നമുക്ക് ചുറ്റും എത്രയോ സിഗ്നലുകളാണ് പ്രവഹിച്ചുകൊണ്ടിരിക്കുന്നത്. ഫോണുകള്‍, വൈഫൈ റൂട്ടറുകള്‍, മൊബൈല്‍ ടവറുകള്‍ എന്നിങ്ങനെ നിരവധി ഉറവിടങ്ങളില്‍ നിന്ന് നമ്മുടെ നഗ്നനേത്രങ്ങള്‍ക്ക് പിടി തരാതെയാണ് ഈ തരംഗങ്ങളുടെ സഞ്ചാരം. ഇങ്ങനെ നമ്മുടെ കണ്ണുവെട്ടിച്ച് നടക്കുന്ന സിഗ്നലുകളുടെ പാത കാണിച്ചുതരാന്‍ ഒരു ആപ്ലിക്കേഷനെത്തിയിരിക്കുന്നു.
കൂടുതല്‍ വിവരങ്ങള്‍ക്ക് സ്ലൈഡറിലൂടെ നീങ്ങാം:
റിച്ചാര്‍ഡ് വിജ്ഗെനാണ് ഈ ആപ്ലിക്കേഷന്‍റെ ഉപജ്ഞാതാവ്.
ആര്‍ക്കിടെക്ച്ചര്‍ ഓഫ് റേഡിയോ(Architecture of Radio) എന്നാണീ ആപ്പിന്‍റെ പേര്.
ദൃശ്യമായ വസ്തുകളില്ലാതെ അദൃശ്യമായ സിഗ്നലുകള്‍ മാത്രമാണ് സ്ക്രീനില്‍ കാണാന്‍ കഴിയുന്നത്.
7 മില്ല്യണ്‍ മൊബൈല്‍ ടവറുകള്‍, 19 മില്ല്യണ്‍ വൈഫൈ റൂട്ടറുകള്‍ കൂടാതെ നൂറുകണക്കിന് ഉപഗ്രഹങ്ങളുടെ ഡാറ്റ സെറ്റുപയോഗിച്ച് റിച്ചാര്‍ഡ് 'ഇന്‍ഫോസ്ഫിയര്‍' പ്ലോട്ട് ചെയ്തിരുന്നു.
ജിപിഎസിന്‍റെ സഹായത്തോടെ ചുറ്റുമുള്ള അദൃശ്യമായ സിഗ്നലുകളെ നിങ്ങളുടെ കണ്മുന്നിലെത്തിക്കുകയാണ് ഈ ആപ്പ് ചെയ്യുന്നത്.
വാര്‍ത്താവിനിമയം, നിരീക്ഷണം, നാവിഗേഷന്‍ തുടങ്ങിയ രീതിയില്‍ സിഗ്നലുകളെ തരംതിരിച്ച് തിരിച്ചറിയാന്‍ യഥാക്രമം വെളുപ്പ്, പച്ച, നീല എന്നീ നിറങ്ങള്‍ നല്‍കിയിട്ടുണ്ട്.
സിഗ്നലുകള്‍ അളക്കാനല്ല മറിച്ച് അദൃശ്യമായ തരംഗങ്ങളെ കാണാനുള്ള കൗതുകത്തിനാണ് ഈ ആപ്പ് ഉപയോഗിക്കുന്നത്.
ഈ ആപ്ലിക്കേഷന്‍ ഐഒഎസ്സില്‍ മാത്രമേ ലഭ്യമായിട്ടുള്ളൂ.
200 രൂപയാണിതിന്‍റെ ആപ്പിള്‍ സ്റ്റോറിലെ വില.
കൂടുതല്‍ ടെക്നോളജി ന്യൂസുകള്‍ക്ക് സന്ദര്‍ശിക്കൂ: