6000 എംഎഎച്ച് ബാറ്ററിയുള്ള റെഡ്മി 10 പ്രൈം സ്മാർട്ഫോൺ ഇന്ത്യയിൽ അവതരിപ്പിച്ചു

|

ഷവോമി തങ്ങളുടെ പുതിയ സ്മാർട്ട്‌ഫോൺ റെഡ്മി 10 പ്രൈം ഇന്ത്യയിൽ അവതരിപ്പിച്ചു. കമ്പനിയുടെ പുതിയ ടിഡബ്ള്യഎസ് റെഡ്മി ഇയർബഡ്സ് 3 പ്രോയ്‌ക്കൊപ്പം ഒരു ഓൺലൈൻ ഇവന്റിലാണ് ഈ പുതിയ സ്മാർട്ട്ഫോൺ അവതരിപ്പിച്ചത്. റെഡ്മി നോട്ട് 10 ന് ശേഷം വരുന്നതാണ് ഇപ്പോൾ അവതരിപ്പിച്ചിരിക്കുന്ന റെഡ്മി 10 പ്രൈം. 90 ഹെർട്സ് ഡിസ്പ്ലേ, 6000 എംഎഎച്ച് ബാറ്ററി തുടങ്ങിയ പ്രധാനപ്പെട്ട സവിശേഷതകളുമായി വരുന്ന ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത് മീഡിയടെക് ഹീലിയോ ജി 88 പ്രോസസറാണ്. ഇന്ത്യയിൽ ഈ ചിപ്സെറ്റിൽ അവതരിപ്പിക്കുന്ന ആദ്യത്തെ സ്മാർട്ഫോൺ കൂടിയാണ് റെഡ്മി 10 പ്രൈം എന്ന കാര്യം എടുത്തുപറയേണ്ടതുണ്ട്.

 

6000 എംഎഎച്ച് ബാറ്ററിയുള്ള റെഡ്മി 10 പ്രൈം സ്മാർട്ഫോൺ ഇന്ത്യയിൽ അവതരിപ്പിച്ചു

12,499 രൂപ മുതൽ വിലയാരംഭിക്കുന്ന രണ്ട് റാം വേരിയന്റുകളിലാണ് ഈ സ്മാർട്ട്‌ഫോൺ രാജ്യത്ത് അവതരിപ്പിച്ചത്. റെഡ്മി 10 പ്രൈം അടുത്തിടെ ആഗോള വിപണികളിൽ അവതരിപ്പിച്ച റെഡ്മി 10 ൻറെ റീബ്രാൻഡഡ് വേരിയന്റാണ്. എന്നാൽ, ഈ സ്മാർട്ട്ഫോണിൻറെ ഇന്ത്യൻ വേരിയന്റ് ഗ്ലോബൽ വേരിയന്റിലെ 5000 എംഎഎച്ച് ബാറ്ററിയെക്കാൾ മറ്റൊരു വലിയ 6000 എംഎഎച്ച് ബാറ്ററിയുമായി വരുന്നു.

ഇന്ത്യയിൽ റെഡ്മി 10 പ്രൈം സ്മാർട്ഫോണിൻറെ വിലയും ഓഫറുകളും

ഇന്ത്യയിൽ റെഡ്മി 10 പ്രൈം സ്മാർട്ഫോണിൻറെ വിലയും ഓഫറുകളും

റെഡ്മി 10 പ്രൈമിൻറെ 4 ജിബി റാമും 64 ജിബി സ്റ്റോറേജുമുള്ള ബേസിക് വേരിയന്റിന് ഇന്ത്യയിൽ 12,499 രൂപ മുതൽ വില ആരംഭിക്കുന്നു. മൈക്രോ എസ്ഡി കാർഡ് ഉപയോഗിച്ച് ഈ വേരിയന്റിലെ ഇന്റേണൽ സ്റ്റോറേജ് 1 ടിബി വരെ എക്സ്പാൻഡ് ചെയ്യാനാകും. ഈ സ്മാർട്ട്ഫോണിൻറെ 6 ജിബി റാമും 128 ജിബി സ്റ്റോറേജ് മോഡലിന് 14,499 രൂപയാണ് വില വരുന്നത്. ഈ മോഡലിലെ സ്റ്റോറേജ് 2 ടിബിയായി എക്സ്പാൻഡ് ചെയ്യുവാൻ സാധിക്കും. എച്ച്ഡിഎഫ്സി ബാങ്ക് ക്രെഡിറ്റ് കാർഡുകളും ഇഎംഐയും ഉപയോഗിച്ച് ഉപഭോക്താക്കൾക്ക് 750 രൂപ കിഴിവ് ലഭിക്കും. എംഐ.കോം, ആമസോൺ ഇന്ത്യ, ഓഫ്‌ലൈൻ റീട്ടെയിലർമാർ തുടങ്ങിയ പ്ലാറ്റ്‌ഫോമുകളിൽ നിന്ന് സെപ്റ്റംബർ 7 മുതൽ ഈ സ്മാർട്ട്ഫോൺ വിൽപ്പനയ്‌ക്കെത്തും.

