സര്ക്കാര് നിയന്ത്രണത്തിലുള്ള ടെലികോം ഓപ്പറേറ്ററായ ബി.എസ്.എന്.എല്. ചാമ്പ്യന് കമ്പ്യൂട്ടേഴ്സുമായി ചേര്ന്ന് പുതിയ സ്മാര്ട്ഫോണ് പുറത്തിറക്കി. ബി.എസ്.എന്.എല്. ചാമ്പ്യന് DM6513 എന്നു പേരിട്ടിരിക്കുന്ന ഫാബ്ലറ്റിന് 6,999 രൂപയാണ് വില.
നേരത്തെ ബി.എസ്.എന്.എല്. ചാമ്പ്യന് കമ്പ്യൂട്ടേഴ്സുമായി ചേര്ന്ന് ഫീച്ചര്ഫോണും സ്മാര്ട്ഫോണും പുറത്തിറക്കിയിരുന്നു. എന്നാല് പുതിയ ഫോണ് 6.5 ഇഞ്ച് സ്ക്രീന് സൈസുള്ള വലിയ ഫോണാണ്. ഔദ്യോഗിക കാര്യങ്ങള്ക്കും വ്യക്തിപരമായ ആവശ്യങ്ങള്ക്കും ഒരുപോലെ ഉപയോഗിക്കാന് സഹായിക്കുക എന്ന ലക്ഷ്യത്തോടെയാണ് ഫോണ് നിര്മിച്ചതെന്ന് ചാമ്പ്യന് കമ്പ്യൂട്ടേഴ്സ് എം.ഡി കപില് മാധ്വ പറഞ്ഞു.