റിയൽ‌മി നാർ‌സോ 20പ്രോ സ്മാർട്ട്ഫോണിന്റെ ആദ്യ വിൽപ്പന ഇന്ന്; വിലയും ഓഫറുകളും

|

റിയൽ‌മി തങ്ങളുടെ നാർസോ സീരിസിൽ പുതിയ സ്മാർട്ട്ഫോണുകൾ പുറത്തിറക്കിയത് കുറച്ച് ദിവസം മുമ്പാണ്. നാർസോ 20 സീരിസ് സ്മാർട്ട്ഫോണുകളിൽ നാർസോ 20, നാർസോ 20എ, നാർസോ 20 പ്രോ എന്നീ ഡിവൈസുകളാണ് ഉള്ളത്. ഈ സ്മാർട്ട്ഫോണുകളിൽ ഏറ്റവും മികച്ച സവിശേഷതകൾ ഉള്ള ഡിവൈസ് നാർസോ 20 പ്രോയാണ്. ഈ ഡിവൈസിന്റെ ആദ്യ വിൽപ്പന ഇന്ന് ഉച്ചയ്ക്ക് നടക്കും. ഉച്ചയ്ക്ക് 12 മണിക്ക് റിയൽമി.കോം, ഫ്ലിപ്പ്കാർട്ട് എന്നിവ വഴിയാണ് ഡിവൈസിന്റെ വിൽപ്പന നടക്കുന്നത്.

റിയൽ‌മി നാർ‌സോ 20പ്രോ: വിലയും ലഭ്യതയും
 

റിയൽ‌മി നാർ‌സോ 20പ്രോ: വിലയും ലഭ്യതയും

റിയൽ‌മി നാർ‌സോ 20പ്രോ സ്മാർട്ട്ഫോൺ രണ്ട് സ്റ്റോറേജ് വേരിയന്റുകളിൽ ലഭ്യമാകും. ഈ സ്മാർട്ട്ഫോണിന്റെ 6 ജിബി റാമും 64 ജിബി സ്റ്റോറേജുമുള്ള ബേസ് വേരിയന്റിന് 14,999 രൂപയാണ് വില. 8 ജിബി റാമും 128 ജിബി സ്റ്റോറേജുമുള്ള വേരിയന്റിന് 16,999 രൂപയാണ് വില. ബ്ലാക്ക് നിൻജ, വൈറ്റ് നൈറ്റ് എന്നീ രണ്ട് കളർ വേരിയന്റുകളിൽ ഈ സ്മാർട്ട്ഫോൺ വിൽപ്പനയ്ക്കെത്തും. ഇന്ന് ഉച്ചയ്ക്ക് 12 മണിക്ക് ഫ്ലിപ്പ്കാർട്ട് വഴിയാണ് ഈ സ്മാർട്ട്ഫോണിന്റെ വിൽപ്പന നടക്കുന്നത്.

കൂടുതൽ വായിക്കുക: ഗൂഗിൾ പിക്സൽ 5, പിക്സൽ 4എ 5ജി സ്മാർട്ട്ഫോണുകൾ സെപ്റ്റംബർ 30ന് പുറത്തിറങ്ങും

ഓഫറുകൾ

ഫ്ലിപ്പ്കാർട്ട് കൂടാതെ റിയൽ‌മി.കോം, തിരഞ്ഞെടുത്ത ഓഫ്‌ലൈൻ സ്റ്റോറുകൾ എന്നിവ വഴിയും നാർസോ 20 പ്രോ വിൽപ്പനയ്ക്കെത്തും. 'ഹാൻഡ്‌സെറ്റ് വാങ്ങുന്നവർക്കായി ഇ-കൊമേഴ്‌സ് സൈറ്റിൽ നോട്ടിഫൈ മി' ഓപ്ഷൻ വന്നിട്ടുണ്ട്. ഫ്ലിപ്പ്കാർട്ടിലൂടെ സ്മാർട്ട്ഫോൺ വാങ്ങുമ്പോൾ ആക്സിസ് ബാങ്ക് ബസ്സ് ക്രെഡിറ്റ് കാർഡിൽ അഞ്ച് ശതമാനം കിഴിവും ഉപഭോക്താക്കൾക്ക് ലഭിക്കും. ഡിവൈസ് സ്വന്തമാക്കാനായി ഉപഭോക്താക്കൾക്ക് നോ-കോസ്റ്റ് ഇഎംഐ ഓപ്ഷനും ലഭ്യമാണ്.

