അസൂസ് Zenfone 5Z എങ്ങനെയുണ്ട്? വാങ്ങണോ വേണ്ടയോ?


അസൂസ് തങ്ങളുടെ ഏറ്റവും പുതിയ സ്മാർട്ഫോണായ Asus ZenFone 5Z ഇന്ത്യയിൽ അവതരിപ്പിച്ചിരിക്കുകയാണല്ലോ. ഏറ്റവും മികച്ച ഫ്ലാഗ്ഷിപ്പ് ഫീച്ചറുകളും അതിനൊത്ത വിലയുമാണ് ഫോണിന്റെ പ്രധാന സവിശേഷതകൾ. പ്രത്യേകിച്ച് അസൂസിൽ നിന്നും പ്രതീക്ഷിച്ചതിൽ അധികമായി ഈ മോഡൽ നൽകുന്നുണ്ട്. വൺപ്ലസ് 6, ഓണർ 10 എന്നിവയ്‌ക്കെല്ലാം കടുത്ത മത്സരം പ്രതീക്ഷിക്കാവുന്നതാണ് ഈ മോഡലിൽ നിന്നും.

Advertisement

ഒറ്റനോട്ടത്തിൽ

Qualcomm Snapdragon 845 SoC, 8 ജിബി റാം, 19:9 അനുപാതത്തിലുള്ള ഡിസ്പ്ളേ, ഇരട്ട ക്യാമറ തുടങ്ങിയ ഒരുപിടി സൗകര്യങ്ങളോടെയാണ് ഫോൺ എത്തുന്നത്. വില വരുന്നത് 6ജിബി റാം 64 ജിബി മോഡലിന് 29999 രൂപയും 6 ജിബി റാം 128 ജിബി മെമ്മറി മോഡൽ 32999 രൂപയും 8 ജിബി റാം 256 ജിബി മോഡൽ 36999 രൂപയുമാണ് വിലവരുന്നത്. ജൂലായ് 9 മുതൽ ഫ്ലിപ്കാർട്ട് വഴി മാത്രമായിട്ടാണ് ഈ മോഡൽ ലഭ്യമാകുക. എന്തൊക്കെയാണ് ഫോണിലെ പ്രധാന സവിശേഷതകൾ എന്ന് നോക്കുകയാണ് ഇന്നിവിടെ.

Advertisement
ഗ്ലാസ് ഡിസൈൻ

മുൻവശവും പിറകുവശവും ഒരുപോലെ മനോഹരമായ 2.5D ഗ്ലാസ് ഡിസൈനോടു കൂടിയാണ് അസൂസ് സെൻഫോൺ 5z എത്തുന്നത്. അല്പം വിലകൂടിയ നിലവാരമുള്ള പ്ലാസ്റ്റിക്കോട് കൂടിയ ഗ്ളാസ്സുകളാണ് ഇവ. ഈയൊരു ഡിസൈൻ ഉള്ള കാരണത്താൽ തന്നെ ഒരു പ്രീമിയം ഫോണിന് ആവശ്യമായ സകല രൂപവും ഭാവവും ഈ ഫോണിന് ഉണ്ട്. മുൻവശത്ത് വലിയ എഡ്ജ് ടു എഡ്ജ് ഡിസ്‌പ്ലേ ആണ് ഫോണിനുള്ളത്. ബെസൽ വളരെ കുറച്ചുള്ള ഡിസൈൻ 90 ശതമാനം ബോഡി ടു സ്ക്രീൻ അനുപാതത്തിൽ ആണ് എത്തുന്നത്. ഫോണിന്റെ കനം ആണെങ്കിൽ 7.7എംഎം ആണ് വരുന്നത്.

