എക്സ് സീരീസിലെ കരുത്തനായ ഫോണുമായ് മോട്ടോ വീണ്ടും. മോട്ടോ എക്സ്-ഫോഴ്സ് എന്ന ഈ ഭീമന്‍ ഉടന്‍തന്നെ വിപണിയിലെത്തും.
കൂടുതല്‍ വിവരങ്ങള്‍ക്ക് സ്ലൈഡറിലൂടെ നീങ്ങുക:
അഞ്ച് പാളികള്‍ ചേര്‍ത്തുണ്ടാക്കിയ ഇതിന്‍റെ 5.4ഇഞ്ച്‌ ഡിസ്പ്ലേ അങ്ങനെയൊന്നും തകര്‍ക്കാന്‍ കഴിയില്ലെന്ന് മോട്ടോ പല ടെസ്റ്റുകളിലൂടെ ഇതിനോടകം തെളിയിച്ചു കഴിഞ്ഞു. മോട്ടോയുടെ 'ഷാറ്റര്‍ഷീല്‍ഡ്' എന്ന സാങ്കേതികവിദ്യയാണ് ഇതിന് പിന്നില്‍.
ഇനി നിങ്ങള്‍ക്ക് അനായാസമായി മഴയത്ത് ഫോട്ടോസ് എടുക്കുകയും പാട്ട് കേട്ടുകൊണ്ട് നടക്കുകയും ചെയ്യാം. കൂടാതെ 541പിക്സല്‍ ഡെന്‍സിറ്റി കണ്ണിനൊരു വിരുന്നായിരിക്കുമെന്ന് തീര്‍ച്ച.
സ്നാപ്പ്ഡ്രാഗണ്‍810 പ്രോസ്സസറിനൊപ്പം 1.5ജിഹെര്‍ഡ്സ് കോര്‍ട്ടക്ക്സ്-എ53യാണ് എക്സ് ഫോഴ്സിന് കരുത്തുപകരുന്നത്.
32/64ജിബി ഇന്റേണല്‍ മെമ്മറിയും 3ജിബി റാമുമാണ് ഇതിലുള്ളത്. 128ജിബി വരെ മെമ്മറി എക്സ്പാന്‍റ് ചെയ്യാനും കഴിയും.
21 മെഗാപിക്സല്‍ പിന്‍ക്യാമറയും 5 മെഗാപിക്സല്‍ മുന്‍ക്യാമറയുമാണുള്ളത്. ഇതില്‍ എടുത്ത് പറയാനുള്ളത് മുന്നിലും ഫ്ലാഷ് ലൈറ്റുണ്ടെന്നതാണ്. ഇനി ഇരുട്ടില്‍ സെല്‍ഫിയെടുക്കാന്‍ പറ്റുന്നില്ലെന്നുള്ള വിഷമവും വേണ്ട.
3760എംഎഎച്ച് ബാറ്ററിയുള്ള എക്സ് ഫോഴ്സ് 15മിനുട്ട് ചാര്‍ജ് ചെയ്താല്‍ 13മണിക്കൂര്‍ തുടര്‍ച്ചയായി ഉപയോഗിക്കാവുന്നതാണ്. കൂടാതെ വയര്‍ലെസ് ചാര്‍ജിംഗും ഇതിലുണ്ട്.