എന്തുകൊണ്ടാണ് ചന്ദ്രയാൻ-2 വിക്ഷേപണം ഇന്ന് മുടങ്ങിയത് ?

ചന്ദ്രയാൻ -2

"ചന്ദ്രനിലേക്കുള്ള ഇന്ത്യയുടെ രണ്ടാമത്തെ ദൗത്യം, ചന്ദ്രയാൻ -2 ഓൺ‌ബോർഡ് ജി‌.എസ്‌.എൽ‌.വി‌ എം‌.കെ.ഐ.ഐ-എം 1 ഒരു സാങ്കേതിക പ്രശനം കാരണം നിർത്തിവച്ചു. ടി-56 മിനിറ്റിൽ ലോഞ്ച് വെഹിക്കിൾ സിസ്റ്റത്തിൽ ഒരു സാങ്കേതിക പ്രശ്‌നം ഉള്ളതായി കണ്ടെത്തി, തുടർന്ന് റദ്ദാക്കി, " ഐ.എസ്.ആർ.ഓ പറഞ്ഞു. വിക്ഷേപിക്കുമ്പോൾ, ചന്ദ്ര ഉപരിതലത്തിൽ സോഫ്റ്റ്-ലാൻഡിംഗിനായി ശ്രമിക്കുന്ന ആദ്യത്തെ ഇന്ത്യൻ പര്യവേഷണമായിരിക്കും ചന്ദ്രയാൻ -2.

സോഫ്റ്റ്-ലാൻഡിംഗ്

യു.എസ്, റഷ്യ, ചൈന എന്നിവയ്ക്ക് ശേഷം ചന്ദ്രനിൽ സോഫ്റ്റ്-ലാൻഡിംഗ് നടത്തുന്ന നാലാമത്തെ രാജ്യമായി ഇന്ത്യ മാറും. ചന്ദ്രനെ വലം വയ്ക്കാനുള്ള ഓര്‍ബിറ്റര്‍, ചന്ദ്രനില്‍ ഇറങ്ങാന്‍ പോകുന്ന വിക്രം ലാന്‍ഡര്‍, ചന്ദ്ര പര്യവേഷണത്തിനായി തയ്യാറാക്കിയിട്ടുള്ള പ്രഗ്യാന്‍ റോവര്‍ എന്നിങ്ങനെ മൂന്ന് ഘടകങ്ങള്‍ അടങ്ങിയതാണ് ചന്ദ്രയാന്‍ 2.

 

ഐ.എസ്.ആർ.ഓ

ഇന്ന് വരെ ഒരു പര്യവേഷണ വാഹനവും കടന്ന് ചെല്ലാത്ത ചന്ദ്രന്‍റെ ദക്ഷിണധ്രുവത്തിലാണ് ചന്ദ്രയാന്‍ രണ്ടിന്‍റെ ലാന്‍ഡര്‍ ലക്ഷ്യം വച്ചിരുന്നത്. ലോകത്തിൽ വെച്ച് ഏറ്റവും ചിലവ് കുറഞ്ഞ ചാന്ദ്ര ദൗത്യമാണ് ചന്ദ്രയാന്‍ 2-വിൻറെ വിക്ഷേപണം. 978 കോടി രൂപയാണ് ദൗത്യത്തിന്‍റെ ആകെ ചിലവ്. ഇതില്‍ 603 കോടി രൂപ ചന്ദ്രയാന്‍ രണ്ടിന്‍റെയും 375 കോടി രൂപ ജി.എസ്‌.എല്‍.വി വിക്ഷേപണ വാഹനത്തിന്‍റെയും ചിലവാണ്.