രൂപകൽപ്പന

പിറകുവശം നോക്കുമ്പോൾ ഇതേ ഗ്ലാസ്സ് ഡിസൈനിൽ മുകളിൽ ഇരട്ട ക്യാമറകൾ കാണാം. നടുവിലായി ഫിംഗർ പ്രിന്റ് സ്കാനറും കാണാം. അതിന് താഴെയായി കമ്പനി ലോഗോയും ഉണ്ട്. ഗ്ലാസ് ഡിസൈൻ ആണെങ്കിൽ കൂടെ ഫോൺ എത്തുന്നത് വാട്ടർ പ്രൂഫ് സൗകര്യത്തോടെ അല്ല എന്നൊരു പോരായ്മ ഉണ്ട്. വോളിയം ബട്ടണുകൾ, പവർ ബട്ടൺ എന്നിവ വലതുഭാഗത്തായി സ്ഥിതിചെയ്യുന്നു. 3.5 എംഎം ഓഡിയോ ജാക്ക്, സ്പീക്കർ, ചർജ്ജിങ് പോർട്ട് എന്നിവ താഴെയും സ്ഥിതി ചെയ്യുന്നു.

 

 

ഡിസ്പ്ളേ, ഹാർഡ്‌വെയർ

ഡ്യുവൽ സിം ഡ്യുവൽ-വോൾട്ട് പിന്തുണയ്ക്കുന്ന അസൂസ് ZenFone 5Z ZenUI 5.0ൽ ആണ് പ്രവർത്തിക്കുന്നത്. ആൻഡ്രോയ്ഡ് ഓറിയോ 8.0 ആണ് ഓപ്പറേറ്റിങ് സിസ്റ്റം. ആൻഡ്രോയ്ഡ് പി അപ്ഡേറ്റും ഉണ്ട്. 18.7: 9 അനുപാതവും കോർണിംഗ് ഗോറില്ലാ ഗ്ലാസ് പരിരക്ഷയുമുള്ള സൂപ്പർ ഐപിഎസ് + 6.2 ഫുൾ എച്ച്ഡി + 1080x2246 പിക്സൽ ഡിസ്പ്ലേ ആണ് ഫോണിലുള്ളത്. ഒരു ക്വാൽകോം സ്നാപ്ഡ്രാഗൺ 845 SoCയിൽ അഡ്രിനോ 630 ജിപിയു സഹിതം വരുന്ന ഫോൺ 8 ജിബി റാം വരെ ഉള്ള മോഡലുകളിലാണ് ലഭിക്കുക. 256 ജിബി വരെ മെമ്മറി പിന്തുണയുള്ള ഫോണിൽ മൈക്രോഎസ്ഡി കാർഡ് വഴി 2 ടിബി വരെ വിപുലീകരിക്കാം.

ക്യാമറ

ഫോണിന്റെ പിൻവശത്ത് ഇരട്ട ക്യാമറകളാണ് ഉള്ളത്. ഈ റിയർ ക്യാമറ സെറ്റപ്പിൽ 12 മെഗാപിക്സൽ സോണി IMX363 പ്രാഥമിക സെൻസറും F / 1.8 അപേർച്ചറും OIS- ന്റെ പിന്തുണയും, ഫിക്സഡ് ഫോക്കസും ഒപ്പം എഫ് / 2.2 അപ്പെർച്ചർ ഉള്ള സെക്കൻഡറി 8 മെഗാപിക്സൽ ഓമ്നിവിഷൻ 8856 സെൻസറും ഉണ്ട്. ഇതേ 8 മെഗാപിക്സൽ ഓമ്നിവിഷൻ 8856 സെൻസർ തന്നെയാണ് മുൻവശത്തെ ക്യാമറയ്ക്കും ഉപയോഗിച്ചിരിക്കുന്നത്.

