ഡ്യൂവൽ പിൻ ക്യാമറ വരുന്ന വിവോ വൈ 12 എസ് ഇന്ത്യയിൽ അവതരിപ്പിച്ചു: വില, സവിശേഷതകൾ

| Published: Tuesday, January 12, 2021, 16:13 [IST]

ഡ്യുവൽ റിയർ ക്യാമറകളും 5,000 എംഎഎച്ച് ബാറ്ററിയുമായി വരുന്ന വിവോ വൈ 12 എസ് (Vivo Y12s) സ്മാർട്ഫോൺ ഇന്ത്യയിൽ അവതരിപ്പിച്ചു. വാട്ടർഡ്രോപ്പ്-സ്റ്റൈൽ ഡിസ്‌പ്ലേ നോച്ചിലാണ് ഈ പുതിയ വിവോ സ്മാർട്ട്ഫോൺ വരുന്നത്. നിങ്ങൾക്ക് തിരഞ്ഞെടുക്കുവാൻ വിവോ രണ്ട് വ്യത്യസ്ത കളർ ഓപ്ഷനുകളിൽ വിപണിയിൽ വിവോ അവതരിപ്പിച്ചിട്ടുണ്ട്. 3 ജിബി റാം, 13 മെഗാപിക്സൽ പ്രൈമറി ക്യാമറ, ഫൺടച്ച് ഒഎസ് 11 എന്നിവയാണ് വിവോ വൈ 12 എസിൻറെ മറ്റ് പ്രധാന സവിശേഷതകൾ. റെഡ്മി 9 പ്രൈം, റിയൽ‌മി നർസോ 10, സാംസങ് ഗാലക്‌സി എം 11 തുടങ്ങിയ സ്മാർട്ഫോണുകളുമായി ഈ പുതിയ സ്മാർട്ട്‌ഫോൺ വിപണിയിൽ മത്സരിക്കുന്നു. കഴിഞ്ഞ വർഷം ജൂണിൽ ഇന്ത്യയിൽ അവതരിപ്പിച്ച വിവോ വൈ 12യെക്കാൾ ഇതിന് അൽപ്പം വില കൂടുതലാണ്.

വിവോ വൈ 12 എസ്: ഇന്ത്യയിലെ വില

ഇന്ത്യയിൽ വിവോ വൈ 12 സിംഗിൾ 3 ജിബി + 32 ജിബി സ്റ്റോറേജ് വേരിയന്റിന് 9,990 രൂപയാണ് വില വരുന്നത്. ഫാന്റം ബ്ലാക്ക്, ഗ്ലേസിയർ ബ്ലൂ കളർ ഓപ്ഷനുകളിൽ ഈ സ്മാർട്ട്‌ഫോൺ നിങ്ങൾക്ക് വിപണിയിൽ നിന്നും ലഭിക്കും. വിവോ ഇന്ത്യയുടെ ഓൺലൈൻ സ്റ്റോർ, ആമസോൺ, ഫ്ലിപ്കാർട്ട്, പേടിഎം, ടാറ്റ ക്ലിക്ക്, കൂടാതെ രാജ്യത്തെ എല്ലാ പങ്കാളി റീട്ടെയിൽ സ്റ്റോറുകൾ വഴിയും ഇത് നിങ്ങൾക്ക് സ്വന്തമാക്കാവുന്നതാണ്.

വിവോ വൈ 12 എസ്: സവിശേഷതകൾ

ഡ്യുവൽ നാനോ സിം വരുന്ന വിവോ വൈ 12 എസ് ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. 6.51 ഇഞ്ച് എച്ച്ഡി + (720x1,600 പിക്‌സൽ) ഐപിഎസ് ഡിസ്‌പ്ലേ 20: 9 ആസ്പെക്റ്റ് റേഷിയോ വരുന്നു. ഈ ഹാൻഡ്‌സെറ്റിന് 3 ജിബി റാമിനൊപ്പം വരുന്ന ഒക്ടാകോർ മീഡിയടെക് ഹെലിയോ പി 35 SoC പ്രോസസറാണ് കരുത്തേകുന്നത്.

വിവോ വൈ 12 എസ്: ക്യാമറ സവിശേഷതകൾ

വിവോ വൈ 12 എസിൽ ഡ്യുവൽ റിയർ ക്യാമറ സെറ്റപ്പാണ് വരുന്നത്. ഇതിൽ എഫ് / 2.2 ലെൻസ് വരുന്ന 13 മെഗാപിക്സൽ പ്രൈമറി സെൻസറും എഫ് / 2.4 ലെൻസ് വരുന്ന 2 മെഗാപിക്സൽ സെക്കൻഡറി സെൻസറും ഉണ്ട്. ഈ സ്മാർട്ട്ഫോണിൻറെ മുൻവശത്ത് ഒരു എഫ് / 1.8 ലെൻസുള്ള 8 മെഗാപിക്സൽ സ്നാപ്പർ സെൽഫികൾക്കും വീഡിയോ ചാറ്റുകൾക്കുമായി നൽകിയിരിക്കുന്നു.

ഒക്ടാകോർ മീഡിയടെക് ഹെലിയോ പി 35 SoC പ്രോസസർ

മൈക്രോ എസ്ഡി കാർഡ് വഴി എക്സ്പാൻഡ് ചെയ്യാവുന്ന 32 ജിബി ഓൺബോർഡ് സ്റ്റോറേജാണ് വിവോ വൈ 12 എസിൽ വരുന്നത്. 4 ജി എൽടിഇ, വൈ-ഫൈ, ബ്ലൂടൂത്ത് 5.0, ജിപിഎസ് / എ-ജിപിഎസ്, എഫ്എം റേഡിയോ, മൈക്രോ-യുഎസ്ബി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ് സെൻസർ, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. ഒരു വശത്ത് ഫിംഗർപ്രിന്റ് സെൻസറും നൽകിയിരിക്കുന്നു. 5,000 എംഎഎച്ച് ബാറ്ററി വരുന്ന വിവോ വൈ 12 സ്മാർട്ട്ഫോൺ 10W ചാർജിംഗിനെ സപ്പോർട്ട് ചെയ്യുന്നു. 191 ഗ്രാം ഭാരമാണ് ഈ സ്മാർട്ഫോണിന് വരുന്നത്.