പലതരത്തിലുള്ള പ്രിന്റര് മോഡലുകളാണ് ഇന്ന് വിപണിയിലുള്ളത്. പേഴ്സണല് ഉപയോഗത്തിനും കൊമേഴ്സ്യല് ഉപേയാഗത്തിനുമായി വെവ്വേറെ മോഡലുകളെ ആശ്രയിക്കുന്നു.
ഇന്ത്യന് വിപണിയിലെ മികച്ച അഞ്ച് വയര്ലെസ് പ്രിന്റര് മോഡലുകളെ പരിചയപ്പെടാം
പ്രിന്ററും സ്കാനറും ഉള്പ്പെടുന്ന മോഡലിനാണ് ഇന്ന് ഏറെ പ്രചാരം. ഫോട്ടോകോപ്പിയെടുക്കാനും ക്ലാസ് നോട്ട് സ്കാന് ചെയ്ത് സൂക്ഷിക്കാനുമൊക്കയായി ഈ മോഡലുകളെ പേഴ്സണല് ആവശ്യത്തിനായി നിരവധി പേര്
മുന്പെല്ലാം ഒരു പ്രിന്റ് ഔട്ട് എടുക്കാനായി ഇന്റര്നെറ്റ് കഫേയില് പോയി കാത്തിരിക്കാറുണ്ടായിരുന്നു. ഇന്നാകട്ടെ കാലം മാറി. വളരെ കുറഞ്ഞ വില നല്കിയാല് ത്തന്നെ പ്രിന്റര് വീട്ടിലിരിക്കും. ഇത്തരത്തിൽ പുതുമകൾ സൃഷ്ട്ടിക്കുന്ന വിവിധയിനം മികച്ച പ്രിന്ററുകളെ നമുക്ക് പരിചയപ്പെടാം
എച്ച്.പി ഡെസ്ക്ക്ജെറ്റ് അഡ്വാന്റേജ് 5275 പ്രിന്ററാണ് ശ്രേണിയിലെ ഒന്നാമന്. 8,999 രൂപയാണ് വിപണിയിലെ വില. സ്മാര്ട്ട്ഫോണുമായും കംപ്യൂട്ടറുമായും ബന്ധിപ്പിച്ച് ഉപയോഗിക്കാനാകും. വൈ-ഫൈ, ബ്ലൂടൂത്ത് കണക്ടീവിറ്റി ഉപയോഗിച്ചാണ് ബന്ധിപ്പിക്കുന്നത്.
ഉപയോക്താക്കള്ക്ക് വളരെയെളുപ്പത്തിനല് പ്രിന്റെടുക്കാനും സ്കാന്ചെയ്യാനും സഹായകമാണ് ഈ മോഡല്. 2.2 ഇഞ്ച് മോണോക്രോം ടച്ച് സ്ക്രീന് ഡിസ്പ്ലേയും പ്രിന്ററിലുണ്ട്. ബ്ലാക്ക് ആന്റ് വൈറ്റില് 10പിപിഎം ആണ് സ്പീഡ്. കളര് പ്രിന്റാണെങ്കില് മിനിറ്റില് ഏഴെണ്ണമെടുക്കാനാകും.
കനോണ് പിക്സ്മ ജി3010 മോഡലാണ് ശ്രേണിയിലെ കരുത്തനായ രണ്ടാമത്തെ മോഡല്. നേരിട്ടുള്ള വയര്ലെസ് കണക്ടീവിറ്റിക്കായി വണ്-ടച്ച് കണ്ട്രോള് ഈ മോഡലിലുണ്ട്. സ്മാര്ട്ട്ഫോണ് ഉപയോഗിച്ചു പോലും വളരെ ലളിതമായി പ്രിന്റെടുക്കാന് ഈ മോഡലിലൂടെ കഴിയും. ഹൈ പേജ് ഈള്ഡ് മഷിയാണ് മോഡലിലുള്ളത്. ഒറ്റ റീഫില്ലിംഗില് 7000 പേജ് പ്രിന്റുകള് വരെ എടുക്കാന് സാധിക്കും. 1.2 ഇഞ്ച് എല്.സി.ഡി ഡിസ്പ്ലേ ഈ മോഡലിലുണ്ട്.
എപ്സണ് ഇക്കോ ടാങ്ക് എല്6160 ഇങ്ക് ടാങ്ക് പ്രിന്ററാണ് ശ്രേണിയിലെ മൂന്നാമന്. മറ്റുള്ള മോഡലുകളെപ്പോലെത്തന്നെ വയര്ലെസ് കണക്ടീവിറ്റി ഈ മോഡലിലുമുണ്ട്. റൂട്ടര് ഉപയോഗിക്കാതെത്തന്നെ നാലോളം ഉപകരണങ്ങളുമായി കണക്ട് ചെയ്ത് ഉപയോഗിക്കാനാകും. ഒറ്റ റീഫില്ലിംഗില് 7500 ബ്ലാക്ക് ആന്റ് വൈറ്റ് പ്രിന്റും 6,000 കളര് പ്രിന്റും എടുക്കാന് സാധ്യമാണ്. 2.4 ഇഞ്ച് എല്.സി.ഡി ഡിസ്പ്ലേയുമുണ്ട്.
പ്രമുഖ പ്രിന്റര് ബ്രാന്റായ റിക്കോ എസ്.പി സി250ഡി.എന് കൂട്ടത്തിലെ താരമാണ്. അല്പ്പം വലിപ്പമുണ്ടെങ്കിലും പെര്ഫോമന്സിന്റെ കാര്യത്തില് ആളു കേമനാണ്. സ്മാര്ട്ട്ഫോണ്, ടാബ്ലെറ്റ്, കംപ്യൂട്ടര് എന്നിവയുമായി ബന്ധിപ്പിച്ച് ലളിമായി ഉപയോഗിക്കാനാകും. മിനിറ്റില് 20 പേജ് പ്രിന്റിംഗ് സ്പീഡുണ്ട്.
ബ്രദര് ഡി.സി.പി-ടി510ഡബ്ലൂ വയര്ലെസ് പ്രിന്റര് മോഡലാണ് ശ്രേണിയിലെ അവസാനത്തേത്. 13,490 രൂപയാണ് വിപണിവില. ഡയറക്ട് പ്രിന്റ് ആന്റ് സ്കാന് ഫീച്ചര് ഈ മോഡലിലുണ്ട്. വൈഫൈ ഡയറക്ട് സവിശേഷതയുമുണ്ട്. മോണോ ഫീച്ചറില് 13,000 കോപ്പിയും കളര് പ്രിന്റിംഗില് 5,000 പേജും പ്രിന്റെടുക്കാനാകും.