മറ്റു സവിശേഷതകൾ

4 ജി VoLTE, ഡ്യുവൽ ബാൻഡ് വൈ-ഫൈ, എൻഎഫ്സി, ബ്ലൂടൂത്ത് 5.0, എഫ്എം റേഡിയോ, യുഎസ്ബി ഒ.ടി.ജി, എ-ജിപിഎസ്, ഗ്ലോനാസ്, ബീഡോ, USB ടൈപ്പ്- C, 3.5 എംഎം ഹെഡ്ഫോൺ ജാക്ക് എന്നിവയും ഫോണിലുണ്ട്. ആക്സിലറോമീറ്റർ, ആംബിയന്റ് ലൈറ്റ് സെൻസർ, ഇലക്ട്രോണിക് കോംപസ്, ജൈറോസ്കോപ്പ്, ഫിംഗർപ്രിന്റ് സെൻസർ, പ്രോക്സിമിറ്റി സെൻസർ, ആർ.ജി.ജി സെൻസർ എന്നിവയാണ് ഫോണിലെ പ്രധാന സെൻസറുകൾ. ക്യുക്ക് ചാർജ് 3.0 യുടെ പിന്തുണയോടെ 3300mAh ബാറ്ററി ആണ് ഫോണിന് കരുത്തേകുന്നത്. ഒപ്പം ഫോണിന് നിരവധി ഓഫറുകളും കമ്പനി പ്രഖ്യാപിച്ചിട്ടുണ്ട്.

അവസാനവാക്ക്

ഇന്ന് വിപണിയിലുള്ള ഈ നിരയിലുള്ള മറ്റു ഫോണുകൾക്കെല്ലാം തന്നെ കടുത്ത വെല്ലുവിളി അസൂസ് ഈ മോഡലിലൂടെ ഉയർത്തും എന്നത് ഒട്ടും സംശയമില്ലാതെ നമുക്ക് പറയാം. കാരണം ഈ നിരയിലുള്ള വൻപ്ലസ് 6, മി 8, ഓണർ 10 എന്നീ മോഡലുകൾക്കെല്ലാം തന്നെ ഒത്ത എതിരാളിയാണ് ഈ ഫോൺ. ഒപ്പം മറ്റുള്ളവയെക്കാൾ വിലക്കുറവും. അതിനാൽ തന്നെ വിപണിയിൽ നല്ലൊരു മുന്നേറ്റം നടത്തും എന്ന് പ്രതീക്ഷിക്കാം.

അസൂസ് Zenfone 5z, വണ്‍പ്ലസ് 6, മി 8, ഓണർ 10; നാല് കിടിലൻ ഫോണുകൾ; ഇവയിൽ ഏത് വാങ്ങണം????

ബഡ്ജെറ്റ് ഫോണുകൾക്ക് മുകളിലായി ഒരു 25000 മുതൽ 40000 വരെയുള്ള വിലയിൽ ഇന്ന് ഇന്ത്യയിൽ ലഭിക്കുന്ന സ്മാർട്ഫോണുകളിൽ ഏറ്റവും മികച്ചതായ നാലെണ്ണമാണ് അസൂസ് Zenfone 5z, വണ്‍പ്ലസ് 6, മി 8, ഓണർ 10 എന്നിവ. ഇവയിൽ ഏതാണ് നല്ലത് എന്നത് അല്പം ബുദ്ധിമുട്ട് ഉണ്ടാക്കുന്ന ചോദ്യവുമാണ്. ഏതായാലും ഇവ നാലും തമ്മിൽ ഒരു താരതമ്യം നടത്തുകയാണ് ഇവിടെ.

വണ്‍പ്ലസ് 6

ഇനി വണ്‍പ്ലസ് 6ലേക്ക് വരുമ്പോൾ ഏകദേശം സമാനമായ സൗകര്യങ്ങൾ തന്നെയാണ് ഇവിടെയുമുള്ളത്. വൺപ്ലസ് 6 ൽ Snapdragon 845 SoC പ്രോസസറിന്റെ കരുത്തിൽ 6ജിബി/ 8ജിബി റാമും 128ജിബി/ 256ജിബി മെമ്മറിയും ആണ് ഉള്ളത്. 6.28 ഇഞ്ച് ഫുള്‍ എച്ച്ഡി പ്ലസ് ഒപ്ടിക് അമോലെഡ് സ്‌ക്രീന്‍ ഡിസ്‌പ്ലേയാണ് ഫോണിനുളളത്. അതു പോലെ ഡ്യുവല്‍ സിം സൗകര്യമുളള ഈ ഫോണില്‍ ആന്‍ഡ്രോയിഡ് 8.1 ഓറിയോ അടിസ്ഥാനമാക്കിയുളള ഓക്‌സിജന്‍ ഓഎസ് ആണ് ഉണ്ടാവുക.