റെഡ്മി 10 പ്രൈം സ്മാർട്ഫോണിൻറെ സവിശേഷതകളും പ്രത്യകതകളും
 

റെഡ്മി 10 പ്രൈം സ്മാർട്ഫോണിൻറെ സവിശേഷതകളും പ്രത്യകതകളും

ഒരു പോളികാർബണേറ്റ് റിയർ പാനലുള്ള റെഡ്മി 10 പ്രൈമിന് 192 ഗ്രാം ഭാരവുമുണ്ട്. 90 ഹെർട്സ് റിഫ്രഷ് റേറ്റിനെ സപ്പോർട്ട് ചെയ്യുന്ന 6.5 ഇഞ്ച് ഫുൾ എച്ച്‌ഡി+ ഡിസ്പ്ലേയാണ് ഈ സ്മാർട്ട്‌ഫോണിൽ നൽകിയിട്ടുള്ളത്. ഇത് ഒരു അഡാപ്റ്റീവ് ഡിസ്പ്ലേയാണ്, അതായത് സ്ക്രീനിൽ പ്ലേ ചെയ്യുന്നതിനെ ആശ്രയിച്ച് വ്യത്യസ്തമായ റിഫ്രഷ് റേറ്റുകളിലേക്ക് മാറാൻ കഴിയും. കോർണിംഗ് ഗൊറില്ല ഗ്ലാസ് 3 ഈ സ്മാർട്ട്ഫോണിൻറെ സുരക്ഷയ്ക്കായി നൽകിയിട്ടുണ്ട്.

6000 എംഎഎച്ച് ബാറ്ററിയുള്ള റെഡ്മി 10 പ്രൈം സ്മാർട്ഫോൺ ഇന്ത്യയിൽ അവതരിപ്പിച്ചു

മീഡിയടെക് ഹീലിയോ ജി 88 SoC പ്രോസസറാണ് റെഡ്മി 10 പ്രൈം സ്മാർട്ഫോണിന് കരുത്തേകുന്നത്. നിങ്ങൾക്ക് 6 ജിബി റാം വരെയുള്ള ഓപ്ഷൻ തിരഞ്ഞെടുക്കാനും, അതേസമയം സ്റ്റോറേജ് 2 ടിബി വരെ എക്സ്പാൻഡ് ചെയ്യുവാനും സാധിക്കുന്നതാണ്. ഓഡിയോയ്ക്കായി ഡ്യുവൽ സ്പീക്കർ സംവിധാനം ഷവോമി ഇവിടെ ഉപയോഗപ്പെടുത്തിയിട്ടുണ്ട്. ആൻഡ്രോയിഡ് 11 അടിസ്ഥാനമാക്കിയുള്ള എംഐയുഐ 12.5 ലാണ് ഈ സ്മാർട്ട്ഫോൺ പ്രവർത്തിക്കുന്നത്. 18W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 6000 എംഎഎച്ച് ബാറ്ററിയാണ് റെഡ്മി 10 പ്രൈമിൽ നൽകിയിട്ടുള്ളത്. എന്നാൽ, 22.5W ഫാസ്റ്റ് ചാർജറുമായി ഷവോമി ഈ സ്മാർട്ട്ഫോൺ നൽകുന്നു. 9W റിവേഴ്സ് വയർഡ് ചാർജിംഗും ഈ ഹാൻഡ്‌സെറ്റ് സപ്പോർട്ട് ചെയ്യുന്നുണ്ട്.

Most Read Articles
Best Mobiles in India

English summary
The smartphone was unveiled alongside the company's new TWS Redmi Earbuds 3 Pro during an online event. The Redmi 10 Prime falls below the Redmi Note 10 and brings features such a 90Hz display and a 6000mAh battery to a more affordable price point.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X