ജിയോ, വിഐ, എയർടെൽ എന്നിവയുടെ 100 ജിബി വരെ ഡാറ്റ നൽകുന്ന വർക്ക് ഫ്രം ഹോം പ്ലാനുകൾ

 

നേരത്തെ ടെലിക്കോം കമ്പനികൾ നൽകിയിരുന്ന ഡാറ്റ പ്ലാനുകൾക്ക് വില കൂടുതലായിരുന്നു. 6 ജിബി അധിക ഡാറ്റയ്ക്കായി 100 രൂപ നൽകേണ്ടി വന്നിരുന്നു അവസ്ഥയിൽ നിന്നും ജിയോ, എയർടെൽ, വിഐ എന്നിവ 100 ജിബി വരെ ഡാറ്റ നൽകുന്ന അവസ്ഥയിലേക്ക് എത്തി എന്നതാണ് വർക്ക് ഫ്രം ഹോം പ്ലാനുകൾ കൊണ്ടുവന്ന പ്രധാനപ്പെട്ട മാറ്റം. മൊബൈൽ ഡാറ്റ ഉപയോഗിച്ച് ജോലി ചെയ്യുന്നവർക്കും സ്ട്രീമിങ് ആപ്പുകൾ ഉപയോഗിക്കുന്നവർക്കും ഏറെ സഹായകരമാവുന്ന പ്ലാനുകളാണ് വർക്ക് ഫ്രം ഹോം വിഭാഗത്തിൽ ഉള്ളത്.

കൂടുതൽ വായിക്കുക: എയർടെൽ, ജിയോ, വിഐ എന്നിവയുടെ 84 ദിവസം വാലിഡിറ്റിയുള്ള വില കുറഞ്ഞ പ്രീപെയ്ഡ് പ്ലാനുകൾ

ജിയോയുടെ വർക്ക് ഫ്രം ഹോം പ്ലാനുകൾ

ജിയോയ്ക്ക് മൂന്ന് വർക്ക് ഫ്രം ഹോം പ്ലാനുകളാണ് ഉള്ളത്. 50 ജിബി വരെ ഡാറ്റാ ആനുകൂല്യങ്ങളാണ് ഈ പ്ലാനുകൾ നൽകുന്നത്. ഇതിലെ ആദ്യത്തെ പ്ലാനിന്റെ വില 151 രൂപയാണ്. 30 ജിബി ഡാറ്റ ആനുകൂല്യം നൽകുന്ന പ്ലാനാണ് ഇത്. രണ്ടാമത്തെ വർക്ക് ഫ്രം ഹോം പ്ലാനിന് 201 രൂപയാണ് വില. 40 ജിബി ഡാറ്റയാണ് ഈ പ്ലാൻ നൽകുന്നത്. 251 രൂപ വിലയുള്ള മൂന്നാമത്തെ പ്ലാനിലൂടെ 50 ജിബി ഡാറ്റയാണ് ലഭിക്കുന്നത്. ഈ പ്ലാനുകൾക്ക് റീചാർജ് ചെയ്ത തീയതി മുതൽ 30 ദിവസം വരെയാണ് വാലിഡിറ്റി. ഈ പ്ലാനുകൾ ഒന്നും തന്നെ വോയ്‌സ് കോളിങോ എസ്എംഎസ് ആനുകൂല്യങ്ങളോ നൽകുന്നില്ല.

 

വിഐയുടെ വർക്ക് ഫ്രം ഹോം പ്ലാനുകൾ

റിലയൻസ് ജിയോയുടെ പ്ലാനുകൾക്ക് സമാനമായി വിഐയും മൂന്ന് വർക്ക് ഫ്രം ഹോം പ്ലാനുകൾ നൽകുന്നുണ്ട്. ജിയോയുടെ പ്ലാനുകളുടെ അത്രയും കുറഞ്ഞ വിലയ്ക്ക് വിഐ പ്ലാനുകൾ നൽകുന്നില്ല. ജിയോയുടെ ആദ്യത്തെ പ്ലാൻ 251 രൂപ വിലയുള്ള പ്ലാനാണ്. 28 ദിവസത്തെ വാലിഡിറ്റിയുള്ള ഈ പ്ലാൻ 50ജിബി ഡാറ്റയാണ് നൽകുന്നത്. വിഐയുടെ രണ്ടാമത്തെ വർക്ക് ഫ്രം ഹോം പ്ലാനിന് 351 രൂപയാണ് വില. ഈ പ്ലൻ 56 ദിവസത്തെ വാലിഡിറ്റിയോടെയാണ് വരുന്നത്. 100ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. വിഐയുടെ മൂന്നാമത്തെ പ്ലാനിന് 355 രൂപയാണ് വില. സീ5 പ്രീമിയം മെമ്പർഷിപ്പ് നൽകുന്ന ഈ പ്ലൻ 251 രൂപ പ്ലാനിന്റെ അതേ ആനുകൂല്യങ്ങളും വാലിഡിറ്റിയുമാണ് നൽകുന്നത്.

കൂടുതൽ വായിക്കുക: 500 രൂപയിൽ താഴെ വിലയുള്ള ബിഎസ്എൻഎൽ, എയർടെൽ, ജിയോ, വിഐ പ്ലാനുകൾ

എയർടെല്ലിന്റെ വർക്ക് ഫ്രം ഹോം പ്ലാനുകൾ

എയർടെല്ലിന്റെ വർക്ക് ഫ്രം പ്ലാനുകളുടെ വിഭാഗത്തിൽ 251 രൂപ വിലയുള്ള പ്ലാനാണ് ഉള്ളത്. ഈ പ്ലാൻ ജിയോ, വിഐ എന്നിവയുടെ 251 രൂപ പ്ലാനിന് സമാനമായി 50 ജിബി ഡാറ്റാ ആനുകൂല്യവും നൽകുന്നു. എയർടെൽ പ്ലാനിന്റെ ഏറ്റവും വലിയ സവിശേഷത അതിന്റെ വാലിഡിറ്റിയാണ്. ഈ പ്ലാനിന് വാലിഡിറ്റി കാലയളവ് ഇല്ല. ഉപയോക്താക്കൾ റീചാർജ് ചെയ്ത കോംബോ പ്ലാനിന്റെ വാലിഡിറ്റി കാലയളവ് അവസാനിക്കുന്നത് വരെയാണ് ഈ പ്ലാനിന്റെയും വാലിഡിറ്റി. അതുകൊണ്ട് തന്നെ വാലിഡിറ്റി അവസാനിക്കാറായ ആളുകൾ ഈ പ്ലാൻ റീചാർജ് ചെയ്തിട്ട് കാര്യമില്ല.