുടെ പേരുകള്‍ എല്‍ജി ഡബ്ല്യു 10, ഡബ്ല്യു 20, ഡബ്ല്യു 30 എന്നിങ്ങനെയായിരിക്കുമെന്ന് റിപ്പോര്‍ട്ടുകളുണ്ട്. വാട്ടര്‍ഡ്രോപ് നോച് ഡിസ്‌പ്ലേ, 4000 mAh ബാറ്ററി, 12nm മീഡിയടെക് ഹെലിയോ SoC, എല്‍ജിയുടെ ബൂംബോക്‌സ് സ്പീക്കറുകള്‍ എന്നിവയും എല്‍ജി ഡബ്ല്യു 10-ല്‍ പ്രതീക്ഷിക്കാം.

ഇന്ത്യന്‍ വിപണിയിലുള്ള എല്ലാ ബഡ്ജറ്റ് സ്മാര്‍ട്ട്‌ഫോണുകള്‍ക്കും എല്‍ജി ഡബ്ല്യു 10 കടുത്ത വെല്ലുവിളി ഉയര്‍ത്തുമെന്ന കാര്യത്തില്‍ സംശയമില്ല. പിന്നിലെ മൂന്ന് ക്യാമറകളും വിലയും തന്നെയാണ് ഇതിന്റെ ഏറ്റവും വലിയ പ്ലസ്.

Most Read Articles
Best Mobiles in India

Read more about:
English summary
LG is all set to launch a new W series comprising affordable smartphones in India. The company is expected to launch this new lineup to be available only online. While there is no clarity regarding when we can expect the launch of this lineup, it looks like the first device will be launched sometime soon. And, we have already come across several rumors and speculations regarding the same.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more