5000 എംഎഎച്ച് ബാറ്ററിയും ട്രിപ്പിൾ ക്യാമറകളുമായി മോട്ടോ ജി 8 പവർ ലൈറ്റ് പുറത്തിറങ്ങി

|

ലെനോവോയുടെ ഉടമസ്ഥതയിലുള്ള മോട്ടറോള തങ്ങളുടെ പുതിയ ബജറ്റ് സ്മാർട്ട്ഫോണായ മോട്ടോ ജി 8 പവർ ലൈറ്റ് പുറത്തിറക്കി. മോട്ടോ ജി 8 പവറിന്റെ വില കുറഞ്ഞ പതിപ്പായാണ് വരുന്ന ജി 8 പവർ ലൈറ്റ് പുറത്തിറക്കിയിരിക്കുന്നത്. 5000 എംഎഎച്ച് ബാറ്ററിയും 20: 9 ആസ്പാക്ട് റേഷിയോ ഉള്ള ഡിസ്പ്ലെയുമാണ് ഈ സ്മാർട്ട്ഫോണിന്റെ ഏറ്റവും വലിയ പ്രത്യേകത. മീഡിയടെക് ഹീലിയോ പി 35 ചിപ്‌സെറ്റ് കരുത്ത് നൽകുന്ന ഫോണിന്റെ പിൻവശത്ത് ട്രിപ്പിൾ ക്യാമറ സെറ്റപ്പും നൽകിയിട്ടുണ്ട്.

കളർ
 

രണ്ട് കളർ ഓപ്ഷനുകളിൽ മോട്ടറോള ജി 8 പവർ ലൈറ്റ് ലഭ്യമാകും. മെക്സിക്കോ, ജർമ്മനി തുടങ്ങിയ തിരഞ്ഞെടുത്ത രാജ്യങ്ങളിൽ ഈ സ്മാർട്ട്ഫോൺ ഉടൻ വിപണിയിലെത്തും. മോട്ടറോള ജി 8 പവർ ലൈറ്റ് സ്മാർട്ട്‌ഫോൺ ഇന്ത്യയിൽ എപ്പോഴാണ് അവതരിപ്പിക്കുക എന്നകാര്യം കമ്പനി ഇതുവരെ അറിയിച്ചിട്ടില്ല. എന്നാൽ വിപണിയിൽ ലഭ്യമായ മറ്റ് ബജറ്റ് ഫോണുകളെ വെല്ലുവിളിക്കുന്നതിനായി കമ്പനി ഉടൻ തന്നെ ഏഷ്യൻ ഉപഭൂഖണ്ഡത്തിൽ ഹാൻഡ്‌സെറ്റ് പുറത്തിറക്കുമെന്നാണ് പ്രതീക്ഷിക്കുന്നത്.

മോട്ടറോള മോട്ടോ ജി 8 പവർ ലൈറ്റ്: സവിശേഷതകൾ

മോട്ടറോള മോട്ടോ ജി 8 പവർ ലൈറ്റ്: സവിശേഷതകൾ

മോട്ടോ ജി 8 പവർ ലൈറ്റിന്റെ ഡിസ്പ്ലെ പരിശോധിച്ചാൽ, 6.5 ഇഞ്ച് എച്ച്ഡി + ഐപിഎസ് എൽസിഡി മാക്‌സ് വിഷൻ സ്‌ക്രീനിൽ 720 × 1600 പിക്‌സൽ റെസല്യൂഷനും 20: 9 ആസ്പാക്ട് റേഷിയോവുമുള്ള ഡിസ്പ്ലെയാണ് കമ്പനി നൽകിയിരിക്കുന്നത്. ഡിസ്‌പ്ലേയുടെ മുകൾ ഭാഗത്ത് ഒരു ടിയർഡ്രോപ്പ് നോച്ച് നൽകിയിട്ടുണ്ട്. ഈ നോച്ചിലാണ് സെൽഫി ക്യാമറ നൽകിയിട്ടുള്ളത്. ഫോണിന് 9.2 മിമി കട്ടിയും 200 ഗ്രാം ഭാരമുള്ളതുമാണ്. ജി 8 പവർ ലൈറ്റിന്റെ മറ്റൊരു പ്രധാന സവിശേഷത, ഇതിൽ സ്പ്ലാഷ് റെസിസ്റ്റന്റ് നൽകിയിട്ടുണ്ട് എന്നതാണ്.

