ഷവോമി റെഡ്മി നോട്ട് 8ന് ഇന്ത്യയിൽ വീണ്ടും വില വർധിച്ചു; പുതിയ വിലയും സവിശേഷതകളും

|

ഷവോമി ഈ വർഷം നിരവധി സ്മാർട്ട്‌ഫോണുകളുടെ വില വർദ്ധിപ്പിച്ചിട്ടുണ്ട്. ഇന്ത്യയിലെ ജിഎസ്ടി നിരക്കുകൾ പുതുക്കിയതിനാലാണ് ഏപ്രിൽ മുതൽ വില വർധനവുകൾ ഉണ്ടായത്. ഇത്തരത്തിൽ വില വർധിച്ച ബജറ്റ് സ്മാർട്ട്ഫോണുകളിലൊന്നാണ് റെഡ്മി നോട്ട് 8. കഴിഞ്ഞ വർഷം ലോഞ്ച് ചെയ്ത ഈ ഡിവൈസ് രാജ്യത്തെ ജനപ്രിയ ബജറ്റ് സ്മാർട്ട്‌ഫോണുകളിൽ ഒന്നാണ്. ഷവോമി ഈ മോഡലിന്റെ വില വീണ്ടും വർധിപ്പിച്ചു.

റെഡ്മി നോട്ട് 8 പ്രോ: പുതിയ വില
 

റെഡ്മി നോട്ട് 8 പ്രോ: പുതിയ വില

റെഡ്മി നോട്ട് 8 ന്റെ അടിസ്ഥാന വേരിയന്റായ 4 ജിബി റാമും 128 ജിബി സ്റ്റോറേജ് കോൺഫിഗറേഷനുമുള്ള വേരിയന്റിന് ഷവോമി 500 രൂപയാണ് വർധിപ്പിച്ചിരിക്കുന്നത്. ഇനി മുതൽ ഈ ഡിവൈസ് 12,499 രൂപയ്ക്കാണ് വിൽപ്പന നടത്തുന്നത്. നേരത്തെ ഈ ഡിവൈസിന്റെ വില 11,999 രൂപയായിരുന്നു. പുതിയ വില കമ്പനിയുടെ ഓൺലൈൻ സ്റ്റോറിൽ അപ്ഡേറ്റ് ചെയ്തിട്ടുണ്ട്.

കൂടുതൽ വായിക്കുക: ഓപ്പോ സ്മാർട്ട്ഫോണുകൾ ഫ്ലിപ്പ്കാർട്ടിലൂടെ മികച്ച ഓഫറുകളിൽ സ്വന്തമാക്കാം

ടോപ്പ് മോഡലിന്റെ വില

റെഡ്മി നോട്ട് 8 ന്റെ 6 ജിബി റാമും 128 ജിബി സ്റ്റോറേജ് കോൺഫിഗറേഷനുമുള്ള ടോപ്പ് മോഡലിന്റെ വിലയിൽ മാറ്റമൊന്നുമില്ല. 91 മൊബൈൽസിന്റെ പുതിയ റിപ്പോർട്ട് അനുസരിച്ച് റെഡ്മി നോട്ട് 8 ന്റെ 4 ജിബി റാമും 128 ജിബി സ്റ്റോറേജുമുള്ള വേരിയന്റ് ഓഫ്‌ലൈൻ സ്റ്റോറുകളിലും പുതിയ വിലയ്ക്ക് വിൽക്കാൻ ആരംഭിച്ചിട്ടുണ്ട്.

