ഷവോമി വീണ്ടും പുതിയ വാർത്തയുമായി ഉപയോക്താക്കൾക്ക് മുന്നിൽ. ഇത്തവണ റെഡ്‌മി നോട്ട് 5 പ്രൊയുടെ വില വെട്ടി കുറച്ചു, ഇനി മുതൽ ഈ വിലയായിരിക്കും റെഡ്‌മി നോട്ട് 5 പ്രൊയ്ക്ക്. 12,999 രൂപയ്ക്ക് ഇപ്പോൾ റെഡ്‌മി നോട്ട് 5 പ്രൊ നിങ്ങൾക്കും സ്വന്തമാക്കാം.
റെഡ്‌മി നോട്ട് 5 പ്രൊ ഷവോമി കമ്പനിയുടെ ഏറ്റവും മികച്ച സ്മാർട്ഫോണുകളിൽ ഒന്നാണ്. Mi A2 വിന്റെ വില കുറവിന് ശേഷമാണ് ഷവോമി ഇപ്പോൾ റെഡ്‌മി നോട്ട് 5 പ്രൊയുടെ വില കുത്തനെ കുറച്ചത്.
ചൊവ്വാഴ്ച്ചയാണ് ഷവോമി കമ്പനിയുടെ മാനേജിങ് ഡയറക്ടറായ മനു ജെയിൻ റെഡ്‌മി നോട്ട് 5 പ്രൊയുടെ വില കുറച്ചത്. 100 ലക്ഷത്തിന്റെ യൂണിറ്റാണ് ഷവോമി ഇന്ത്യയിൽ വിറ്റഴിക്കുന്നതിനായി പോകുന്നത്.
4 ജി.ബി റാം/ 64 ജി.ബി മോഡൽ ഇപ്പോൾ ഇന്ത്യയിൽ വിറ്റുപോകുന്നത് 12,999 രൂപയ്ക്കാണ്. 6 ജി.ബി റാം/ 64 ജി.ബി മോഡൽ വിറ്റുപോകുന്നത് 13,999 രൂപയ്ക്കുമാണ്. ഈ കഴിഞ്ഞ രണ്ടുമാസത്തിൽ രണ്ടാം തവണയാണ് ഷവോമി സ്മാർട്ഫോണിന്റെ വില കുറയ്ക്കുന്നത്.
ഇന്ത്യയിൽ മികച്ച സ്മാർട്ഫോണുകളുടെ പട്ടികയിൽ വന്ന ഷവോമിയുടെ വിജയം ആഘോഷിക്കുവാനായി കഴിഞ്ഞ വർഷം നവംബറിൽ റെഡ്‌മി നോട്ട് 5 പ്രൊയുടെ വില 1000 രൂപ കുറച്ചിരുന്നു.
വില കുറച്ചതിന് ശേഷം, റെഡ്‌മി നോട്ട് 5 പ്രൊയുടെ വില 4 ജി.ബി റാം/ 64 ജി.ബി മോഡലിന് 12,999 രൂപയും, 6 ജി.ബി റാം/ 64 ജി.ബി മോഡലിന് 13,999 രൂപയുമായി.
ഷവോമിയുടെ റെഡ്‌മി നോട്ട് 5 പ്രൊ ഇനി മുതൽ അവസാനമായി കുറച്ച വിലയിലായിരിക്കും വിൽക്കപ്പെടുക. Mi A2 വിന്റെ വിലയിൽ ഷവോമി 3000 രൂപ കുറച്ചിരുന്നു. ഇപ്പോൾ Mi A2, റെഡ്‌മി നോട്ട് 5 പ്രൊ ലഭിക്കുന്ന വിലയിക്ക് തന്നെയാണ് ഇന്ത്യയിൽ വിൽക്കപ്പെടുന്നതും.13,999 രൂപയാണ് Mi A2 വിന്റെ ഇപ്പോഴത്തെ വില.
ഇന്ത്യയിൽ Mi A2 ലഭ്യമായി കൊണ്ടിരുന്ന വില എന്ന് പറയുന്നത്: 6 ജി.ബി റാം/ 64 ജി.ബി മോഡൽ Mi A2 വിന് 16,999 രൂപയും, 6 ജി.ബി റാം/ 64 ജി.ബി മോഡലിന് 19,999 രൂപയുമായിരുന്നു.