പലപ്പോഴും തലപോകുന്ന പ്രശ്നങ്ങളുടെയും ഉത്തരങ്ങള് വളരെ ചെറുതായിരിക്കും. അതുപോലെയുള്ള 4 കുഞ്ഞ് കണ്ടുപിടുത്തങ്ങളെ നമുക്ക് പരിചയപെടാം. കേള്ക്കുമ്പോള് കുഞ്ഞാണെന്ന് തോന്നിയാലും ഈ കണ്ടുപിടുത്തങ്ങള് നിരവധി ആളുകളുടെ ജീവന് രക്ഷിക്കാന് പ്രാപ്തമായവയാണ്. ആളുകളെയും അവരുടെ പ്രശ്നങ്ങളെയും മനസിലാക്കുന്ന ഈ കണ്ടുപിടുത്തങ്ങളെ അത്രയ്ക്ക് നിസ്സാരമായ് കാണാന് കഴിയില്ല.
ഈ കണ്ടുപിടുത്തങ്ങളെ പരിചയപ്പെടാന് സ്ലൈഡറിലൂടെ നീങ്ങൂ:
പെറുവിലെ യൂണിവേര്സിറ്റി ഓഫ് ടെക്നോളജി ആന്ഡ് എഞ്ചിനിയറിംഗാണ് ഈ അന്തരീക്ഷവായു ശുദ്ധമാക്കുന്ന ബില്ബോര്ഡ് കണ്ടുപിടിച്ചത്.
ഇതില് പുറത്തെ മലിനമായ വായു വെള്ളം നിറച്ച ടാങ്കിലേക്ക് വലിച്ചെടുക്കും. അതിലൂടെ പൊടിപടലങ്ങള് വെള്ളത്തില് തങ്ങിനില്ക്കുകയും ശുദ്ധീകരിച്ച വായു പുറത്തേക്ക് വിടുകയും ചെയ്യും.
ഫിലിപ്പൈസിലെ ലാസ് പിനാസ് എന്ന സ്ഥലത്തെ ഒരു ഡിസൈന് ഏജന്സിയാണ് ഈ കൈയിലൊതുങ്ങുന്ന ഫയര് എസ്റ്റിഗ്യുഷര് നിര്മ്മിച്ചത്. വെറും 60രൂപയാണ് ഇതിന്റെ നിര്മാണചിലവ്.
ഈ കുഞ്ഞ് ഫയര് എസ്റ്റിഗ്യുഷറില് വിനാഗിരിയും ഒരു കാപ്സ്യൂള് ബേക്കിംഗ് സോഡയുമാണുള്ളത്. ഇത് തമ്മില് ചേരുമ്പോഴുണ്ടാകുന്ന കാര്ബണ്ഡയോക്സയ്ഡ് തീ പടരുന്നത് ചെറുക്കും.
മലേറിയ ബാധിച്ച രോഗികള്ക്ക് ഇടയ്ക്കിടെ രക്തം പരിശോധിക്കേണ്ടതായ് വരും. രക്തത്തിന്റെ സാമ്പിള് എടുക്കാന് എളുപ്പമാണ്. പക്ഷേ ഒരു മൈക്രോസ്കോപ്പ് വാങ്ങുകയെന്നത് ചിലവേറിയ കാര്യമാണ്. അപ്പോഴാണ് 20രൂപയുടെ പേപ്പര് മൈക്രോസ്കോപ്പുമായി മനു പ്രകാശ് എന്ന സ്റ്റാന്ഫോര്ഡിലെ ബയോഎന്ജിനിയര്.
ഫോള്ഡ്സ്കോപ്പ് എന്നുപേരുള്ള ഈ മൈക്രോസ്കോപ്പ് സാമ്പിളിനെ 2000 മടങ്ങ് വലുതായി കാണിക്കും. 20മിനുട്ടുകൊണ്ട് നമുക്ക് അസ്സെമ്പിള് ചെയ്യാന് കഴിയുന്ന ഈ ലൈറ്റ് വെയിറ്റ് മൈക്രോസ്കോപ്പ് 3നില കെട്ടിടത്തിന്റെ മുകളില് നിന്ന് വീണാല് പോലും ഒന്നും സംഭവിക്കില്ല.
ജോണ്സണ് ആന്ഡ് ജോണ്സണിലെ മെഡിക്കല് ഉപകരണങ്ങളുടെ ഡിസൈനറായ രതുല് നരൈനാണ് ഈ തെര്മോമീറ്റര് കണ്ടുപിടിച്ചത്. ഇത് നവജാത ശിശുകളെ ഹൈപ്പോതെര്മിയയില്(Hypothermia) നിന്ന് രക്ഷിക്കാന് സഹായിക്കുന്നു.
റിസ്റ്റ്ബാന്ഡിന്റെ രൂപത്തിലുള്ള ഈ തെര്മോമീറ്റര് കുട്ടികളുടെ ശരീരത്തിന്റെ താപനില എപ്പോഴും അളന്നുകൊണ്ടിരിക്കും. താപനില ക്രമാതീതമായ് കുറഞ്ഞാല് അതിലുള്ള അലാറമടിച്ച് മുതിര്ന്നവരുടെ ശ്രദ്ധക്ഷണിക്കും.