ഷവോമി റെഡ്മി നോട്ട് 8: സവിശേഷതകൾ

ഷവോമി റെഡ്മി നോട്ട് 8: സവിശേഷതകൾ

വിവോ യു 20, റിയൽ‌മി 3 പ്രോ, ഷവോമിയുടെ തന്നെ എംഐ എ3 എന്നിവയെ വെല്ലുവിളിക്കുന്ന റെഡ്മി നോട്ട് 8 വളരെ നല്ല ബജറ്റ് സ്മാർട്ട്‌ഫോണാണ്. കോർണിംഗ് ഗോറില്ല ഗ്ലാസ് 5 പ്രോട്ടക്ഷനും ഡോട്ട് നോച്ചും ഉള്ള 6.3 ഇഞ്ച് ഫുൾ എച്ച്ഡി + ഐപിഎസ് എൽസിഡി സ്‌ക്രീനാണ് ഫോണിലുള്ളത്. ക്വാൽകോം സ്‌നാപ്ഡ്രാഗൺ 665 SoC പ്രോസസറാണ് ഫോണിന് കരുത്ത് നൽകുന്നത്. 4 ജിബി / 6 ജിബി റാമും 64 ജിബി / 128 ജിബി ഓൺബോർഡ് സ്റ്റോറേജും ഈ സ്മാർട്ട്ഫോണിൽ ഉണ്ട്. സ്റ്റോറേജ് വികസിപ്പിക്കാൻ പ്രത്യേക മൈക്രോ എസ്ഡി കാർഡ് സ്ലോട്ടും ഹാൻഡ്‌സെറ്റിലുണ്ട്.

കൂടുതൽ വായിക്കുക: റിയൽ‌മി X50 പ്രോ സ്മാർട്ട്ഫോണിന് 3,000 രൂപ വർധിച്ചു; പുതിയ വിലയും വിൽപ്പന വിവരങ്ങളും

ക്യാമറ
 

റെഡ്മി നോട്ട് 8 ലെ ക്യാമറകളിൽ 48 എംപി സാംസങ് ഐസോസെൽ ജിഎം 1 സെൻസർ ഉൾപ്പെടുത്തിയിട്ടുണ്ട്. 8 എംപി അൾട്രാവൈഡ് ആംഗിൾ സെൻസർ, 2 എംപി ഡെപ്ത് സെൻസർ, 2 എംപി മാക്രോ സെൻസർ എന്നിവയുമായാണ് ഫോൺ പുറത്തിറക്കിയിരിക്കുന്നത്. യുഎസ്ബി ടൈപ്പ്-സി പോർട്ട് നൽകിയിട്ടുള്ള ഫോണിന് 4000 എംഎഎച്ച് ബാറ്ററിയാണ് ഉള്ളത്. റീട്ടെയിൽ ബോക്സിനുള്ളിൽ 18W ഫാസ്റ്റ് ചാർജറും ഷവോമി നൽകുന്നുണ്ട്.

റെഡ്മി നോട്ട് 9 പ്രോ

റെഡ്മി നോട്ട് സീരിസിലെ പുതിയ സ്മാർട്ട്ഫോണായ റെഡ്മി നോട്ട് 9 പ്രോയ്ക്കും വില വർധിപ്പിച്ചിരുന്നു. ആയിരം രൂപയാണ് ഈ ഡിവൈസുകൾക്ക് വർധിപ്പിച്ചത്. ഡിവൈസിന്റെ 4 ജിബി റാമും 64 ജിബി സ്റ്റോറേജുമുള്ള വേരിയന്റിന് 13,999 രൂപയാണ് ഇപ്പോൾ വില. ലോഞ്ച് ചെയ്യുമ്പോൾ ഈ ഡിവൈസിന് 12,999 രൂപയായിരുന്നു വില. 6 ജിബി റാം + 128 ജിബി സ്റ്റോറേജുള്ള ടോപ്പ് മോഡലിന് ലോഞ്ച് ചെയ്യുമ്പോൾ 15,999 രൂപയായിരുന്നു വില. ഇപ്പോൾ ഈ ഡിവൈസ് 16,999 രൂപയ്ക്കാണ് വിൽപ്പന നടത്തുന്നത്.

Most Read Articles
Best Mobiles in India

English summary
Xiaomi has increased the prices of a number of its smartphones this year. The budget Redmi Note 8 is one of those products which has seen a couple of price hikes due to the revised GST rates in India.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more
X