ഗൂഗിള് മാപ്സ് നമ്മുടെ ഫോണില് ഒതുക്കിയിട്ട് അഞ്ച് വര്ഷം കഴിഞ്ഞു. മൊബൈലില് ഗൂഗിള് മാപ്സിലെ നഗരങ്ങളുടേയും റോഡുകളുടേയും രൂപ രേഖകള് നമ്മുടെ യാത്രകളെ അത്രയേറെ സഹായിച്ചിട്ടുണ്ട്.
നിങ്ങള്ക്ക് ഏറെ പ്രയോജനകരമാകുന്ന ഗൂഗിള് മാപ്സ് തന്ത്രങ്ങള്
ഗൂഗിള് ഇല്ലാത്ത ജീവിതം അസാധാരണമെന്ന് നമുക്ക് ഇപ്പോള് പറയാം. ഗൂഗിളിലെ ഏറ്റവും പ്രധാന സവിശേഷതകളില് ഒന്നാണ് ഗൂഗിള് മാപ്സ്. പരിചിതമല്ലാത്ത മേഖലകളില് യാത്ര ചെയ്യുമ്പോള് ഗൂഗിള് മാപ്സ് നിങ്ങള്ക്ക് ഏറെ പ്രയോജനകരമാകും.
ഗൂഗിളിലെ സവിശേഷതകള് എപ്പോഴും അപ്ഡേറ്റ് ചെയ്യുന്നു. മറ്റു നാവിഗേഷന് ഉത്പന്നങ്ങളില് ഇല്ലാത്ത സവിശേഷതകള് ഗൂഗിള് മാപ്സില് ഒളിഞ്ഞിരിപ്പുണ്ട്.
നിങ്ങളുടെ ആന്ഡ്രോയിഡ് ഫോണുകളില് ഉപയോഗിക്കാന് സാധിക്കുന്ന മികച്ച ഗൂഗിള് മാപ്സ് ട്രിക്സുകള് ഇവിടെ പറയാം.
നിങ്ങള്ക്ക് ഗൂഗിള് മാപ്സ് ഉപയോഗിച്ച് മാപ്പിന്റെ ഒരു വിഭാഗം ഡൗണ്ലോഡ് ചെയ്യുകയും നിങ്ങളുടെ ബൈക്ക് അല്ലെങ്കില് കാറില് ജിപിഎസ് ഉപകരണാമായി പഴയ സ്മാര്ട്ട്ഫോണ് ഉപയോഗിക്കാം. ഓഫ്ലൈന് മാപ്പ് വിഭാഗത്തില് ഉള്പ്പെടുത്തിയിട്ടുളള ഒരു തിരച്ഛീന തിരഞ്ഞെടുക്കല് വിഭാഗം (horizontal selection tool) ഈ ആപ്ലിക്കേഷനുണ്ട്. ഓഫ്ലൈന് മാപ്സുകള് ഉപയോഗിച്ചിരിക്കുന്ന സ്ഥലത്തിന്റെ അളവ് അറിയിക്കും. വൈ-ഫൈയുമായി കണക്ട് ചെയ്താല് ഉടന് മാപ്പ് ഓട്ടോമാറ്റിക് ആയി അപ്ഡേറ്റ് ചെയ്യും.
ഓഫ്ലൈന് മാപ്പുകള് ഡൗണ്ലോഡ് ചെയ്തു കഴിഞ്ഞാല് ശേഷം നിങ്ങളുടെ വീടും ജോലിസ്ഥലത്തിന്റെ വിലാസവും ചേര്ക്കാന് കഴിയും. ഇത് വേഗത്തില് നാവിഗേഷനെ സഹായിക്കുകയും ട്രാഫിക് അലേര്ട്ടുകള് നല്കുകയും ചെയ്യും.
ഒരു നിശ്ചിത കാലയളവില് ഗൂഗിള് മാപ്സ് വഴി നിങ്ങളുടെ സുഹൃത്തുക്കള്ക്ക് തല്സമയം നിങ്ങളുടെ ലൊക്കേഷന് ഷെയര് ചെയ്യാനുളള സവിശേഷതയും അവതരിപ്പിച്ചു. നിങ്ങളുടെ സുഹൃത്തുക്കള് എവിടെയാണെന്നറിയാന് ഇത് എളുപ്പമാക്കും.
വിളിപ്പാടകലെയുളള സ്ഥലങ്ങളും ബിസിനസുകളും തിരയാന് ഗൂഗിള് മാപ്സ് നിങ്ങളെ അനുവദിക്കും. ഗൂഗിള് സെര്ച്ച് എഞ്ചിനില് നിങ്ങള് ഉപയോഗിക്കുന്ന കീവേഡുകളില് ശരിയായ ഫലങ്ങള് ലഭിക്കുന്നു.
നിങ്ങള് നാവിഗേറ്റ് ചെയ്യുമ്പോള് മാപ്പില് സൂം ചെയ്യാനും സാധിക്കും. സൂം ചെയ്യേണ്ട മാപ്പിന്റെ ഭാഗം ഡബിള് ടാപ്പ് ചെയ്യാം. സൂമിംഗ് തുടരണമെങ്കില് വീണ്ടും ഡബിള് ടാപ്പ് ചെയ്യുക.
ഇന്ത്യയില് നിങ്ങളുടെ നഗരത്തിലെ ട്രെയിനുകളുടേയും ബസുകളുടേയും സമയം ഗൂഗിള് മാപ്പിലൂടെ അറിയാം. അതായത് ബസ് റൂട്ടുകള്, സ്റ്റോപ്പുകള്, കാലതാമസം എന്നിങ്ങനെ എല്ലാം അറിയാം.
എല്ലാ ദിവസത്തേയും നിങ്ങളുടെ യാത്രകളും മറ്റെല്ലാം തന്നെ ഗൂഗിള് മാപ്സ് ഹിസ്റ്ററിയില് ഉണ്ട്. 'Timeline' എന്ന ഓപ്ഷനിലൂടെ നിങ്ങള്ക്കിതു കാണാം. അത് നിങ്ങള് സന്ദര്ശിച്ച സ്ഥലങ്ങളും നിങ്ങള് നടത്തിയ വഴികളും കാണിക്കും.
ഗൂഗിള് മാപ്സിലെ ലോക്കല് ഗൈഡ് സെക്ഷന് എന്നതില് നിങ്ങള്ക്ക് ബന്ധപ്പെട്ട വിശദാംശങ്ങള് ചോര്ക്കാനും ഫോട്ടോകളോടൊപ്പം നിങ്ങളുടെ അവലോകനങ്ങള് നല്കാനും കഴിയും.