റിയൽ‌മി നാർ‌സോ 20പ്രോ: സവിശേഷതകൾ

റിയൽ‌മി നാർ‌സോ 20പ്രോ: സവിശേഷതകൾ

6.5 ഇഞ്ച് ഫുൾ എച്ച്ഡി+ (1080 x 2,400 പിക്‌സൽ) ഡിസ്പ്ലെയാണ് നാർസോ 20പ്രോ സ്മാർട്ട്ഫോണിൽ ഉള്ളത്. ഈ ഡിസ്പ്ലെയ്ക്ക് 20: 9 അസ്പാക്ട് റേഷിയോ ആണ് ഉള്ളക്. ഇതൊരു അൾട്രാ സ്മൂത്ത് ഡിസ്‌പ്ലേയാണ്. ഈ ഡിസ്പ്ലേയ്ക്ക് 90 ഹെർട്സ് റിഫ്രഷ് റേറ്റും കോർണിംഗ് ഗോറില്ല ഗ്ലാസ് പ്രോട്ടക്ഷനും ഉണ്ട്. 8 ജിബി വരെ എൽപിഡിഡിആർ 4 എക്സ് റാമിനൊപ്പം ഒക്ടാ കോർ മീഡിയടെക് ഹീലിയോ ജി 95 എസ്ഒസിയാണ് ഈ സ്മാർട്ട്ഫോണിന് കരുത്ത് നൽകുന്നത്. മികച്ച ഗെയിമിങ് അനുഭവം നൽകുന്ന ഡിവൈസാണ് ഇത്.

കൂടുതൽ വായിക്കുക: വൺപ്ലസ് 8ടി പുറത്തിറങ്ങുക 65W വാർപ്പ് ചാർജ് സപ്പോർട്ടുമായി

റിയൽ‌മി നാർ‌സോ 20പ്രോ: ക്യാമറ
 

റിയൽ‌മി നാർ‌സോ 20പ്രോ: ക്യാമറ

48 എംപി പ്രൈമറി സെൻസർ, 8 എംപി അൾട്രാ-വൈഡ് ആംഗിൾ ലെൻസ്, രണ്ട് 2 എംപി മോണോക്രോം, മാക്രോ ലെൻസ് എന്നിവ ഉൾപ്പെടുന്ന ക്വാഡ് ക്യാമറ സെറ്റപ്പാണ് റിയൽമി നാർസോ 20പ്രോയിൽ കമ്പനി നൽകിയിട്ടുള്ളത്. സെൽഫികൾക്കും വീഡിയോ കോളിങിനുമായി 16 എംപി സോണി ഐഎംഎക്സ് 471 സെൽഫി ക്യാമറയും ഈ ഡിവൈസിൽ ഉണ്ട്. എഐ ബ്യൂട്ടി, ഫ്രണ്ട് പനോരമ, ഫ്ലിപ്പ് സെൽഫി, നൈറ്റ്സ്കേപ്പ്, പോർട്രെയിറ്റ് മോഡ് എന്നിവയാണ് ക്യാമറ സെറ്റപ്പിലെ സവിശേഷതകൾ.

റിയൽ‌മി നാർ‌സോ 20പ്രോ: ബാറ്ററി

റിയൽ‌മി നാർ‌സോ 20പ്രോ: ബാറ്ററി

നാർസോ 20 പ്രോ സ്മാർട്ട്ഫോണിൽ സ്റ്റോറേജ് 256 ജിബി വരെ എക്സ്പാൻഡ് ചെയ്യാനായി മൈക്രോ എസ്ഡി കാർഡ് സ്ലോട്ടും കമ്പനി നൽകിയിട്ടുണ്ട്. കട്ടിംഗ് എഡ്ജ് കൂളിംഗ് സിസ്റ്റവുമായിട്ടാണ് ഈ സ്മാർട്ട്ഫോൺ അവതരിപ്പിച്ചിട്ടുള്ളത്. ആൻഡ്രോയിഡ് 10ൽ പ്രവർത്തിക്കുന്ന ഡിവൈസിൽ 4,500 എംഎഎച്ച് ബാറ്ററിയാണ് ഉള്ളത്. ഈ ബാറ്ററി വേഗത്തിൽ ചാർജ് ചെയ്യാനായി 65W ഫാസ്റ്റ് ചാർജിങ് സപ്പോർട്ടും ഡിവൈസിൽ നൽകിയിട്ടുണ്ട്. വെറും 38 മിനിറ്റിനുള്ളിൽ ബാറ്ററി മുഴുവനായും ചാർജ് ചെയ്യാൻ ഈ സാങ്കേതികവിദ്യ സഹായിക്കും.

കൂടുതൽ വായിക്കുക: സാംസങിന്റെ വില കുറഞ്ഞ ഫ്ലാഗ്ഷിപ്പ് സ്മാർട്ട്ഫോണായ ഗാലക്‌സി എസ്20 എഫ്ഇ പുറത്തിറങ്ങി

Most Read Articles
Best Mobiles in India

English summary
The first sale of the Realme Narzo 20 Pro smartphone will take place today at 12 noon. Sales are made through Flipkart and Realme.com.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X