സവിശേഷതകൾ

64ജിബി ഇന്റേര്‍ണല്‍ സ്‌റ്റോറേജും 3300എംഎഎച്ച് ബാറ്ററിയും ഫോണിലുണ്ട്. എഫ് 1.7 അപ്പാര്‍ച്ചര്‍ സൗകര്യമുളള 16എംപി സെന്‍സറും എഫ് 1.7 അപ്പാര്‍ച്ചറുളള 20 എംപി സെന്‍സറുമാണ് ഫോണിന്റെ പിന്‍ ഭാഗത്ത്. കുത്തനെ സ്ഥാപിച്ചിട്ടുളള ഡ്യുവല്‍ ക്യാമറയില്‍ എല്‍ഇഡി ഫ്‌ളാഷും ഉണ്ട്. സെല്‍ഫി ക്യാമറ 16എംപി ആണ്. മുന്‍ ക്യാമറയിലും പിന്‍ ക്യാമറയിലും പോര്‍ട്രേറ്റ് ചിത്രങ്ങള്‍ പകര്‍ത്താന്‍ സാധിക്കും. വില തുടങ്ങുന്നത് 34,999 രൂപ മുതലും.

ഷവോമി Mi 8

മുകളിലെ മോഡലുകൾക്ക് സമാനമായ സവിശേഷതകൾ തന്നെ ഇവിടെയും കാണാം. 3ഡി ഫേസ് അൺലോക്ക് അടക്കമുള്ള സൗകര്യങ്ങളോടെയാണ് MI 8 എത്തുന്നതെങ്കിൽ ഇതിനോടൊപ്പം അവതരിപ്പിച്ച MI 8ന്റെ തന്നെ Explorer Edition സ്‌ക്രീനിൽ തന്നെ ഫിംഗർ പ്രിന്റ് വരുന്ന സൗകര്യത്തോടെയാണ് എത്തിയിരിക്കുന്നത്. 18.7: 9 അനുപാതത്തിലും 88.5 ശതമാനം സ്ക്രീൻ-ടു-ശരീര അനുപാതത്തിലും സാംസങ് അമോലെഡ് 6.21 ഇഞ്ച് ഫുൾ എച്ച്ഡി + 1080x2248 പിക്സൽ ഡിസ്പ്ളേ, ഡ്യുവൽ സിം, ക്വാൽകോം സ്നാപ്ഡ്രാഗൺ 845 SoC, 6 ജിബി / 8 ജിബി എൽപിഡിആർ 4 എക്സ് റാം എന്നിവയാണ് പ്രധാന സവിശേഷതകൾ. 8 ജിബി റാം ആണ് എക്സ്പ്ലോറർ പതിപ്പിൽ വരുന്നത്.

സവിശേഷതകൾ

ക്യാമറയുടെ കാര്യത്തിൽ 1.4 മൈക്രോൺ പിക്സൽ, 4-ആക്സിസ് OIS, ഡ്യുവൽ പിക്സൽ ഓട്ടോഫോക്കസ്, AI സവിശേഷതകൾ, എ.ഐ. സീൻ ഡിറ്റക്ഷൻ എന്നിവയുള്ള ഇരട്ട 12 മെഗാപിക്സൽ സെൻസറുകൾ പിറകിലും 20 മെഗാപിക്സൽ ക്യാമറ മുമ്പിലും ഉണ്ട്. എഫ് / 2.0 അപ്പെർച്ചർ ഉള്ള ഈ സെൽഫി ക്യാമറയിൽ 1.8 മൈക്രോൺ പിക്സലുകൾ, എആർ പോർട്രെയിറ്റ് മോഡ് എന്നിവയും ലഭ്യമാണ്. 64ജിബി, 128ജിബി , 256ജിബി എന്നിങ്ങനെ ഇൻബിൽറ്റ് സ്റ്റോറേജ് ലഭ്യമാണ്. 3400mAh ബാറ്ററിയാണ് ഈ മോഡലുകളിൽ ഉള്ളത്. വില 24500 മുതൽ തുടങ്ങും.

