10,000 രൂപയില്‍ താഴെ വിലയില്‍ എണ്ണിയാല്‍ തീരാത്ത അത്രയും ആന്‍ഡ്രോയ്ഡ് കിറ്റ്കാറ്റ് സ്മാര്‍ട്‌ഫോണുകള്‍ ഇന്ന് നമുക്ക് ലഭിക്കും. ആ നിരയിലേക്ക് ഒരു ഫോണ്‍ കൂടി വരുന്നു. സെല്‍കോണ്‍ മില്ലെനിയം Q3000. 8,999 രൂപയാണ് വില.
ഭാരവും തിക്‌നസും കുറവാണെന്നതാണ് സെല്‍കോണ്‍ പുതിയതായി അവതരിപ്പിച്ച മില്ലെനിയം സീരീസിലെ Q3000 ഫോണിന്റെ പ്രത്യേകത. മോട്ടറോളയുടെ മോട്ടോ E, മൈക്രോമാക്‌സ് യുണൈറ്റ് 2 എന്നിവയെതന്നെയാണ് സെല്‍കോണ്‍ പുതിയ ഫോണിലൂടെ ലക്ഷ്യം വച്ചിരിക്കുന്നത്.
സെല്‍കോണ്‍ മില്ലെനിയം Q3000 ത്തിന്റെ പ്രത്യേകതകള്‍
5 ഇഞ്ച് FWVGA ഡിസ്‌പ്ലെ, 480-854 പിക്‌സല്‍ റെസല്യൂഷന്‍, ആന്‍ഡ്രോയ്ഡ് 4.4 കിറ്റ്കാറ്റ് ഒ.എസ്, 1.3 GHz ക്വാഡ്‌കോര്‍ മീഡിയടെക് പ്രൊസസര്‍, 1 ജി.ബി. റാം, 4 ജി.ബി. ഇന്‍ബില്‍റ്റ് മെമ്മറി, 32 ജി.ബി. എക്‌സ്പാന്‍ഡബിള്‍ മെമ്മറി, 8 എം.പി പ്രൈമറി ക്യാമറ, 1.3 എം.പി ഫ്രണ്ട് ക്യാമറ, 3 ജി സപ്പോര്‍ട് എന്നിവയാണ് ഫോണിന്റെ പ്രധാന പ്രത്യേകതകള്‍.
3000 mAh ബാറ്ററി 3 ജി നെറ്റ്‌വര്‍ക്കില്‍ 12 മണിക്കൂര്‍ സംസാരസമയവും 375 മണിക്കൂര്‍ സ്റ്റാന്‍ഡ്‌ബൈ സമയവും നല്‍കുമെന്ന് കമ്പനി അവകാശപ്പെടുന്നു.