ബിഐഎസ് സർട്ടിഫിക്കറ്റ് നേടിയ സാംസങ് ഗാലക്‌സി എ 12 സ്മാർട്ഫോൺ ഉടൻ ഇന്ത്യയിൽ അവതരിപ്പിക്കും

 

സാംസങ് ഗാലക്‌സി എ 12 ലോഞ്ച് ഇന്ത്യയിൽ

സാംസങ് ഗാലക്‌സി എ 12 സ്മാർട്ഫോണിന് ഇന്ത്യയിലെ ബിഐഎസ് (ബ്യൂറോ ഓഫ് ഇന്ത്യൻ സ്റ്റാൻഡേർഡ്സ്) വഴി സർട്ടിഫിക്കേഷൻ ലഭിച്ചു. എസ്എം-എ 125 എഫ് മോഡൽ നമ്പറുമായാണ് ഈ ഹാൻഡ്‌സെറ്റ് സർട്ടിഫിക്കേഷൻ നേടിയത്. ഇതിന് മുമ്പ്‌ ഒന്നിലധികം സർ‌ട്ടിഫിക്കേഷനുകൾ‌ ലഭിച്ച അതേ മോഡൽ‌ നമ്പറിൽ തന്നെയാണ് ഇത് വരുന്നത്. ഈ സ്മാർട്ഫോൺ ഇതിനകം കമ്പനി പ്രഖ്യാപിച്ചിട്ടുണ്ടെന്നത് എടുത്തുപറയേണ്ട ഒരു കാര്യം തന്നെയാണ്.

എന്നാൽ, അതിന്റെ വിലയും ലഭ്യത വിശദാംശങ്ങളും കമ്പനി ഇതുവരെ പ്രഖ്യാപിച്ചിട്ടില്ല. ഗാലക്‌സി എ 12 ഹാൻഡ്‌സെറ്റിൻറെ ലോഞ്ചുമായി ബന്ധപ്പെട്ട വിശദാംശങ്ങൾ കമ്പനി ഇതുവരെ ഔദ്യോഗികമായി സ്ഥിരീകരിച്ചിട്ടില്ല. പക്ഷെ, ബിഐഎസ് സർട്ടിഫിക്കേഷൻ ലഭിച്ച ഈ ഹാൻഡ്‌സെറ്റ് വരും ദിവസങ്ങളിൽ രാജ്യത്ത് എത്തുന്നതിന്റെ സൂചനയാണ് കാണിക്കുന്നത്. കൂടാതെ, ഗാലക്സി എ 12 ബെഞ്ച്മാർക്ക് വെബ്‌സൈറ്റായ ഗീക്ക്ബെഞ്ചിലും ഉണ്ടായിരുന്നു.

ബെഞ്ച്മാർക്ക് ഡാറ്റാബേസിൽ പട്ടികപ്പെടുത്തിയിരിക്കുന്ന ഈ മോഡൽ നമ്പർ ബിഐഎസ് വെബ്‌സൈറ്റിന് തുല്യമാണ്. അതായത് SM-A125F. മീഡിയടെക് ഹീലിയോ പി 35 പ്രോസസറായിരിക്കും ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. സാംസങ് ഗാലക്‌സി എ 02 സ്മാർട്ഫോണിനൊപ്പം 2020 നവംബറിൽ ഇത് പ്രഖ്യാപിച്ചിരുന്നു. വാട്ടർ ഡ്രോപ്പ് ശൈലിയിലുള്ള 6.5 ഇഞ്ച് എച്ച്ഡി + ഡിസ്‌പ്ലേയാണ് ഇതിൻറെ പ്രധാനപ്പെട്ട സവിശേഷതകളിൽ ഒന്ന്.

 

സെൽഫികൾക്കും വീഡിയോ കോളുകൾക്കുമായി 8 എംപി ക്യാമറയാണ് നോച്ചിലുള്ളത്. 48 എംപി പ്രൈമറി സെൻസർ, 5 എംപി അൾട്രാ വൈഡ് ആംഗിൾ സെൻസർ, ഒരു ജോഡി 2 എംപി സെൻസറുകൾ എന്നിവയുൾപ്പെടെ ഹാൻഡ്‌സെറ്റിൻറെ പുറകിൽ നാല് ക്യാമറകളാണ് വരുന്നത്. 6 ജിബി റാമും 128 ജിബി സ്റ്റോറേജും വരുന്ന ഇതിൻറെ വേരിയന്റ് ലഭ്യമാകും. 15W ഫാസ്റ്റ് ചാർജിംഗുള്ള 5,000 എംഎഎച്ച് ബാറ്ററി യൂണിറ്റായിരിക്കും ഇതിൽ വരുന്നത്.