ഓണർ 10

അടുത്തതായി എത്തുന്നത് ഓണർ 10 ആണ്. മുകളിൽ പറഞ്ഞ മൂന്ന് മോഡലുകളുമായി മത്സരിക്കാൻ കെൽപ്പുള്ള എല്ലാ സവിശേഷതകളും ഈ ഫോണിനും ഉണ്ട്. ഹോണര്‍ 10ന് 5.85 ഇഞ്ച് FHD + ഐപിഎസ് ഡിസ്‌പ്ലേയാണുളളത്. 19:9 അനുപാതത്തില്‍ ഫോണിന്റെ മുകളിലായി ഒരു നോച്ചും ഉണ്ട്. ഗ്ലാസ് ഡിസൈനില്‍ രൂപകല്‍പന ചെയ്തിരിക്കുന്ന ഈ ഫോണിന് പ്രീമിയം ലുക്കാണ്. ക്വല്‍കോമിന്റെ അള്‍ട്രാസോണിക് ഫിങ്കര്‍പ്രിന്റെ സെന്‍സറുളള ആദ്യത്തെ സ്മാര്‍ട്ട്‌ഫോണാണിത്. ചാര്‍ജ്ജിങ്ങിനായി യുഎസ്ബി ടെപ്പ് സി യും അതിനോടൊപ്പം 3.5എംഎം ഹെഡ്‌ഫോണ്‍ ജാക്കും ഉണ്ട്.

സവിശേഷതകൾ

ഏറ്റവും പുതിയ ഹൈ സിലിക്കണ്‍ കിരിന്‍ 970 പ്രോസസറാണ് ഫോണിന് കരുത്ത് പകരുന്നത്. ഹുവാവെ P20 സീരീസ് സ്മാര്‍ട്ട്‌ഫോണിലും ഇതു കാണാം. 6ജിബി റാം, 64ജിബി/ 128ജിബി ഇന്റേര്‍ണല്‍ സ്‌റ്റോറേജാണ് ഫോണിന്. ഫ്‌ളാഗ്ഷിപ്പ് തലത്തിലുളള ക്യാമറ ശേഷിയാണ് ഹോണര്‍ 10ന്. ഡ്യുവല്‍ ക്യാമറ സെറ്റപ്പാണ്, അതായത് 24എംപി, 16എംപി ക്യാമറകള്‍. സെല്‍ഫിക്ക് മിഴിവ് പകരാന്‍ 24എംപി മുന്‍ ക്യാമറയും ഫോണില്‍ ഒരുക്കിയിരിക്കുന്നു. മുന്‍ ക്യാമറയില്‍ ഫേസ് അണ്‍ലോക്ക് സവിശേഷതയും ഉണ്ട്. ആന്‍ഡ്രോയിഡ് 8.1 ഓറിയോ ഒഎസില്‍ പ്രവര്‍ത്തിക്കുന്ന ഫോണാണ് ഹോണര്‍ 10.

ഇവയിൽ നിന്നും ഇനി എളുപ്പം നിങ്ങൾക്ക് തിരഞ്ഞെടുക്കാമല്ലോ ഏതാണ് നിങ്ങൾക്ക് കൂടുതൽ ബോധിച്ച ഫോൺ എന്നത്.

Best Mobiles in India

English Summary

Asus Zenfone 5 First Impression.