എപ്പോഴും യാത്രകളിലായിരിയ്ക്കുന്നവര്‍ക്ക് ഇതാ ഒരു സന്തോഷവാര്‍ത്ത. അടുത്ത വര്‍ഷം മുതല്‍ അന്താരാഷ്ട്ര റോമിംഗ് ഇല്ലാതാകാന്‍ പോകുന്നു. അമേരിക്കന്‍ കമ്പനിയായ വൊയേജര്‍ മൊബൈലാണ് ഇത് സാധ്യമാക്കുന്നത്. വൊയേജര്‍ ഒരു വെര്‍ച്ച്വല്‍ മൊബൈല്‍ നെറ്റ് വര്‍ക്കാണ്. പ്രോജക്റ്റ് ഗ്ലോബല്‍ വൊയേജര്‍ എന്ന് പേരിട്ടിരിയ്ക്കുന്ന പദ്ധതിയിലൂടെയാണ് 2013 മുതല്‍ സൗജന്യ അന്താരാഷ്ട്ര റോമിംഗ് ഇവര്‍ സാധ്യമാക്കുന്നത്.
മൊബൈല്‍ ഇന്ത്യനില്‍ വന്ന റിപ്പോര്‍ട്ടനുസരിച്ച് ഈ സേവനം ഒരു പേറ്റന്റ് പെന്‍ഡിംഗ് ഗ്ലോബല്‍ വയര്‍ലെസ് സാങ്കേതികവിദ്യ അടിസ്ഥാനമാക്കിയാണ് പ്രവര്‍ത്തിയ്ക്കുന്നത്. ഇതിലൂടെ ഡ്യുവല്‍ ജിഎസ്എം, സിഡിഎംഎ ഫോണുകള്‍ക്ക് അന്താരാഷ്ട്ര കോളുകള്‍, എസ്എംഎസ്, ഡാറ്റ തുടങ്ങിയ സേവനങ്ങള്‍ റോമിംഗ് ഫ്രീ ആയി ആസ്വദിയ്ക്കാനാകും.