കൂടുതൽ വായിക്കുക: 144 മെഗാപിക്സൽ പ്രൈമറി ക്യാമറയുള്ള സ്മാർട്ട്ഫോണിന്റെ പണിപ്പുരയിൽ ഷവോമി

മോട്ടോ ജി 8 പവർ

മോട്ടോ ജി 8 പവർ ലൈറ്റിന് കരുത്ത് നൽകുന്നത് 2.3 ജിഗാഹെർട്സ് ഒക്ടാകോർ സിപിയു മീഡിയടെക് ഹീലിയോ പി 35 ആണ്. 4 ജിബി റാമും 64 ജിബി ഓൺബോർഡ് സ്റ്റോറേജുമുള്ള ഒറ്റ വേരിയന്റിൽ മാത്രമേ ഫോൺ ലഭ്യമാവുകയുള്ളു. ആവശ്യമുള്ള ഉപയോക്താക്കൾക്ക് സ്റ്റോറേജ് വർദ്ധിപ്പിക്കുന്നതിനായി കമ്പനി ഒരു ഹൈബ്രിഡ് മൈക്രോ എസ്ഡി കാർഡ് സ്ലോട്ട് കൂടി ഫോണിൽ നൽകിയിട്ടുണ്ട്.

കണക്റ്റിവിറ്റി
 

കണക്റ്റിവിറ്റി ഓപ്ഷനുകൾ പരിശോധിച്ചാൽ ഡ്യുവൽ 4 ജി, വോൾടിഇ, വൈ-ഫൈ 802.11 ബി / ജി / എൻ, ബ്ലൂടൂത്ത് 4.2, ജിപിഎസ്, മൈക്രോ യുഎസ്ബി പോർട്ട് എന്നിവ ഫോണിൽ നൽകിയിട്ടുണ്ട്. ആൻഡ്രോയിഡ് 10ലാണ് ഈ ഫോൺ പ്രവർത്തിക്കുന്നത്. 5000 എംഎഎച്ച് ബാറ്ററിയാണ് ഫോണിലുള്ളത്. റീട്ടെയിൽ ബോക്‌സിനുള്ളിൽ 10 വാൾട്ട് ചാർജർ നൽകുന്നുണ്ട്. ഫോണിന് ഫാസ്റ്റ് ചാർജിംഗ് സപ്പോർട്ട് ഇല്ല. സ്മാർട്ട്‌ഫോണിന്റെ പിൻവശത്ത് ഫിംഗർപ്രിന്റ് സ്‌കാനർ നൽകിയിട്ടുണ്ട്.

മോട്ടറോള

മോട്ടറോള ഒരു ട്രിപ്പിൾ ക്യാമറ സെറ്റപ്പാണ് മോട്ടോ ജി 8 പവർ ലൈറ്റിൽ നൽകിയിട്ടുള്ളത്. അതിൽ എഫ് / 2.0 അപ്പേർച്ചറുള്ള 16 എംപി പ്രൈമറി ഷൂട്ടർ, എഫ് / 2.4 അപ്പേർച്ചറുള്ള 2 എംപി മാക്രോ ലെൻസ്, എഫ് / 2.4 അപ്പേർച്ചറുള്ള 2 എംപി ഡെപ്ത് സെൻസർ എന്നിവ ഉൾപ്പെടുന്നു. ഫോണിന്റെ മുൻവശത്ത് 8 എംപി സെൽഫി ക്യാമറയാണ് നൽകിയിട്ടുള്ളത്.

കൂടുതൽ വായിക്കുക: ഓപ്പോ റെനോ 5 സീരിസ് മെയ് മാസം പുറത്തിറക്കും

യൂറോ

മോട്ടോ ജി 8 പവർ ലൈറ്റ് ഉടൻ തന്നെ മെക്സിക്കോയിലും ജർമ്മനിയിലും വിൽപ്പനയ്ക്കെത്തും. 169 യൂറോ (ഏകദേശം 14,200 രൂപ) വിലയിലാണ് ഫോൺ ലഭ്യമാവുക. അധികം വൈകാതെ ഈ സ്മാർട്ട്ഫോൺ മറ്റ് യൂറോപ്യൻ വിപണികളിലും ഏഷ്യയിലും വൈകാതെ എത്തും. ഇന്ത്യയിൽ ബജറ്റ് സ്മാർട്ട്ഫോണുകൾക്ക് ഉപയോക്താക്കൾ ഏറെ ആയതിനാൽ തന്നെ മോട്ടറോള ഈ സ്മാർട്ട്ഫോൺ വൈകാതെ ഇന്ത്യൻ വിപണിയിൽ എത്തിക്കും.

Most Read Articles
Best Mobiles in India

English summary
Lenovo-owned Motorola just launched a budget smartphone dubbed as the Moto G8 Power Lite. Coming as a watered-down version of the Moto G8 Power, the G8 Power Lite features a 5000mAh battery and 20:9 aspect ratio. Among other things, the phone has MediaTek Helio P35 chipset underneath and also packs triple camera setup on the rear side.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more
X